ଅର୍ଗସ ବ୍ୟୁରୋ: କଂଗ୍ରେସ ଓ ସମାଜବାଦୀ ପାର୍ଟିକୁ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିଶାନା। ଆଲିଗଡରେ ଏକ ଜନସଭାକୁ ସମ୍ବୋଧିତ ବେଳେ ଯୋଗୀ କହିଛନ୍ତି, ସପା ଓ କଂଗ୍ରେସକୁ ସୁଯୋଗ ମିଳିଲେ ଏମାନେ ଦଙ୍ଗା କରିଦେବେ। କାହିଁକି ନା ସେମାନଙ୍କ ଆତ୍ମା ଭିତରେ ଜିନ୍ନା ପ୍ରବେଶ କରି ସାରିଥିବା କହିଛନ୍ତି ଯୋଗୀ । ଆଲିଗଡର ସୋମନା ରୋଡରେ ଥିବା ଗୁରୁକୂଳ ପବ୍ଲିକ ସ୍କୁଲରେ ଆୟୋଜିତ ଜିଲ୍ଲାସ୍ତରୀୟ ବୃହତ ରୋଜଗାର ଏବଂ ଋଣ ମେଳାରେ ଯୋଗ ଦେଇ 5 ହଜାରରୁ ଅଧିକ ଯୁବକ ଯୁବତୀଙ୍କୁ ନିଯୁକ୍ତିପତ୍ର ବିତରଣ କରିଛନ୍ତି ଯୋଗୀ । 

ଏଥିସହ ଉଦ୍ୟୋଗୀଙ୍କୁ 35 କୋଟି ଟଙ୍କାର ଋଣ ବଣ୍ଟନ କରିଛନ୍ତି। ଏହାଛଡା 1500ରୁ ଅଧିକ ଛାତ୍ରଛାତ୍ରୀଙ୍କୁ ଟାବଲେଟ୍ ବିତରଣ ତଥା 705 କୋଟି ଟଙ୍କାର 305ଟି ବିକାଶ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ପ୍ରଧାନମନ୍ତ୍ରୀଙ୍କ ନେତୃତ୍ବରେ ଦେଶ ଆଗକୁ ବଢୁଛି। ସରକାର ରୋଜଗାର ଦେବାକୁ ଜନତାଙ୍କ ପାଖରେ ପହଞ୍ଚୁଛନ୍ତି। ଯାହାର ଯେତିକି କ୍ଷମତା ସେହି ଅନୁସାରେ ରୋଜଗାର ମିଳୁଥିବା କହିଛନ୍ତି ଯୋଗୀ।

ଅଧିକ ପଢ଼ନ୍ତୁ ଭାରତ ଖବର