ଦୁର୍ନୀତିଗ୍ରସ୍ତଙ୍କ ଉପରେ ବର୍ଷିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ

ନୂଆ ଭାରତରେ ଭ୍ରଷ୍ଟାଚାରୀଙ୍କ ପାଇଁ କୌମସି ସ୍ଥାନ ନାହିଁ। ଉତ୍ତରପ୍ରଦେଶର ଗୋଣ୍ଡାରେ ଦୁର୍ନୀତିଗ୍ରସ୍ତଙ୍କ ଉପରେ ବର୍ଷିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଯୋଗୀ କହିଛନ୍ତି, ଯଦି କେହି ଚାକିରୀ ବଦଳରେ ଲାଞ୍ଚ , ଲୋନ୍ ଦେବା ନାଁର ଅନ୍ୟକିଛି ଦାବି କରିନ୍ତି ତେବେ ଆପଣ ଦିଅନ୍ତୁ ନାହିଁ । ଯଦି କେହି ଦୁର୍ନୀତିରେ ଲିପ୍ତ ଜଣାପଡନ୍ତି ତେବେ ତାହା ସମ୍ପୃକ୍ତ ବ୍ୟକ୍ତିଙ୍କ ପାଇଁ ଏହା ଶେଷ ଚାକିରୀ ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ । ଗୋଣ୍ଡାରେ ଉଦ୍ୟମୀ ବିକାଶ ଯୋଜନା ଅନ୍ତର୍ଗତ ଦେବୀ ପାଟନ ଅଂଚଳରେ ୧୪୨୩ ଯୁବକଙ୍କୁ ୫୫ କୋଟି ଟଙ୍କାର ଋଣ ବିତରଣ କରିଛନ୍ତି ।

ଏଥିସହ ମୁଖ୍ୟମନ୍ତ୍ରୀ ଯୋଗୀ, ଜିଲ୍ଲା ଏକ, ଉତ୍ପାଦ ଏକ ଯୋଜନା ଅନ୍ତର୍ଗତ ୨୦୦ ଲୋକଙ୍କୁ ଟୁଲକିଟ୍ ପ୍ରଦାନ କରିଛନ୍ତି । ସ୍ୱଚ୍ଛ ଭାରତ ଲକ୍ଷ୍ୟ ଯୋଗୀ ସରକାରଙ୍କ ବଡ ପଦକ୍ଷେପ। ଭ୍ରଷ୍ଟାଚାରୀଙ୍କୁ ଆଉ ଦେଶରେ ସ୍ଥାନ ନାହିଁ। ଯିଏ ଭ୍ରଷ୍ଟାଚାରରେ ମନ ଦେବ, ତାହା ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ।