Vice President Election Result: ଇଣ୍ଡି ମେଣ୍ଟ ପ୍ରାର୍ଥୀଙ୍କୁ ୧୫୨ ଭୋଟରେ ପରାଜିତ କଲେ NDAର ରାଧାକ୍ରୀଷ୍ଣନ୍
Key Points
ମୋଟ୍ ୯୮.୨ ପ୍ରତିଶତ ମତଦାନ ହୋଇଥିବା ନେଇ ସେ ସ୍ପଷ୍ଟ କରିଛନ୍ତି ।
ଏହି ଭୋଟିଂରୁ ନିଜକୁ ବିରତ ରଖିଥିଲା ବିଜେଡି ଓ ଭାରତୀୟ ରାଷ୍ଟ୍ର ସମିତି ।
ସିପି ରାଧାକ୍ରିଷ୍ଣନ ହେଲେ ନୂଆ ଉପରାଷ୍ଟ୍ରପତି । ସେ NDAର ପ୍ରାର୍ଥୀ ଥିଲେ । INDI ମେଣ୍ଟ ବ୍ଲକ ପ୍ରାର୍ଥୀ ବି. ସୁଦର୍ଶନ ରେଡ୍ଡୀଙ୍କୁ ହରାଇ ବିଜୟୀ ହୋଇଛନ୍ତି ସିପି ରାଧାକ୍ରୀଷ୍ଣନ୍ । ୪୫୨ ପ୍ରଥମ ପସନ୍ଦ ଭୋଟ ପାଇ ସେ ନିର୍ବାଚିତ ହୋଇଛନ୍ତି । ସୁଦର୍ଶନ ରେଡ୍ଡୀଙ୍କୁ ମିଳିଛି ୩୦୦ ପ୍ରଥମ ପସନ୍ଦ ଭୋଟ । ଫଳାଫଳ ଘୋଷଣା କରିଛନ୍ତି ରାଜ୍ୟସଭା ମହାସଚିବ ପିସି ମୋଦି । ମୋଟ୍ ୯୮.୨ ପ୍ରତିଶତ ମତଦାନ ହୋଇଥିବା ନେଇ ସେ ସ୍ପଷ୍ଟ କରିଛନ୍ତି । ଏହି ଭୋଟିଂରୁ ନିଜକୁ ବିରତ ରଖିଥିଲା ବିଜେଡି ଓ ଭାରତୀୟ ରାଷ୍ଟ୍ର ସମିତି ।
ଏଥିରେ ମୋଟ ୭୬୭ ଭୋଟ ପଡ଼ିଥିଲା ବେଳେ ଏନ୍ଡିଏ ପାଇଚି ୪୫୨ ଭୋଟ, ଇଣ୍ଡି ମେଣ୍ଟ ପାଇଛି ୩୦୦ ଭୋଟ ଓ ୧୫ଟି ଭୋଟ ନାକଚ ହୋଇଛି ।
📱 Get Argus News App
✨ସିପି ରାଧାକ୍ରୀଷ୍ଣନ୍ ମହାରାଷ୍ଟ୍ରର ରାଜ୍ୟପାଳ ଥିଲେ । ଉପରାଷ୍ଟ୍ରପତି ନିର୍ବାଚନ ପାଇଁ ରାଧାକ୍ରିଷ୍ଣନଙ୍କ ନାଁ ଘୋଷଣା କରିଥିଲେ ବିଜେପି ସଭାପତି ଜେପି ନଡ୍ଡା। ଗତ ୨୦୨୪ ଜୁଲାଇ ୨୭ରେ ସେ ମହାରାଷ୍ଟ୍ର ରାଜ୍ୟପାଳ ଭାବେ ଦାୟିତ୍ବ ନେଇଥିଲେ। ସେ ତେଲଙ୍ଗାନା, ଝାଡ଼ଖଣ୍ଡ ଓ ପୁଦୁଚେରୀର ଲେଫ୍ଟନାଣ୍ଟ ଗଭର୍ଣ୍ଣର ବି ଥିଲେ।
ତାମିଲନାଡୁ ବାସିନ୍ଦା ସି.ପି. ରାଧାକ୍ରିଷ୍ଣନଙ୍କ ନାଁ ଉପରେ ବିଜେପି ସଂସଦୀୟ ଦଳ ବୈଠକରେ ଲାଗିଥିଲା ମୋହର। ଚନ୍ଦ୍ରପୁରମ ପୋନୁସାମୀ ରାଧାକ୍ରିଷ୍ଣନଙ୍କ ଦୀର୍ଘ ରାଜନୈତିକ କ୍ୟାରିଅର ରହିଛି। ସେ ଯୁବାବସ୍ଥାରୁ ଆରଏସଏସ ଓ ଜନସଂଘ ସହ ଜଡ଼ିତ ଥିଲେ। ସେ ୧୯୯୬ ଓ ୧୯୯୮ରେ ଲୋକସଭାରେ ଦୁଇଥର ଲାଗି ସାଂସଦ ଥିଲେ। ସେ ଜାତିସଙ୍ଘ ସାଧାରଣ ଆସେମ୍ବ୍ଲିରେ ଭାରତର ପ୍ରତିନିଧିତ୍ବ ବି କରିଥିଲେ। ସେ ୨୦୦୪ରୁ ୨୦୦୭ ତାମିଲନାଡୁର ବିଜେପି ସଭାପତି ଥିଲେ। ୨୦୨୦ରେ ସେ କେରଳ ଲାଗି ବିଜେପି ପ୍ରଭାରୀ ହୋଇଥିଲେ।