ଅର୍ଗସ ବ୍ୟୁରୋ: ମହାରାଷ୍ଟ୍ରର ଥାନେରେ ଦୁଇ ଜଣ ନାବାଳିକାଙ୍କୁ ଯୌନ ନିର୍ଯାତନା ମାମଲାକୁ ନେଇ ଜୋର ଧରିଛି ପ୍ରତିବାଦ। ବାଦଲପୁର ଅଂଚଳରେ ହଜାର ହଜାର ଲୋକ ରେଳରୋକୋ କରିବା ସହ ଧାରଣ ଦେଇଛନ୍ତି । ଏଥିଯୋଗୁଁ ପ୍ରାୟ ୬ ଘଣ୍ଟା ଧରି ରେଳ ଚଳାଚଳ ବନ୍ଦ ରହିଛି । ଉତ୍ତ୍ୟକ୍ତ ଲୋକମାନଙ୍କୁ ଘଉଡାଇବାକୁ ପୋଲିସ ଲାଠିଚାଳନା କରିଥିଲା । ବିକ୍ଷୋଭକାରୀ ମାନେ ପୋଲିସ ଉପରକୁ ଟେକାପଥର ମାଡ କରିଥିଲେ । ରଣକ୍ଷେତ୍ର ପାଲଟିଥିଲା ବାଦଲପୁର ରେଲଓ୍ବେ ଷ୍ଟେସନ । 

ଯୌନ ନିର୍ଯାତନା ଘଟଣାରେ ସଂପୃକ୍ତ ଥିବା ଅଭିଯୋଗରେ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ଦେବାକୁ ଦାବି କରିଛନ୍ତି । ବିରୋଧୀ ଦଳ ଅଭିଯୋଗ କରିଛନ୍ତି ଯୌନ  ନିର୍ଯାତନାର ଶିକାର ହୋଇଥିବା ଅଭିଭାବକଙ୍କୁ ୧୧ ଘଣ୍ଟା ପର୍ଯ୍ୟନ୍ତ ଅପେକ୍ଷା କରିବାକୁ କୁହାଯାଇଥିଲା । ଏହି ଘଟଣାରେ ତିନିଜଣ ପୋଲିସକୁ ସସପେଣ୍ଡ କରାଯାଇଛି ।