ମୁଁ ଚାହେଁ ମୋ ପୁଅ ଘରକୁ ଫେରିଆସୁ
ସୋସିଆଲ ମିଡିଆରେ ଭାଇରାଲ ହେବା ପରେ ପୁଅକୁ ଜାଣିଲି
୬ ମାସ ତଳୁ ମୋ ନମ୍ବର ବ୍ଲକ କରିଛି ପୁଅ
ମହାକୁମ୍ଭରେ ଆଇଆଇଟି ବାବାଙ୍କୁ ନେଇ ଚର୍ଚ୍ଚା

ଅର୍ଗସ ବ୍ୟୁରୋ : ମହାକୁମ୍ଭ ମେଳାର ଚର୍ଚ୍ଚିତ ଚେହେରା ଆଇଆଇଟି ବାବା ଓରଫ ଅଭୟ ସିଂ । ଆଇଆଇଟି ଇଞ୍ଜିନିୟ ଡିଗ୍ରୀ ହାସଲ କରିବା ପରେ ଏବେ ଆଧ୍ୟାତ୍ମିକ ଡିଗ୍ରୀ ହାସଲ କରିବା ଉଦ୍ଦେଶ୍ୟରେ ଆଗେଇ ଆସିଛନ୍ତି । ହେଲେ ପୁଅକୁ ନିଜ ଘରକୁ ଫେରାଇ ନେବାକୁ ବ୍ୟସ୍ତ ହୋଇ ପଡିଛନ୍ତି ବାପା । ଆଉ ସୋସିଆଲ ମିଡିଆରେ ନିଜ ପୁଅକୁ ଫେରିଆସି ବାକୁ ଅନୁରୋଧ କରିଛନ୍ତି ।

ଆଇଆଇଟି ଇଞ୍ଜିନିୟର ଅଭୟ ସିଂ । ଯିଏ ପିଲାଦିନୁ ଜଣେ ମେଧାବୀ ଛାତ୍ର ଥିଲେ । ମୁମ୍ବାଇରେ ଏୟରସ୍ପେସ ଇଞ୍ଜିନିୟରିଂ ଡିଗ୍ରୀ ହାସଲ କରିବା ପରେ କାନାଡା ଯାଇଥିଲେ ଚାକିରି ପାଇଁ । ସେଠାରେ କିନ୍ତୁ ତାଙ୍କର ମନ ଲାଗିନଥିଲା । ଭାରତ ଚାଲି ଆସିଥିଲେ ଆଧ୍ୟାତ୍ମିକ ଜଗତର ସନ୍ଧାନରେ ।

ସିମଲା, ଧର୍ମଶାଳା , ମସୁରୀ ଆଦି ଆଧ୍ୟ।ତ୍ମିକ ସ୍ଥାନରେ ଶୀତଋତୁ କଟାଇଥଇଲେ ଅଭୟ । ପରେ କାଶୀ ଘାଟରେ ଆଧ୍ୟାତ୍ମିକତାର ସନ୍ଧାନ କରୁଥିବା ବେଳେ ତାଙ୍କୁ ଭେଟ ହୋଇଥିଲେ ଗୁରୁ ସୋମେଶ୍ବର ଗିରି । ପରେ ଅଭୟ ଅନେକ ସାଧୁସନ୍ଥଙ୍କ ସଂସ୍ପର୍ଶରେ ଆଶିଥିଲେ । ପରେ ପ୍ରୟାଗରାଜର କୁମ୍ଭମେଳାରେ ଯୋଗ ଦେଇଥିଲେ ।
ହେଲେ ଏହି ଆଇଆଇଟି ବାବା ସୋସିଆଲ ମିଡିଆରେ ଭାଇରାଲ ହେବାପରେ ତାଙ୍କର ବାପା କରନ ଗ୍ରେୱାଲ ତାଙ୍କୁ ଘରକୁ ଫେରି ଆସିବାକୁ ଅନୁରୋଧ କରିଥିଲେ । ସେ କହିଛନ୍ତି ୬ ମାସ ତଳେ ସେ ତାଙ୍କ ପୁଅ ସହ କଥା ହୋଇଥିଲେ । ଆଉ ତାପରେ ତାଙ୍କ ପୁଅ ତାଙ୍କ ନମ୍ବର ବ୍ଲକ କରି ଦେଇଥିଲେ । ଏବେ ଅଭୟ ଯେଉଁ ସ୍ଥିତିକୁ ଗଲେଣି ସେ ଆଉ ପଛକୁ ଫେରି ପାରିବେନି ବୋଲି ଆଶଙ୍କା କରି କହିଛନ୍ତି ତାଙ୍କ ବାପା ।

ଅଭୟ ପିଲାଦିନୁ ସ୍ବାଧିନ ଭାବେ ବଞ୍ଚିବାକୁ ଚାହୁଁଥିଲେ । ସେଥିପାଇଁ ତାଙ୍କ ବାପା ତାଙ୍କର କୌଣସି ସ୍ବାଧିନତାରେ ହସ୍ତକ୍ଷେପ କରିନଥିଲେ । ପିଲାଦିନୁ ନିଜର ବାପାମାଆଙ୍କ ଭିତରେ ଅନେକ ସମୟରେ ଝଗଡା ପାଟିତୁଣ୍ଡ ହେବାର ଦେଖିଥିଲେ ଅଭୟ । ସେଥିପାଇଁ କେବେ ବିବାହ ନକରିବାକୁ ନିଷ୍ପତ୍ତି ନେଇଥିଲେ । ଏବେ ସମ୍ପୁର୍ଣ୍ଣ ଆଧ୍ୟାତ୍ମିକ ଜଗତ ଆଡକୁ ମନ ବଳାଇଛନ୍ତି ଅଭୟ । ସେପଟେ ପୁଅର ଘରକୁ ଫେରିବା ବାଟକୁ ଚାହିଁ ରହିଛନ୍ତି ଅଭୟଙ୍କ ବାପା ।

Argus News | argus news | Odisha Latest News, Breaking News, Trending News, Live TV