ଥାଇଲାଣ୍ଡରେ ଭାରତୀୟ ପର୍ଯ୍ୟଟକଙ୍କୁ ଆକ୍ରମଣ କରି ଘାଇଲା କଲା ବାଘ । ଥାଇଲ୍ୟାଣ୍ଡର ଫୁକେଟରେ ଘଟିଛି ଏହି ଅଘଟଣ । ଜଣେ ଭାରତୀୟ ପର୍ଯ୍ୟଟକଙ୍କୁ ବାଘ ଆକ୍ରମଣ କରିଥିଲା। ପ୍ରସିଦ୍ଧ ଟାଇଗର କିଙ୍ଗଡମରେ ବନ୍ୟପ୍ରାଣୀ ସହିତ ସେଲଫି ନେବାକୁ ଚେଷ୍ଟା କରୁଥିବାବେଳେ ଏହି ଅଘଟଣ ଘଟିଥିବା ଜଣାପଡିଛି । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ୍ ହେଉଛି ।

ଯେଉଁଥିରେ ଅନେକ ଲୋକ ସୁରକ୍ଷା ପ୍ରୋଟୋକଲ ଏବଂ ଏପରି ଅଞ୍ଚଳରେ ପ୍ରାଣୀଙ୍କ କଲ୍ୟାଣ ଉପରେ ପ୍ରଶ୍ନ ଉଠାଇଛନ୍ତି ।

25 ସେକେଣ୍ଡର କ୍ଲିପରେ, ଅଜଣା ବ୍ୟକ୍ତି ଜଣକ ବାଘ ସହିତ ଚାଲୁଥିବା ଦେଖାଯାଉଛି । ତା'ପରେ ସେ ବାଘ ସହିତ ଏକ ଫଟୋ ଉଠାଇବାକୁ ଚେଷ୍ଟା କରୁଛନ୍ତି । ସମାନ ଫ୍ରେମରେ, ଜଣେ ପ୍ରଶିକ୍ଷକ ବାଘକୁ ବସିବାକୁ ନିର୍ଦ୍ଦେଶ ଦେବା ପାଇଁ ଏକ ବାଡ଼ି ବ୍ୟବହାର କରୁଥିବା ଦେଖାଯାଉଛି । କିନ୍ତୁ ହଠାତ୍ ବାଘଟି ଆକ୍ରମଣାତ୍ମକ ହୋଇଯାଇ ସେହି ବ୍ୟକ୍ତିଙ୍କୁ ଆକ୍ରମଣ କରୁଛି । ଆଉ ତା ପରେ ଶୁଭୁଛି ସେହି ଯୁବକଙ୍କର ଚିତ୍କାର । ଯାହାକୁ ଶୁଣି ସେଠାରେ ଥିବା ସମସ୍ତ ବ୍ୟକ୍ତି ଭୟବିତ ଥିବା ଜଣାପଡିଛି ।

Apparently an Indian man attacked by a tiger in Thailand.

This is one of those paces where they keep tigers like pets and people can take selfies, feed them etc etc.#Indians #tigers #thailand #AnimalAbuse pic.twitter.com/7Scx5eOSB4

— Sidharth Shukla (@sidhshuk) May 29, 2025

ଅନେକ ଲୋକ ସୋସିଆଲ ମିଡିଆ ମାଧ୍ୟମରେ ଉକ୍ତ ବ୍ୟକ୍ତିଙ୍କର ସେ ଭଲ ଅଛନ୍ତି କି ନାହିଁ ଚିନ୍ତା ପ୍ରକଟ କରିଛନ୍ତି । ଭବିଷ୍ୟତରେ ଏପରି କିଛି ନଘଟିବା ପାଇଁ ଉନ୍ନତ ସୁରକ୍ଷା ବ୍ୟବସ୍ଥା ପାଇଁ ଆହ୍ୱାନ ଦେଇଛନ୍ତି ।

ସେହି ବ୍ୟକ୍ତି ଜଣକ ବଞ୍ଚିଗଲେ କି ନାହିଁ ପଚାରିବାରୁ, ଭିଡିଓ ପୋଷ୍ଟ କରିଥିବା ବ୍ୟକ୍ତି କହିଛନ୍ତି, "ହଁ, ସ୍ପଷ୍ଟ ଭାବରେ, ସାମାନ୍ୟ ଆଘାତ ଲାଗିଛି" ।