ଅସନ୍ତୋଷ ଓ ଅଶାନ୍ତି ନିଆଁରେ ଜଳୁଛି ନେପାଳ । ନେପାଳରେ ଚାଲିଥିବା ବିରୋଧ ପ୍ରଦର୍ଶନ ମଧ୍ୟରେ ଏକ ଭିଡିଓ ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି । ଏହି ଭିଡିଓରେ କିଛି ଲୋକଙ୍କୁ ଏକ ହେଲିକପ୍ଟରରେ ଝୁଲୁଥିବା ଦେଖିବାକୁ ମିଳିଛି ଯେଉଁମାନଙ୍କୁ ପ୍ରଦର୍ଶନକାରୀଙ୍କ ଠାରୁ ଦୂରରେ ଥିବା ଏକ ସୁରକ୍ଷିତ ସ୍ଥାନକୁ ନିଆଯାଇଛି ।

ଏହି ଭିଡିଓ ଏପରି ସମୟରେ ସାମ୍ନାକୁ ଆସିଛି ଯେତେବେଳେ ନେପାଳରେ ସରକାର ବିରୋଧୀ ପ୍ରଦର୍ଶନ ଚାଲିଛି ଏବଂ ଅଟକିବାର ନାଁ ନେଉ ନାହିଁ । ମଙ୍ଗଳବାର ପ୍ରଦର୍ଶନକାରୀମାନେ ଦେଶର ୩ ପୂର୍ବ ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ଅର୍ଥମନ୍ତ୍ରୀ ଏବଂ ସୁପ୍ରିମକୋର୍ଟଠାରୁ ଆରମ୍ଭ କରି ସଂସଦ ପର୍ଯ୍ୟନ୍ତ ସମସ୍ତଙ୍କୁ ଟାର୍ଗେଟ କରିଛନ୍ତି ।

ଏକ୍ସରେ ଆସିଥିବା ଏହି ଭିଡିଓକୁ, 'ନେପାଳରେ ଜନତାଙ୍କ କ୍ରୋଧରୁ ବଞ୍ଚୁଥିବା ରାଜନେତା' କ୍ୟାପ୍ସନ ସହିତ ପୋଷ୍ଟ କରାଯାଇଛି । ନେପାଳରୁ ସାମ୍ନାକୁ ଆସିଥିବା

Politicians escaping the wrath of the people in Nepal
God when?

pic.twitter.com/16mIKiS1Qu

ଭିଡିଓରେ କିଛି ଲୋକ ତଳେ ଠିଆ ହୋଇ ପାଟି କରୁଛନ୍ତି । ମଙ୍ଗଳବାର ହିଂସାତ୍ମକ ପ୍ରଦର୍ଶନ ମଧ୍ୟରେ ସେନା କିଛି ରାଜନେତାଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି । ପ୍ରଦର୍ଶନକାରୀମାନେ ପୂର୍ବ ପ୍ରଧାନମନ୍ତ୍ରୀ ଶେର ବାହାଦୁର ଦେଉବା ଏବଂ ତାଙ୍କ ପତ୍ନୀଙ୍କ ଉପରେ ମଧ୍ୟ ଆକ୍ରମଣ କରିଥିଲେ ।

ଯେଉଁଠାରେ ସେନା ବହୁ କଷ୍ଟରେ ଦେଉବାଙ୍କ ଜୀବନ ବଞ୍ଚାଇଥିଲା, ତାଙ୍କ ପତ୍ନୀ ଆରଜୁଙ୍କ ପତ୍ତା ଏପର୍ଯ୍ୟନ୍ତ ମିଳିନାହିଁ । ମଙ୍ଗଳବାର ହିମାଳୟ ରାଷ୍ଟ୍ରରେ ବ୍ୟାପକ ବିରୋଧ ପ୍ରଦର୍ଶନ ମଧ୍ୟରେ ପ୍ରଧାନମନ୍ତ୍ରୀ କେପି ଶର୍ମା ଓଲି ପଦ ଛାଡ଼ିଛନ୍ତି । ଏହି ରାଜନୈତିକ ସଙ୍କଟ ଯୋଗୁଁ ନେପାଳୀ ସେନାକୁ ବ୍ୟବସ୍ଥା ବଜାୟ ରଖିବା ଏବଂ ଦେଶର ସୁରକ୍ଷା ପାଇଁ ପଦକ୍ଷେପ ନେବାକୁ ପଡ଼ିଛି ।

ଅଧିକ ପଢ଼ନ୍ତୁ ଭାରତ ଖବର...