ଆନ୍ଧପ୍ରଦେଶର ବିଶାଖାପାଟଣା ସ୍ଥିତ ଷ୍ଟିଲ୍ ପ୍ଲାଣ୍ଟରେ ତରଳ ଷ୍ଟିଲ୍ ପାଇଁ ବଡ ଅଘଟଣ ଘଟିଥିବା କୁହାଯାଉଛି ।

1600 ଡିଗ୍ରୀ ସେଲସିୟସ ତାପମାତ୍ରାରେ ତରଳୁଥିବା ଲୁହା ପଡ଼ିବା ଫଳରେ ଏହି ଶ୍ରମିକ ମାନଙ୍କର ମୃତ୍ୟୁ ହୋଇଛି । ଆନ୍ଧ୍ରପ୍ରଦେଶର ବିଶାଖାପାଟଣାସ୍ଥିତ ରାଷ୍ଟ୍ରୀୟ ଇସ୍ପାତ ନିଗମ ଲିମିଟେଡ୍ - RINL ବା ଭାଇଜାଗ୍ ଷ୍ଟିଲ୍ ପ୍ଲାଣ୍ଟ ପରିସରରେ ବଡ଼ ଦୁର୍ଘଟଣା ଘଟିଛି । ପ୍ଲାଣ୍ଟର ଏସଏମଏସ-୨ - Steel Melting Shop-2..ବିଭାଗରେ ଥିବା ଲିକ୍ୱିଡ୍ ଷ୍ଟିଲ୍ ଚାର୍ଜିଂ କ୍ରେନ୍‌ରେ ଏହି ନିଆଁ ଲାଗିଥିବା ସୂଚନା ମିଳିଛି । ପ୍ଲାଣ୍ଟରେ କାମ ଚାଲିଥିବା ସମୟରେ ହଠାତ୍ କ୍ରେନ୍‌ରେ ନିଆଁ ଲାଗିଯାଇଥିଲା ଏବଂ ଦେଖୁଦେଖୁ ସେଠାରେ ପ୍ରବଳ ଧୂଆଁ ବାହାରିବା ସହ ଭୟାବହ ସ୍ଥିତି ସୃଷ୍ଟି ହୋଇଥିଲା।

ଏହାସହ ପଢ଼ନ୍ତୁ: ଯଦି ୨୧ ଜଣଙ୍କ ଜୀବନ ବଞ୍ଚାଇ ପାରିଥାନ୍ତା… ରୋଷେୟାଙ୍କ ବୟାନରେ ଚାଞ୍ଚଲ୍ୟକର ତଥ୍ୟ

ଖବର ପାଇ ପ୍ଲାଣ୍ଟର ଅଗ୍ନିଶମ ବାହିନୀ ଓ ସୁରକ୍ଷା କର୍ମୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା ଚଳାଇଛନ୍ତି। ପ୍ରାଥମିକ ସୂଚନା ଅନୁଯାୟୀ, ଦୁର୍ଘଟଣା ସମୟରେ ସେଠାରେ କାର୍ଯ୍ୟରତ ଥିବା କର୍ମଚାରୀମାନଙ୍କୁ ସୁରକ୍ଷିତ ଭାବେ ବାହାରକୁ ବାହାର କରି ଦିଆଯାଇଛି। 

ରିପୋର୍ଟ ଅନୁସାରେ, ପ୍ଲାଣ୍ଟର ଏସଏସଏମ୍-୨ ଏବଂ ଏସଟିସି-୩ ହିଟ୍ ଫ୍ୟାସିଲିଟିରେ ବିପୁଳ ମାତ୍ରାରେ ତରଳା ଯାଇଥିଲା ଲୁହା ଏବଂ ଷ୍ଟିଲ୍ କାରଣରୁ ୮ ଜଣ କର୍ମଚାରୀ ପ୍ରାଣ ହରାଇଛନ୍ତି । ଏହାସହ ଅନେକ ଆହତ ହୋଇଛନ୍ତି । କିଛି ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଫଳରେ ମୃତ୍ୟୁସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି । ଘଟଣା ପରେ କର୍ମଚାରୀ ଏବଂ ଅନ୍ୟ ଅଧିକାରୀ ଭୟରେ ଦୌଡ଼ି ପଳାଉଥିଲେ । କାରଣ ତରଳ ଲୁହା ପାଇଁ ସେଠାରେ ନିଆଁ ମଧ୍ୟ ଲାଗିଯାଇଥିଲା । ପରେ ଅନ୍ୟ କିଛି କର୍ମଚାରୀ ଆସି ନିଆଁକୁ ଆୟତ୍ତ କରିବାକୁ ପ୍ରୟାସ କରିଥିଲେ । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଛି।

ରାଜ୍ୟ ଗୃହମନ୍ତ୍ରୀଙ୍କ କହିବାନୁସାରେ, ସେ ସ୍ଥାନୀୟ ଜିଲ୍ଲାପାଳ ଏବଂ ଏସପିଙ୍କ ସହ ଆଲୋଚନା କରିଛନ୍ତି । ଆହତଙ୍କ ଉତ୍ତମ ଚିକିତ୍ସା ପାଇଁ ନିର୍ଦ୍ଦେଶ ଦିଆଯାଇଛି । ଏହାସହ ଉଦ୍ଧାରକାର୍ଯ୍ୟକୁ ଜୋରଦାର କରିବାକୁ ସେ କହିଛନ୍ତି । ଏହାସହ ଘଟଣାର ତଦନ୍ତ ନିର୍ଦ୍ଦେଶ ମଧ୍ୟ ଦିଆଯାଇଛି।