କଲମ୍ବୋରେ ପ୍ରଧାନମନ୍ତ୍ରୀଙ୍କୁ ଭବ୍ୟ ସ୍ବାଗତ। ତିନି ଦିନିଆ ଗସ୍ତରେ ଯାଇ ଶ୍ରୀଲଙ୍କାରେ ପହଁଚିଲେ ନରେନ୍ଦ୍ର ମୋଦି। ଗସ୍ତକାଳରେ ଦୁଇ ଦେଶ ମଧ୍ୟରେ ହେବ ଦ୍ବିପାକ୍ଷିକ ଆଲୋଚନା। ଏକାଧିକ ଚୁକ୍ତିନାମା ହେବ ସ୍ବାକ୍ଷର ।

ଶ୍ରୀଲଙ୍କାରେ ପ୍ରଧାନମନ୍ତ୍ରୀଙ୍କୁ ଭବ୍ୟ ସ୍ବାଗତ । ତିନି ଦିନିଆ ଶ୍ରୀଲଙ୍କା ଗସ୍ତରେ ଯାଇଥିବା ପ୍ରଧାନମନ୍ତ୍ରୀଙ୍କୁ ଆଜି ରେଡ୍ କାର୍ପେଟ୍ ୱେଲକମ୍ ସହ ଗାର୍ଡ ଅଫ୍ ଅନର୍ ଦିଆଯାଇଛି। ଶ୍ରୀଲଙ୍କା ରାଷ୍ଟ୍ରପତି ଅନୁରା କୁମାର ଦିସାନାୟକେଙ୍କ ଅନୁରୋଧକ୍ରମେ ମୋଦି ଶ୍ରୀଲଙ୍କା ଯାଇଛନ୍ତି । ମୋଦିଙ୍କ ଏହି ଗସ୍ତ ବେଳେ ଉଭୟ ଦେଶ ମଧ୍ୟରେ ସାମରିକ, ବାଣିଜ୍ୟ, ଶକ୍ତି ସୁରକ୍ଷା ଓ ଡିଜିଟାଲୀକରଣ ପ୍ରସଙ୍ଗରେ ଚୁକ୍ତି ହେବାର ସମ୍ଭାବନା ରହିଛି ।

ଏଥିସହ ଶ୍ରୀଲଙ୍କା ରାଷ୍ଟ୍ରପତିଙ୍କ ସହ ଦ୍ବିପାକ୍ଷିକ ଆଲୋଚନା କରିବେ ମୋଦି । ଭାରତ ମହାସାଗରରେ ଚୀନ ତାର ସୈନ୍ୟ କ୍ଷମତା ବୃଦ୍ଧି କରୁଥିବା ବେଳେ ମୋଦିଙ୍କ ଶ୍ରୀଲଙ୍କା ଗସ୍ତ ଭାରତର ସାମରିକ ଦୃଷ୍ଟିକୋଣରୁ ବେଶ ଗୁରୁତ୍ବପୂର୍ଣ୍ଣ । ଭାରତ ଓ ଶ୍ରୀଲଙ୍କା ମଧ୍ୟରେ ଏହି ଗସ୍ତ ବେଳେ ପ୍ରୋଜେକ୍ଟ ମହାସାଗର ନେଇ ବି ଆଲୋଚନା ହେବ । ବିଶେଷ କରି ସମୁଦ୍ର ସୀମା ସୁରକ୍ଷା ମୋଦିଙ୍କ ଗସ୍ତର ଗୁରୁତ୍ବପୂର୍ଣ୍ଣ ଅଙ୍ଗ ହେବ ।