ଅର୍ଗସ ବ୍ୟୁରୋ: ପାଣି ପାଇଁ ରାଜଧାନୀ ଦିଲ୍ଲୀରେ ହାହାକାର । ଭୀଷଣ ଗରମରେ ସନ୍ତୁଳି ହେଉଥିବା ରାଜଧାନୀବାସୀଙ୍କ ପାଇଁ ସଂକଟ ବଢା଼ଉଛି ଜଳ । ପୂର୍ବ ଦିଲ୍ଲୀରେ ଜଳାଭାବ ସ୍ଥିତି ସାଂଘାତିକ ସ୍ତରରେ ପହଞ୍ଚିଥିବାବେଳେ ରାଜ୍ୟ ର ଅଧିକାଂଶ ସ୍ଥାନରେ ଜଳ ସଂକଟ ବଢ଼ିବାରେ ଲାଗିଛି । ଭୀଷଣ ଗରମ କାରଣରୁ ନଦୀ, ଜଳାଶୟ ଶୁଖିଲା ପଡ଼ିଛି । ରାଜ୍ୟ ସରକାରଙ୍କ ପାଇପ ଯୋଗେ ଜଳ ଯୋଗାଣ ସମ୍ପୂ୍ର୍ଣ୍ଣ ଫେଲ୍ ମାରିଛି । ସହରାଞ୍ଚଳରେ ଦିନରେ ମାତ୍ର ଥରେ ଟ୍ୟାଙ୍କର ଯୋଗେ ପାଣି ଦିଆଯାଉଥିବାରୁ ଲୋକଙ୍କ ଲମ୍ବା ଲାଇନ ଦେଖିବାକୁ ମିଳୁଛି । ରାଜ୍ୟବାସୀଙ୍କ ଜଳ ସଂକଟ ବଢୁଥିବାବେଳେ ଦିଲ୍ଲୀ ସରକାର କୁମ୍ଭକର୍ଣ୍ଣ ନିଦ୍ରାରେ ଶୋଇଥିବା ଅଭିଯୋଗ କରିଛି ବିଜେପି । ପ୍ରତିବାଦରେ ଖାଲି ମାଠିଆ ଧରି ଦିଲ୍ଲୀ ଜଳ ବିଭାଗ ମନ୍ତ୍ରୀ ଅତିଶୀ ମାରଲେନାଙ୍କ ବାସଭବନ ଘେରାଉ କରିଛନ୍ତି ମହିଳା ।

ଜଳ ସଙ୍କଟର ମୁକାବିଲା ପାଇଁ ହୋଇଥିବା ଜରୁରୀ ବୈଠକରେ ହିମାଚଳ ପ୍ରଦେଶ ଉପରେ ଦୋଷ ଲଦିଛନ୍ତି ଦିଲ୍ଲୀ ଜଳ ମନ୍ତ୍ରୀ ଅତିଶୀ ମାରଲନା । ହିମାଚଳ ସରକାରଙ୍କ ଭୁଲ ନିଷ୍ପତ୍ତି ଯୋଗୁ ଦିଲ୍ଲୀରେ ନର୍ମଦା ଜଳସ୍ତର ହ୍ରାସ ପାଇଥିବା ସେ କହିଛନ୍ତି । ବୈଠକ ପୂର୍ବରୁ ୱଜୀରାବାଦ ୱାଟର ଟ୍ରିଟମେଣ୍ଟ ପ୍ଲାଣ୍ଟ ସ୍ଥିତି ଅନୁଧ୍ୟାନ କରିଛନ୍ତି ବିଶେଷଜ୍ଞ ଟିମ ।

ଜଳାଭାବ ସହ ପ୍ରଚଣ୍ଡ ଗରମରେ ଡହଳବିକଳ ହେଉଛନ୍ତି ଦିଲ୍ଲୀବାସୀ । ତାପମାତ୍ରା 52 ଡିଗ୍ରୀ ସେଲସିଅସ ଅତିକ୍ରମ କରିଛି । ଦିଲ୍ଲୀ ସମେତ ପୂରା ଉତ୍ତର ଭାରତରେ ଆକାଶରୁ ବର୍ଷୁଛି ନିଆଁ । ଏପଟେ ପାଣିପାଗ ବିଭାଗର ସୂଚନା ଦିଲ୍ଲୀବାସୀଙ୍କ ପାଇଁ ଆଶ୍ବସ୍ତି ଆମିଦେଇଛି । ଆସନ୍ତା 24 ଘଣ୍ଟା ମଧ୍ୟରେ ଦେଶର 6 ରାଜ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି IMD । ଆସନ୍ତା 3 ଦିନ ମଧ୍ୟରେ ଦିଲ୍ଲୀ ସମେତ କେରଳ, ପଶ୍ଚମବଙ୍ଗ, ସିକିମ, ଆସାମ, ମେଘାଳୟ ଓ ଅରୁଣାଚଳ ପ୍ରଦେଶରେ ପ୍ରବଳ ବର୍ଷା ସମ୍ଭାବନା ରହିଛି ।

ଦିଲ୍ଲୀରେ ପାଣି ନଷ୍ଟ କଲେ 2 ହଜାର ଟଙ୍କା ଜରିମାନା । ଏଥିପାଇଁ ଦିଲ୍ଲୀ ସରକାର 2 ଶହଟି ଟିମ୍ ବନାଇ ହାତବାନ୍ଧି ବସିଛନ୍ତି । ପାଣି ସଙ୍କଟ ମୁକାବିଲାରେ ଦିଲ୍ଲୀ ସରକାର ସମ୍ପୂର୍ଣ୍ଣ ଫେଲ ମାରିଥିବାରୁ ଲୋକଙ୍କ ଅସନ୍ତେଷ ମଧ୍ୟ ବୃଦ୍ଧି ପାଇବାରେ ଲାଗିଛି ।

ଆହୁରି ପଢନ୍ତୁ ଭାରତ ଖବର...

Argus News | argus news | Odisha Latest News, Breaking News, Trending News, Live TV