ଓଡିଶା କୁ ନାହିଁ ତ କାହାରିକୁ ନାହିଁ
ମମତା ଙ୍କ ଜିଦ ଯୋଗୁଁ ସମୁହ ଧର୍ମଘଟ ରେ ପଶ୍ଚିମବଙ୍ଗ ଆଳୁ ବ୍ୟବସାୟୀ
ଅର୍ଗସ କୁ ପଶ୍ଚିମବଙ୍ଗ ବ୍ୟବସାୟୀଙ୍କ ଏକ୍ସକ୍ଲୁସିଭ ପ୍ରତିକ୍ରିୟା
ବାଇଟ-ଅନୁପ ବାଗ, ପଶ୍ଚିମବଙ୍ଗ ଆଳୁ ବ୍ୟବସାୟୀ (ଛୋଟ ଫୋନୋ)
ଓଡିଶା ବଜାର ରେ ପୁଣି ଦେଖାଦେଇ ପାରେ ଆଳୁ ସଙ୍କଟ
ଟ୍ରେନ ରେ ୟୁପି ରୁ ଆଳୁ ଅଣାଯିବ କହିଲେ ଯୋଗାଣ ମନ୍ତ୍ରୀ

ଅର୍ଗସ ବ୍ୟୁରୋ: ଜିଦି ରେ ଅଟଳ ମମତା ସରକାର । ଦିଦିଙ୍କୁ ପଶ୍ଚିମବଙ୍ଗ ଆଳୁ ବ୍ୟବସାୟୀଙ୍କ ଖୋଲା ଚ୍ୟାଲେଞ୍ଜ । ଆଜି ଠାରୁ ସମୂହ ଧର୍ମଘଟ କୁ ଓଲ୍ହାଇଛନ୍ତି ପଶ୍ଚିମବଙ୍ଗ ଆଳୁ ବ୍ୟବସାୟୀ ଓ ଶୀତଳ ଭଣ୍ଡାର ମାଲିକ। ଓଡିଶାକୁ ଆଳୁ ଚାଲାଣ କଟକଣା ହଟାଇବା ଓ କିଲୋ ପିଛା 23 ଟଙ୍କା ରେ ଆଳୁ ବିକ୍ରି ଦାବୀ ପୂରଣ ନ ହେଲେ ଗୋଦାମରୁ ଗୋଟିଏ ବି ଆଳୁ ବିକ୍ରି କରିବୁନି ବୋଲି କହିଛନ୍ତି ଆଳୁ ବ୍ୟବସାୟୀ। ଫଳରେ ପଶ୍ଚିମବଙ୍ଗ ବ୍ୟବସାୟୀଙ୍କ ଧର୍ମଘଟ ର ପ୍ରଭାବ ଓଡିଶା ସହ ପଶ୍ଚିମବଙ୍ଗ ରେ ବି ପଡିଛି । ଆସନ୍ତା କାଲି ଏ ନେଇ ପଶ୍ଚିମବଙ୍ଗ ସରକାର ସହ ଚୁଡାନ୍ତ ବୈଠକ ଥିବା ଜଣାପଡିଛି ।

ଓଡିଶା କୁ ଆଳୁ ରପ୍ତାନୀରେ କଟକଣା ଲଗାଇଛନ୍ତି ମମତା ସରକାର। ଓଡିଶା କୁ ପଶ୍ଚିମବଙ୍ଗରୁ ଆଳୁ ରପ୍ତାନୀ କରି ସର୍ବାଧିକ ଲାଭ ପଶ୍ଚିମବଙ୍ଗ ବ୍ୟବସାୟୀ ଅର୍ଜନ କରୁଥିବାରୁ ଏବେ ସେଠାରେ ଆଳୁ ଶୀତଳଭଣ୍ଡାର ରେ ନଷ୍ଟ ହେଉଛି । ଯାହାକୁ ନେଇ ଦୀର୍ଘଦିନ ହେଲା ପଶ୍ଚିମବଙ୍ଗ ବ୍ୟବସାୟୀ ଓ ସରକାରଙ୍କ ଭିତରେ ବିବାଦ ଲାଗିରହିଛି । ଏଭଳି ସ୍ଥିତି ପରେ ଓଡିଶା ବଜାରରେ ପୁଣି ସଙ୍କଟ ଦେଖା ଦେବା ଆଶଙ୍କା ଦେଖାଦେଇଛି । ଏବେ ସରକାର ପଶ୍ଚିମବଙ୍ଗ ସହ ୟୁପି ଓ ପଞ୍ଜାବରୁ ବି ଆଳୁ ଆଣୁଛନ୍ତି । ରାଜ୍ୟର ସ୍ଥିତି ନିୟନ୍ତ୍ରଣ ପାଇଁ ଟ୍ରେନ ରେ ପଶ୍ଚିମବଙ୍ଗ ରୁ ଆଳୁ ଅଣାଯିବ ବୋଲି କହିଛନ୍ତି ଯୋଗାଣ ମନ୍ତ୍ରୀ ।

ରାଜ୍ୟ ରେ ଆଳୁ ସଙ୍କଟ ବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଙ୍କ ବିରୋଧୀ ଦଳ ନେତା ନବୀନ ପଟ୍ଟନାୟକ ଚିଠି ଲେଖିବା ଓ ଏହା ପରେ ସମ୍ପୁର୍ଣ୍ଣ ଆଳୁ ରପ୍ତାନୀ ବନ୍ଦ ହୋଇଯିବା କୁ ନେଇ ଦେଖା ଦେଇଥିଲେ ରାଜନୈତିକ ବିବାଦ । ସେତେବେଳେ ଭାଇ ମନା କରିଥିବାକୁ ଭଉଣୀ ଆଳୁ ଦେଉନଥିବା କଟାକ୍ଷ କରିଥିଲେ ଯୋଗାଣମନ୍ତ୍ରୀ । ଏବେ ନିଜ ରାଜ୍ୟ ର ଆଳୁ ଚାହିଦା ପୂରଣ ହେଉଥିଲେ ସୁଦ୍ଧା ଓଡିଶାକୁ ରପ୍ତାନୀ ପାଇଁ କଟକଣା ଲଗାଇବା ଦିଦି ଙ୍କ ପାଇଁ ଅଡୁଆ ବଢ଼ାଇଛି ।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more