ନୂଆଦିଲ୍ଲୀ: ହରିୟାଣା ଏବଂ ଜାମ୍ମୁ କାଶ୍ମୀର ବିଧାନସଭା ନିର୍ବାଚନ ପାଇଁ ଭୋଟ ଗଣତି ଜାରୀ ରହିଛି। ଏକଜିଟ୍‌ ପୋଲ୍‌ର ଗଣନାକ ଭୁଲ୍‌ ପ୍ରମାଣତ କଲା ବିଜେପି। ହରିୟାଣାରେ ବିଜେପି ସଂଖ୍ୟାଗରିଷ୍ଠତା ହାସଲ କରିଛି। ହରିୟାଣାରେ ପିଜେପି ୪୯ ସିଟ୍‌ ରେ ଆଗରେ ଅଛି। ଏଠାରେ ବିଜେପି ତୃତୀୟ ଥର ପାଇଁ ସରକାର ଗଢିବାକୁ ଯାଉଛି। ହରିୟାଣାରେ ବିଜେପିର ଏହି ବିଜୟ ଆଗାମୀ ନିର୍ବାଚନରେ ଶୁଭଙ୍କର ହେବ ବୋଲି କୁହାଯାଉଛି। ତେବେ ଯାହାର ଆରମ୍ଭ ମହାରାଷ୍ଟ୍ରରୁ ହେବ ।

ରାଜନୈତିକ ବିଶ୍ଳେଷକ ତଥା ଲେଖକ ନୀଳାଞ୍ଜନ ମୁଖୋପାଧ୍ୟାୟ କହିଛନ୍ତି “2024 ଲୋକସଭା ନିର୍ବାଚନରେ ଦେଖାଯାଇଥିବା ହ୍ରାସକୁ ଓଲଟପାଲଟ କରିଲା ହରିୟାଣା ନିର୍ବାଚନ। ହ୍ୟାଟ୍ରିକ ମାରିଲା ବିଜେପି । ହରିୟାଣାର ବିଜୟ ମହାରାଷ୍ଟ୍ର , ଝାରଖଣ୍ଡ ଏବଂ ଦିଲ୍ଲୀରେ ଭଲ ପ୍ରଦର୍ଶନ ପାଇଁ ମୂଳଦୁଆ ପକାଇପାରେ। ଏଠି କହି ରଖୁଛୁ ଯେ, ଚଳିତ ବର୍ଷ ଶେଷ ଆଡକୁ ମହାରାଷ୍ଟ୍ର ରେ ନିର୍ବାଚନ ହେବାର ଅଛି। ସେହିପରି ଝାଡଖଣ୍ଡରେ ମଧ୍ୟ ନିର୍ବାଚନ ଖୁବ୍‌ ଶୀଘ୍ର ହେବାର ଅଛି ।

ଅଧିକ ପଢନ୍ତୁ ଭାରତ ଖବର

Argus News | argus news | Odisha Latest News, Breaking News, Trending News, Live TV