ରେଷ୍ଟୁରାଣ୍ଟରେ ସେଫମାନେ ସବୁବେଳେ ଧଳା ଆପ୍ରନ ସହ ଧଳା ଟୋପି ପିନ୍ଧିଥିବା ନଜର ଆସିଥାନ୍ତି । ଯାହା ସେମାନଙ୍କୁ ଏକ ପ୍ରଫେସନାଲ ସେଫ୍‌ ଭାବେ ଦର୍ଶାଏ । ଅନେକ ବଡ ବଡ ହୋଟେଲ ତଥା ରେଷ୍ଟୁରାଣ୍ଟ ମାନଙ୍କରେ ଏମିତି ଧଳା ଲମ୍ବା ଟୋପି ସହ ଧଳା ଆଫ୍ରନ ପିନ୍ଧିଥାନ୍ତି । ତେବେ ଆପଣଙ୍କ ମନରେ ଏହାକୁ ନେଇ କେବେ ପ୍ରଶ୍ନ ଆସିଛି, କାହିଁକି ସେଫ୍ ମାନେ ଧଳା ଲମ୍ବା ଟୋପି ପିନ୍ଧନ୍ତି ? ଯଦି ଆସିଛି, ତାର କାରଣ କଣ ଆସନ୍ତୁ ଜାଣିବା ।

ଏହି ଧଳା ଟୋପିକୁ ଫ୍ରେଞ୍ଚ୍ ଭାଷାରେ ଟୋକ୍ କିମ୍ବା ଟୋକ୍ ବ୍ଲାଞ୍ଚ ବୋଲି କୁହାଯାଏ । ଏହି ଟୋପି ସାଧାରଣ ଟୋପିଠାରୁ ଅଲଗା ଅଟେ । ଲମ୍ବା, ଧଳା , ପ୍ଲିଟେଡ୍ ଏବଂ ସିଲିଣ୍ଡ୍ରିକାଲ ଆକୃତିର ଅଟେ । ଖାଦ୍ୟ ତିଆରି କରିବା ବେଳେ ସ୍ଵଚ୍ଛ, ପରିଚ୍ଛନ୍ନ ରହିବା ପାଇଁ ଏପରି ଟୋପି ସେଫ୍‌ମାନେ ବ୍ୟବହାର କରିଥାନ୍ତି । ଖାଦ୍ୟ ତିଆରି କରିବା ସମୟରେ ମୁଣ୍ଡର ଚୁଟି ଭୁଲରେ ଖାଦ୍ୟରେ ନପଡିବା ପାଇଁ ଏପରି ଟୋପି ପିନ୍ଧିଥାନ୍ତି । ଏହି ଟୋପିରେ ଏପରି ବ୍ୟବସ୍ଥା ହୋଇଛି, ଯାହା ରୋଷେଇ ଘରର ଅତ୍ୟଧିକ ଗରମରେ ମଧ୍ୟ ସେଫ୍‌ଙ୍କ ମୁଣ୍ଡରେ ପବନ ବାଜିବାରେ ସହାୟକ ହୋଇଥାଏ ।

ଧଳାରଙ୍ଗ ସ୍ଵଚ୍ଛତାର ପ୍ରତୀକ ଅଟେ । ଯାହା ରୋଷେଇ ପାଇଁ ଅଧିକ ଗୁରୁତ୍ଵପୂର୍ଣ୍ଣ । ଏଥିସହ ଧଳାରଙ୍ଗ ବୃତ୍ତିଗତ ମର୍ଯ୍ୟାଦାକୁ ଆହୁରି ବଢାଇଥାଏ । ସେଥିପାଇଁ ସେଫ୍‌ମାନେ ଧଳା ରଙ୍ଗର ଟୋପି ପିନ୍ଧିଥାନ୍ତି ।