ମଣିଷ ଉପରେ କୌଣସି ପ୍ରକାର ପରୀକ୍ଷଣ କରିବା ପୂର୍ବରୁ ମୂଷା ମାନଙ୍କ ଉପରେ ପ୍ରଥମେ ପରୀକ୍ଷଣ କରାଯାଏ । ଆପଣ ସିନେମାରେ ଦେଖିଥିବେ.. ଯେତେବେଳେ ବୈଜ୍ଞାନିକ ମଣିଷ ସହ ଜଡ଼ିତ କିଛି ପରୀକ୍ଷା ପୂର୍ବରୁ ମୂଷା ଉପରେ ଏହାର ପ୍ରୟୋଗ କରନ୍ତି । ତେବେ ଏହା କେବଳ ସିନେମାରେ ସୀମିତ ନୁହେଁ, ବାସ୍ତବରେ ମଧ୍ୟ ଏପରି ହୋଇଥାଏ । ବୈଜ୍ଞାନିକମାନେ ପ୍ରଥମେ ମୂଷା ଉପରେ ହିଁ ପରୀକ୍ଷଣ କରିଥାଆନ୍ତି । ତେବେ ଆପଣ ଜାଣନ୍ତି କି ଏଭଳି କାହିଁକି କରାଯାଏ ? ଯଦି ଜାଣନାହାନ୍ତି ଆସନ୍ତୁ ଜାଣିବା ..

ମୂଷା ଓ ମଣିଷର ଡିଏନଏ ପାଖାପାଖି ୮୫ ପ୍ରତିଶତ ସମାନ । ଏହି ସମାନତା ବୈଜ୍ଞାନିକଙ୍କୁ ମୂଷା ଉପରେ କରାଯାଉଥିବା ପ୍ରୟୋଗର ଫଳକୁ ମଣିଷ ଉପରେ ଲାଗୁ କରିବା ପାଇଁ ସାହାଯ୍ୟ କରିଥାଏ । ମୂଷା ଓ ମଣିଷ ଭିତରେ ଅନେକ ଜୈବିକ ପ୍ରକ୍ରିୟା ଓ ସିଷ୍ଟମ ଏକାପରି । ଯେପରିକି ପ୍ରତିରୋଧକ ଶକ୍ତି, ମସ୍ତିସ୍କର ତିଆରି, ହରମୋନ ସିଷ୍ଟମ ଓ ଅଙ୍ଗପ୍ରତ୍ୟେଙ୍ଗର କାର୍ଯ୍ୟ, ଯହିଁରୁ ଜଣାପଡ଼େ ଔଷଧ ମଣିଷ ଉପରେ କାମ କରିବ କି ନାହିଁ ।

ମୂଷାଙ୍କ ଜୀବନକାଳ ପ୍ରାୟ ୨-୩ ବର୍ଷର ହୋଇଥାଏ, ଯାହା ରିସର୍ଚ୍ଚ ପାଇଁ ବହୁତ ଉପଯୋଗୀ । ମୂଷାମାନେ ଜେନେଟିକାଲି, ବାୟୋଲୋଜିକାଲି ପ୍ରାୟ ମଣିଷ ପରି ହୋଇଥାଆନ୍ତି। ଆଉ ମଣିଷର ଅନେକ ଲକ୍ଷଣ ମୂଷାଠାରେ ଦେଖାଯାଏ । କିଛି ରିପୋର୍ଟ କହେ, ମୂଷା ବ୍ୟତୀତ ଗବେଷଣାରେ ପ୍ରୟୋଗ କରିବା ପାଇଁ ଅନ୍ୟ କିଛି ବିକଳ୍ପ ନାହିଁ । ମୂଷାଙ୍କ ଉପରେ ଗବେଷଣାର ଫଳାଫଳ ଖୁବଶୀଘ୍ର ମଧ୍ୟ ମିଳେ। ଏହାବାଦ୍ ମୂଷାଙ୍କ ରକ୍ଷଣାବେକ୍ଷଣ ଖୁବ୍ ସହଜ।

ଏହାକୁ ଲାବରେ ଏକ ନିୟନ୍ତ୍ରିତ ପରିବେଶରେ ରଖାଯାଇପାରେ । ଯେଉଁଠାରେ କି ସେମାନଙ୍କ ଖାଦ୍ୟ, ଜୀବନଶୈଳୀ ଓ ବ୍ୟବହାର ଉପରେ ସହଜରେ ନଜର ରଖି ହୁଏ । ଏମାନଙ୍କ ଜୀବନ କାଳ କମ୍ ହେବା ସହ ଖୁବଶୀଘ୍ର ପ୍ରଜନନ କରନ୍ତି । ଏହାବ୍ୟତୀତ ଖାଦ୍ୟ, ପାଣିପାଗ, ଏୟାରକ୍ୱାଲିଟି ବି ଏକ୍ସପେରିମେଣ୍ଟ ଉପରେ କ’ଣ ପ୍ରଭାବ ପକାଏ ତାହା ମୂଷାଙ୍କ ଦ୍ୱାରା ଜଣାପଡ଼େ।