ରାଗିବ ଏକ ବଡ଼ ସମସ୍ୟା ବା ରୋଗ ହୋଇଗଲାଣି। କାହିଁକିନା ଟିକେ ଟିକେ କଥାରେ ଆମକୁ ସଙ୍ଗେ ସଙ୍ଗେ ରାଗ ଲାଗିଥାଏ। ଆମେ ରାଗିଯାଉ, ରାଗରେ ଅନେକ କିଛି ଭାଙ୍ଗିଦେଉ ପୁଣି କାହା ସହ କଥାବାର୍ତ୍ତା ବନ୍ଦ କରିଦେଉ ତ ପୁଣି ଗାଳି ବି କରିଥାଏ । କଥାରେ ଅଛି, ରାଗ ଏମିତି ଗୋଟେ ଜିନିଷ ଯାହା ଆସିଲା ବେଳେ ଏକା ଆସିଥାଏ କିନ୍ତୁ ଯିବାବେଳେ ମଣିଷର ବିବେକ, ବୁଦ୍ଧି, ସମ୍ମାନ ସବୁକିଛି ସାଥିରେ ନେଇଯାଇଥାଏ ତେଣୁ ସାବଧାନ ନିଜ ରାଗକୁ ଆୟତ୍ତରେ ରଖିବା ଶିଖନ୍ତୁ। ନଚେତ ରାଗିବା ସମୟରେ ମଣିଷ ଅନେକ ଗାଳି କରିଥାଏ। ଯାହାର ପ୍ରଭାବ ପରବର୍ତ୍ତୀ ସମୟରେ ପଡ଼ିଥାଏ।

ରାଗ ସମସ୍ତଙ୍କୁ ଲାଗିଥାଏ, ଯେଉଁଥିପାଇଁ ରାଗରେ ଆମେ କାହାକୁ ବି ଗାଳି କରିବାକୁ ପଛାଇନଥାଉ। କିନ୍ତୁ ଆପଣ ଜାଣନ୍ତି କି କେଉଁ ସ୍ଥାନରେ ଲୋକେ ଅଧିକ ଗାଳି କରିଥାନ୍ତି । ଭାରତରେ ସବୁଠାରୁ ଅଧିକ ଅପମାନଜନକ ଭାଷା ବ୍ୟବହାର କରୁଥିବା ୧୦ଟି ରାଜ୍ୟର ନାମ ଜାଣିଛନ୍ତି କି ? ଏକ ସର୍ଭେ ରିପୋର୍ଟରୁ ଜଣାପଡିଛି ଯେ ଦିଲ୍ଲୀର ଲୋକମାନେ ସବୁଠାରୁ ଅଧିକ ଗାଳି ଦିଅନ୍ତି । ରାଜଧାନୀରେ ମା, ଭଉଣୀ ଏବଂ ଝିଅମାନଙ୍କୁ ଟାର୍ଗେଟ କରି ଗାଳି କରିବା ସବୁଠାରୁ ଅଧିକ ଦେଖାଯାଏ । ସର୍ଭେ ଅନୁଯାୟୀ, ଦିଲ୍ଲୀର 80% ଲୋକ ସେମାନଙ୍କ ଦୈନନ୍ଦିନ ଜୀବନରେ ଅପମାନଜନକ ଭାଷା ବ୍ୟବହାର କରନ୍ତି । ରିପୋର୍ଟ ଅନୁଯାୟୀ ଦିଲ୍ଲୀ ପରେ ପଞ୍ଜାବ ଦ୍ୱିତୀୟ ସ୍ଥାନରେ ଅଛି । ଯେଉଁଠାରେ ୭୮% ଉତ୍ତରଦାତା ଅପମାନଜନକ ଭାଷା ବ୍ୟବହାର କରିଥିବା ସ୍ୱୀକାର କରିଛନ୍ତି। ଉତ୍ତର ପ୍ରଦେଶ (ୟୁପି) ଏବଂ ବିହାର (୭୪-୭୪%) ପରବର୍ତ୍ତୀ ସ୍ଥାନରେ ଅଛନ୍ତି। ରାଜସ୍ଥାନରେ ଏହି ସଂଖ୍ୟା ୬୮% ଏବଂ ହରିୟାଣାରେ ୬୨%।

ଏହି ଗାଳିକୁ ନେଇ ରାଜଧାନୀ ଦିଲ୍ଲୀରେ ଅନେକ ଘଟଣା ଘଟିଛି, ହେଲେ ଏହା ଭିତରୁ ଏଭଳି ଏକ ଘଟଣା ଆଜି ଜାଣିରଖନ୍ତୁ। ଦେଶର ରାଜଧାନୀ ଦିଲ୍ଲୀରୁ ଆସିଛି ଚକିତ କରିବା ଭଳି ଘଟଣା। ଜଣେ ମହିଳା ଓ ତାଙ୍କ ଛୋଟ ପୁଅକୁ ଘରର ସହାୟକ ଅତ୍ୟନ୍ତ ନିର୍ମମ ଭାବେ ଗଳା କାଟି ହତ୍ୟା କରିଛି। ଘରୋଇ ସହାୟକ କାମରେ ତ୍ରୁଟି କରିବାରୁ ମାଲିକ ହିସାବରେ ରୁଚିକା ସେୱାନି ତାଙ୍କୁ ଗାଳି କରିଥିଲେ। ହେଲେ ଏଥିରେ ରାଗି ଯାଇ ଘରୋଇ ସହାୟକ ଭାବେ କାମ କରୁଥିବା ଯୁବକ ରୁଚିକା ଓ ତାଙ୍କ ଛୋଟ ପୁଅର ଗଳା କାଟି ହତ୍ୟା କରିଛି। ହତ୍ୟା ପରେ ଘରୋଇ ସହାୟକ ଜଣଙ୍କ ରୁଚିକାଙ୍କ ଲଜପତ ନଗର ଘର ଛାଡ଼ି ଫେରାର ହୋଇଯାଇଥିଲା।

ମହାରାଷ୍ଟ୍ର ୫୮% ରେ ଅଛି । ଏହା ପରେ ପଡ଼ୋଶୀ ରାଜ୍ୟ ଗୁଜରାଟରେ ୫୫% ଅପମାନଜନକ ଭାଷା କହନ୍ତି । ମଧ୍ୟପ୍ରଦେଶ ୪୮% ସହିତ ଏବଂ ଉତ୍ତରାଖଣ୍ଡରେ ୪୫% ସହିତ ଲୋକେ ଗାଳି କରିଥାନ୍ତି । ଜମ୍ମୁ ଏବଂ କାଶ୍ମୀର ତାଲିକାର ସବୁଠାରୁ ନିମ୍ନରେ ରହିଛି, କେବଳ 15% ଉତ୍ତରଦାତା ଅପମାନଜନକ ଭାଷା ବ୍ୟବହାର କରିଥିବା ରିପୋର୍ଟ କରିଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more