Drug Syndicate / କୋଟିଏ ଟଙ୍କାର ସମ୍ପତ୍ତି ଜବତ
Key Points
ଡ୍ରଗ ସିଣ୍ଡିକେଟ ବିରୋଧରେ ବଡ଼ କାର୍ଯ୍ୟାନୁଷ୍ଠାନ। ଜମ୍ମୁ କାଶ୍ମୀରର ଶ୍ରୀନଗରରେ NDPS ଆଇନ ବଳରେ କୋଟିଏରୁ ଅଧିକ ମୂଲ୍ୟର ସମ୍ପତ୍ତି ଆଟାଚ୍ କରିଛି ପୋଲିସ । ବିଭିନ୍ନ ସ୍ଥାନରେ ଚଢ଼ାଉ କରି ନିଶାଦ୍ରବ୍ୟ ଚାଲାଣ ଗ୍ୟାଙ୍ଗର ପର୍ଦ୍ଦାଫାସ କରିବାରେ ସଫଳ ହୋଇଛି ଜମ୍ମୁ କାଶ୍ମୀର ପୋଲିସ । ନାର୍କୋଟିକ୍ ଡ୍ରଗ୍ସ ଆଣ୍ଡ ସାଇକୋଟ୍ରୋପିକ୍ ସବଷ୍ଟାନ୍ସ ଆଇନ ଆଧାରରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ ।
ଅଭିଯୁକ୍ତ ନିସାର ଅହମଦ ବୋଟା, ପୁଅ ମହମ୍ମଦ ଶଫି ବୋଟା, ସୈଦାକାଦଲର ବାସିନ୍ଦା ସୁଲତାନ ମୋହଲ୍ଲାଙ୍କ ଘରେ ରେଡ କରିଥିଲା ପୋଲିସ । ନିଶା କାରବାର କାର୍ଯ୍ୟକଳାପରୁ ଅର୍ଜିତ ଅବୈଧ ଆୟ ମାଧ୍ୟମରେ ଅର୍ଜନ କରାଯାଇଥିବା ସମ୍ପତ୍ତି ଜବତ ହୋଇଥିବା ପୋଲିସ କହିଛି । ସେପଟେ ଆଜି ଇଣ୍ଟରନ୍ୟାସନାଲ ଡ୍ରଗ ସିଣ୍ଡିକେଟରେ ସାମିଲ ଅଭିଯୁକ୍ତ ଋତିକ ବାଜାଜକୁ ଦୁବାଇରୁ ଭାରତ ଅଣାଯାଇଛି ।
ଅନ୍ୟପଟେ ପହଲଗାମ ଆତଙ୍କୀ ହମଲା ପରେ ସର୍ବବୃହତ ଆତଙ୍କବାଦ ବିରୋଧୀ ସର୍ଚ୍ଚ ଅପରେସନ୍ । ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲା ପାଞ୍ଜମୁଲ୍ଲା ସାଲିଆରେ ବଡ଼ ସର୍ଚ୍ଚ ଅପରେସନ୍ ଜାରି ରହିଛି । ଅପରେସନରେ SOG ଟିମ ସହ CRPF ଟିମ୍ ସାମିଲ ହୋଇଛନ୍ତି । ଘଞ୍ଚ ଜଙ୍ଗଲ ମଧ୍ୟରେ ଆତଙ୍କବାଦୀଙ୍କ ଉପସ୍ଥିତି ନେଇ ଗୁଇନ୍ଦା ସୂଚନା ପରେ ସେନା ପକ୍ଷରୁ ବଡ଼ ଯୋଜନା ପ୍ରସ୍ତୁତ ହୋଇଛି । ଆତଙ୍କବାଦୀଙ୍କ ମୂଳପୋଛ ପାଇଁ ଦୀର୍ଘକାଳୀନ ଅପରେସନ ଆରମ୍ଭ ହୋଇଛି । ବର୍ତ୍ତମାନ ସୁଦ୍ଧା ଆତଙ୍କବାଦୀଙ୍କ ମୃତାହତ ନେଇ ସୂଚନା ମିଳିନାହିଁ ।
📱 Get Argus News App
✨Related Topics
Explore more stories