ଅର୍ଗସ ବ୍ୟୁରୋ : ଡିଭୋର୍ସ । ନାଁ ଟା ଶୁଣିଲେ ଏକ ନକରାତ୍ମକ ଭାବନା ଆସେ ।ଏ ଶବ୍ଦଟାକୁ ସହଜରେ ଗ୍ରହଣ କରି ହୁଏନି । କେହି କେବେ ବି ବିବାହ ପରେ ଡିଭୋର୍ସ ଭଳି ଶବ୍ଦକୁ ନିଜ ଜୀବନରେ ଆଣିବାକୁ ଚାହେଁନି । ବିବାହ ପରି ଏତେ ପବିତ୍ର ବନ୍ଧନରେ ଯୋଡି ହେବାପରେ ଡିଭୋର୍ସ ଭଳି ଶବ୍ଦଟା ଏହି ପବିତ୍ର ବନ୍ଧନରେ ଏକ ପୂର୍ଣ୍ଣଛେଦ ପକାଇଦିଏ । କିଏ ନିଜ ସ୍ବଇଚ୍ଛାରେ ମୁକ୍ତ ଆକାଶର ବିହଙ୍ଗ ହୋଇ ଉଡି ବୁଲିବାକୁ ଡିଭୋର୍ସ ନିଅନ୍ତି, ତ ପୁଣି କିଏ ବିବାହ ପରେ ନିର୍ଯ୍ୟାତନା , ଅସହ୍ୟ ଯନ୍ତ୍ରଣାକୁ ସହି ନପାରି ଡିଭୋର୍ସ ନେବାର ନିଷ୍ପତ୍ତି ନିଅନ୍ତି । ସେ ଯାହାବି ହେଉ ରିପୋର୍ଟ ମୁତାବକ ଭାରତରେ ଡିଭୋର୍ସ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । କିନ୍ତୁ ଡିଭୋର୍ସ ଯେ ଏକ ଟ୍ରେଣ୍ଡ ହୋଇଯିବ, ଡିଭୋର୍ସ ପାଇଁ ମେହେନ୍ଦୀ, ଡିଭୋର୍ସ ପାଇଁ ବି ଫଟୋସୁଟ ଚାଲିବ ଏହା ଶୁଣିବା କାନକୁ ଟିକେ ଅସହଜ ଲାଗିଲେ ମଧ୍ୟ ସମାଜରେ ଏହି ଟ୍ରେଣ୍ଡ ବି ଧିରେ ଧିରେ ଆଗେଇବାରେ ଲାଗିଛି ।

View this post on Instagram

A post shared by Urvashi Vora Sharma (@urvashis_mehandi_and_makeover)

ପୂର୍ବରୁ ଡିଭୋର୍ସର ଫଟୋସୁଟ ହୋଇଥିବା ଆପଣ ଆଗରୁ ଦେଖିଥିବେ, ଏବେ ଡିଭୋର୍ସର ମେହେନ୍ଦୀ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଯେଉଁଥିରେ ମହିଳା ଜଣକ ହାତରେ ମେହେନ୍ଦୀ ଲଗାଇ "ଫାଇନାଲି ଡିଭୋର୍ସ" ବୋଲି ଲେଖିଛନ୍ତି । ଏହି ଭିଡିଓକୁ ମେହେନ୍ଦୀ ଡିଜାଇନ କରିଥିବା ଉର୍ବଶୀ ଶର୍ମା ସୋସିଆଲ ମିଡିଆରେ ଶେୟାର କରିଛନ୍ତି । ଯେଉଁଥିରେ ବିବାହ ପରେ କିପରି ସେହି ମହିଳାଙ୍କର ସଂଘର୍ଷମୟ ଯାତ୍ରା ରହିଥିଲା ତାହା ଦର୍ଶାଇଛନ୍ତି । ସେହି ମେହେନ୍ଦୀରେ ସେ ଦର୍ଶାଇଛନ୍ତି ତାଙ୍କ ବିବାହ ପରର ସଂଘର୍ଷମୟ କାହାଣୀ । ଯେଉଁଥିରେ ତାଙ୍କ ଶାଶୂଘର ଲୋକେ ତାଙ୍କୁ କିପରି ନିର୍ଯ୍ୟାତନା ଦେଉଥିଲେ, ତାହା ସେ ଲେଖିଛନ୍ତି । ବିବାହ ପରେ ତାଙ୍କୁ ଚାକରାଣୀ ଭଳି ବ୍ୟବହାର କରାଯାଉଥିଲା । ପରେ ତାଙ୍କ ଉପରେ ଆରମ୍ଭ ହୋଇଥିଲା ନିର୍ଯ୍ୟାତନା । ଅନେକ ପ୍ରତିବାଦ, ଅନେକ ବିବାଦ ପରେ ସେ ଡିଭୋର୍ସ ଦେବାକୁ ନିଷ୍ପତ୍ତି ନେଇଥିଲେ । ଭିଡିଓ ସୋସିଆଲ ମିଡିଆରେ ଶେୟାର ହେବାପରେ ଅନେକ ୟୁଜର୍ସ ତାଙ୍କୁ ସପୋର୍ଟ କରିଥିଲେ ।

ସେହି ମେହେନ୍ଦୀରେ ସେ ଦର୍ଶାଇଛନ୍ତି ତାଙ୍କ ବିବାହ ପରର ସଂଘର୍ଷମୟ କାହାଣୀ । ଯେଉଁଥିରେ ତାଙ୍କ ଶାଶୂଘର ଲୋକେ ତାଙ୍କୁ କିପରି ନିର୍ଯ୍ୟାତନା ଦେଉଥିଲେ, ତାହା ସେ ଲେଖିଛନ୍ତି । ବିବାହ ପରେ ତାଙ୍କୁ ଚାକରାଣୀ ଭଳି ବ୍ୟବହାର କରାଯାଉଥିଲା । ପରେ ତାଙ୍କ ଉପରେ ଆରମ୍ଭ ହୋଇଥିଲା ନିର୍ଯ୍ୟାତନା । ଅନେକ ପ୍ରତିବାଦ, ଅନେକ ବିବାଦ ପରେ ସେ ଡିଭୋର୍ସ ଦେବାକୁ ନିଷ୍ପତ୍ତି ନେଇଥିଲେ । ଭିଡିଓ ସୋସିଆଲ ମିଡିଆରେ ଶେୟାର ହେବାପରେ ଅନେକ ୟୁଜର୍ସ ତାଙ୍କୁ ସପୋର୍ଟ କରିଥିଲେ । କିଛିଜଣ ଲେଖିଛନ୍ତି, ନିଜର ନିର୍ଯ୍ୟାତନା କାହାଣୀକୁ ମେହେନ୍ଦୀ ମାଧ୍ୟମରେ ଲୋକଲୋଚନକୁ ଆଣିଥିବାରୁ , ଆପଣଙ୍କ ସାହାସକୁ ମାନିବାକୁ ପଡିବ । ଆହୁରି ନିଜେ ସଶକ୍ତ ହୁଅ । ସେହିପରି ଆଉ ଜଣେ ଲେଖିଛନ୍ତି, ଏହି ମେହେନ୍ଦୀ ପଛରେ ଥିବା କଷ୍ଟକୁ ଆମେ ଦେଖିପାରୁଛି । ଭଗବାନ ତୁମକୁ ଧୈର୍ଯ୍ୟ ଦିଅନ୍ତୁ ।

Argus News | argus news | Odisha Latest News, Breaking News, Trending News, Live TV