Argus News - ପୋଲିସ ଇନ୍ସପେକ୍ଟରଙ୍କୁ ପ୍ରେମ ପାଇଁ ଧମକ! ରକ୍ତରେ ଚିଠି ଲେଖି ବାରମ୍ବାର ନିର୍ଯାତନା ଦେଲେ ମହିଳା

ଭଲ ପାଇବାରେ ଖାଲି ଝିଅମାନେ ନିର୍ଯାତିତ ହୁଅନ୍ତି ନାହିଁ ପୁଅମାନେ ମଧ୍ୟ ନିର୍ଯାତନାର ଶିକାର ହୁଅନ୍ତି। ସେତେବେଳେ ଆମେ ଅଭିଯୋଗ କରିବାକୁ ଥାନାକୁ ଯାଉ କିନ୍ତୁ ଏଠି ଖୋଦ ଖାକି ବାବୁ ନିର୍ଯାତନାର ଶିକାର ହୋଇଛନ୍ତି। ଜଣେ ମହିଳା ତାଙ୍କୁ ବାରମ୍ବାର ଭଲ ପାଇବାକୁ ଜିଦି କରିଛି। ନଚେତ ତାଙ୍କୁ ଛାଡ଼ିବନି ବୋଲି କହିଛି। ବେଙ୍ଗାଲୁରୁର ଏକ ପୋଲିସ ଷ୍ଟେସନରେ ଜଣେ ମହିଳାଙ୍କ ନାଁରେ ଏକ ବଡ଼ ମାମଲା ରୁଜୁ ହୋଇଛି। ମହିଳା ଜଣକ ଜଣେ ପୋଲିସ ଇନ୍ସପେକ୍ଟରଙ୍କୁ ତାଙ୍କ ସହ ସମ୍ପର୍କ ରଖିବାକୁ ବାଧ୍ୟ କରିଥିଲେ। ବାରମ୍ବାର ସମ୍ପୃକ୍ତ ପୋଲିସ ଅଫିସରଙ୍କୁ ଧମକାଉଥିଲେ ଏବଂ ବାରମ୍ବାର ମହିଳା ଜଣକ ଆତ୍ମହତ୍ୟା କରିବେ ବୋଲି ଧମକ ଦେଉଥିଲେ ଯେଉଁଥିପାଇଁ ସରକାରୀ କାମ କରିବାରେ ତାଙ୍କୁ ସମସ୍ୟା ହେଉଥିଲା। ପୋଲିସ କର୍ମଚାରୀ ଜଣକ ବାରମ୍ବାର ଚାପଗ୍ରସ୍ତ ରହୁଥିଲେ।

ଅଭିଯୋଗ ଅନୁଯାୟୀ, ଇନ୍ସପେକ୍ଟର ସତୀଶ ଜିଜେ ରାମମୂର୍ତ୍ତି ନଗର ଥାନାର ପିଏସ ଅଫିସର ଭାବେ ଅଗଷ୍ଟ ୧୯ ତାରିଖରେ ନିଯୁକ୍ତ ହୋଇଥିଲେ।
ଅକ୍ଟେବାର ୩୦ ତାରିଖରୁ ସମ୍ପୃକ୍ତ ଅଫିସରଙ୍କୁ ଏକ ଅଜଣା କଲ ଆସିଥିଲା। ବାରମ୍ବାର ହ୍ବାଟସଆପରେ ବି କଲ ଆସିଥିଲା। କଲ ଉଠାଇବା ପରେ ସେ ନିଜର ପରିଚୟରେ ରାମମୂର୍ତ୍ତିନଜଗର ନିବାସୀ ସଞ୍ଜନା ଓରଫ ବନଜା ବୋଲି ପରିଚୟ ଦେଇଥିଲେ। ଆଉ ଏହାପରେ କହିଥିଲେ, "ମୁଁ ତୁମକୁ ବହୁତ ଭଲ ପାଏ", "ଆଉ ତୁମେ ବି ମୋତେ ଭଲ ପାଅ।"

ପ୍ରଥମେ ପ୍ରଥମେ ପୋଲିସ ଅଫିସର ଭାବିଥିଲେ କି ତାଙ୍କ ସହ କିଏ ଜଣେ ଥଟ୍ଟା କରୁଛି। ଏହା ଭାବିକି କଲକୁ ଏତେ ଗୁରୁତ୍ବର ସହ ନେଇ ନ ଥିଲେ। କିନ୍ତୁ ଏହାପରେ ବାରମ୍ବାର ସେହି ନମ୍ବରରୁ କଲ ଆସିଲା। ପରେ ନମ୍ବର ବ୍ଲକ କରିଦେବାରୁ ମହିଳା ଜଣକ ଭିନ୍ନ ଭିନ୍ନ ନମ୍ବରରେ ତାଙ୍କୁ କଲ କରି ହଇରାଣ କରିଥିଲେ। ଏହାପରେ ପୋଲିସ ଜଣକ ସବୁ ନମ୍ବର ଗୁଡ଼ିକୁ ବ୍ଲକ କରିଦେଇଥିଲେ।

କିନ୍ତୁ ମହିଳା ଜଣକ ଚୁପ ହୋଇ ବସି ନ ଥିଲେ ବାରମ୍ବାର ପୋଲିସ ଇନ୍ସପେକ୍ଟରଙ୍କୁ ହଇରାଣ କରୁଥିଲେ। ପରେ କହିଥିଲେ ଯେ, ମୁଁ ଏକ ରାଜନୈତିକ ଦଳର କର୍ମୀ ମୋର ହାତ ମିନିଷ୍ଟ୍ରି ଡିପାର୍ଟମେଣ୍ଟ ସହ ଅଛି। ମୁଁ ଯାହା କହୁଛି ମୋ କଥା ମାନ ଆଉ ମୋ ପ୍ରେମକୁ ସ୍ବୀକାର କର ବୋଲି ଜିଦି ଧରିଥିଲେ। ନଚେତ ମୁଁ ତୁମକୁ ଛାଡ଼ିବିନି।

ମହିଳା ଲେଖିଥିବା ଚିଠିଗୁଡ଼ିକରେ ପ୍ରେମ ସ୍ୱୀକାରୋକ୍ତି ଏବଂ ଆତ୍ମହତ୍ୟା ଧମକ ଥିବା ଜଣାପଡ଼ିଛି, ଯେଉଁଥିରେ ଲେଖାଯାଇଥିଲା ଯେ ତାଙ୍କ ପ୍ରେମ ଗ୍ରହଣ କରାଯାଉ ନଥିଲା, ତେଣୁ ସେ ତାଙ୍କ ଜୀବନ ଶେଷ କରିଦେବେ ଏବଂ ତାଙ୍କ ମୃତ୍ୟୁ ପାଇଁ ଇନ୍ସପେକ୍ଟର ଦାୟୀ ରହିବେ।

ଗୋଟିଏ ନୋଟରେ ରକ୍ତରେ ଲେଖାଯାଇଥିବା ସହ ହୃଦୟ ଚିହ୍ନ ଥିଲା। ମହିଳା ଜଣକ ଦାବି କରିଥିଲେ ଯେ ସେ ଏହାକୁ ନିଜ ରକ୍ତରେ ଲେଖିଛନ୍ତି। ସେ ଜଣେ ସରକାରୀ କର୍ମଚାରୀ ଏବଂ ତାଙ୍କ ସରକାରୀ ନମ୍ବରକୁ ବାରମ୍ବାର କଲ୍ କରିବା ଦ୍ୱାରା ଜନସେବା ବାଧାପ୍ରାପ୍ତ ହେଉଛି ବୋଲି କୁହାଯାଉଥିଲେ ମଧ୍ୟ, ମହିଳା ଜଣକ ଜିଦ୍ ଧରି ଚାଲିଥିଲେ ଯେ ସେ ତାଙ୍କୁ ଭଲ ପାଇବା ଉଚିତ।

ପୋଲିସ କହିଛି ଯେ ଅଧିକ ତଦନ୍ତରୁ ଜଣାପଡିଛି ଯେ ସେହି ମହିଳା ପୂର୍ବରୁ ସମାନ ଆଚରଣ ସହିତ ଅନ୍ୟ ବରିଷ୍ଠ ଏବଂ କନିଷ୍ଠ ପୋଲିସ ଅଧିକାରୀମାନଙ୍କୁ ଟାର୍ଗେଟ କରିଥିଲେ। ବରିଷ୍ଠ ଅଧିକାରୀମାନଙ୍କୁ ଏକ ସ୍ୱତନ୍ତ୍ର ରିପୋର୍ଟ ଦାଖଲ କରାଯାଇଥିଲା, ଏବଂ ପରାମର୍ଶ ପାଇଁ ଏକ ପୋଲିସ ଦଳ ତାଙ୍କ ବାସଭବନକୁ ଯାଇଥିଲେ। ସେ ସହଯୋଗ କରି ନଥିଲେ ଏବଂ ତାଙ୍କ ପରିବାର ସଦସ୍ୟମାନେ ମଧ୍ୟ କିଛି  କହିବାକୁ ମନା କରିଦେଇଥିଲେ।

ଡିସେମ୍ବର ୧୨, ୨୦୨୫ ରେ, ମହିଳା ଜଣକ ପୁଣି ଥରେ ପୋଲିସ ଷ୍ଟେସନକୁ ଆସି ପ୍ରେମ ଦାବି କରିଥିଲେ ଏବଂ ଇନ୍ସପେକ୍ଟର ଯଦି ଭଲ ନ ପାଆନ୍ତି ତେବେ ଆତ୍ମହତ୍ୟା କରିବାକୁ ଧମକ ଦେଇଥିଲେ। ନିରନ୍ତର ନିର୍ଯାତନା ପରେ, ଇନ୍ସପେକ୍ଟର ସତୀଶ ଏକ ଆନୁଷ୍ଠାନିକ ଅଭିଯୋଗ ଦାଖଲ କଲେ। ଏହା ଆଧାରରେ, କର୍ତ୍ତବ୍ୟରେ ବାଧା ସୃଷ୍ଟି କରିବା, ଅପରାଧିକ ଧମକ ଏବଂ ଆତ୍ମହତ୍ୟା ଧମକ ସହିତ ଜଡିତ ଅଭିଯୋଗରେ ରାମମୂର୍ତ୍ତି ନଗର ପୋଲିସ ଷ୍ଟେସନରେ ଏକ ମାମଲା ରୁଜୁ କରାଯାଇଛି। ଏନେଇ ଅଧିକ ତଦନ୍ତ ଚାଲିଛି।