୭୫ ଲକ୍ଷ ମହିଳାଙ୍କ ଆକାଉଣ୍ଟକୁ ଯିବ ୭ହଜାର ୫୦୦ କୋଟି । ପ୍ରତି ମହିଳାଙ୍କ ଆକାଉଣ୍ଟକୁ ୧୦ ହଜାର ଲେଖାଏଁ କ୍ରେଡିଟ୍ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୁଖ୍ୟମନ୍ତ୍ରୀ ମହିଳା ରୋଜଗାର ଯୋଜନାରେ ମହିଳାଙ୍କୁ ମିଳିବ ଟଙ୍କା ।

ବିହାରରେ ଆଜି ଏହି ଯୋଜନାର ଶୁଭାରମ୍ଭ କରିବାକୁ ଯାଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମହିଳାମାନେ କିପରି ନିଜେ ରୋଜଗାର କରିବା ସହ ସ୍ଵାବଲମ୍ବୀ ହୋଇପାରିବେ, ସେ ନେଇ ଏପରି ଏକ ଯୋଜନା କେନ୍ଦ୍ର ସରକାରଙ୍କ ଦ୍ଵାରା ଆରମ୍ଭ କରାଯାଇଛି ।

ବିହାରର ପ୍ରତି ମହିଳାଙ୍କ ବ୍ୟାଙ୍କ ଖାତାକୁ ଆସିବ ୧୦ ହଜାର ଲେଖାଏଁ ଟଙ୍କା । ୭୫ ଲକ୍ଷ ମହିଳାଙ୍କୁ ଏହି ଯୋଜନା ଯୋଗାଇ ଦିଆଯିବ ବୋଲି ବିହାର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଔପଚାରିକ ଭାବେ ଘୋଷଣା କରାଯାଇଛି । ଭିଡିଓ କନଫରେନ୍ସିଂ ଯୋଗେ ସେ ଏହି ଯୋଜନାର ଶୁଭାରମ୍ଭ କରିବେ ।

ଯୋଜନାର ମୂଳ ଲକ୍ଷ

ବିହାରର ପ୍ରତ୍ୟେକ ପରିବାରର ମହିଳା କିପରି ରୋଜଗାରକ୍ଷମ ହୋଇପାରିବେ, ସେଥିପାଇଁ ସେମାନଙ୍କୁ ବ୍ୟବସାୟ କରିବା ଉଦ୍ଦେଶ୍ୟରେ ପ୍ରଥମେ ୧୦ ହଜାର ଟଙ୍କା ଲେଖାଏଁ ଯୋଗାଇ ଦିଆଯାଉଛି । ପୁଣି କାମ କରିବାର ୬ ମାସ ପରେ, ମୂଲ୍ୟାଙ୍କ ଆଧାରରେ ସେମାନଙ୍କୁ ସର୍ବାଧିକ ୨ ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ମିଳିପାରିବ ବୋଲି ସୂଚନା ମିଳିଛି ।

ଅଧିକ ପଢନ୍ତୁ : ବିହାରକୁ ମୋଦିଙ୍କ ବଡ଼ ଭେଟି, ୪୦ ହଜାର କୋଟିର ଦେଲେ ପ୍ରକଳ୍ପ !

ଏହି ଯୋଜନାରେ ସ୍ଵୟଂ ସହାୟକ ଗୋଷ୍ଠୀ ସହ ଜଡିତ ମହିଳା ମାନଙ୍କୁ ଟଙ୍କା ସହ ଚାକିରି ପାଇଁ କାମ ଶିଖିବାର ତାଲିମ ମଧ୍ୟ ଯୋଗାଇ ଦିଆଯିବ । ଏହି ଯୋଜନା ଦ୍ଵାରା କୌଣସି ସାମଗ୍ରୀକୁ ତିଆରି ତଥା ଉତ୍ପାଦନ ପରେ କିପରି ବିକ୍ରି ହୋଇପାରିବ ସେ ନେଇ ଗାଁର ହାଟ ବଜାରକୁ ବିକଶିତ କରାଯିବ । ଯାହାଦ୍ଵାରା ମହିଳାମାନେ ନିଜର ସାମଗ୍ରୀକୁ ବଜାରରେ ପହଞ୍ଚାଇ ବିକ୍ରି କରିବା ନିଡର ଜୀବିକା ନିର୍ବାହ କରିପାରିବେ ।

କେଉଁ ମହିଳା ଉଠାଇପାରିବେ ଯୋଜନାର ଲାଭ ?

ଏହି ଯୋଜନାର ଲାଭ ଉଠାଇବା ପାଇଁ ବିହାରର ସ୍ଥାୟୀ ନିବାସୀ ହୋଇଥିବା ଅତ୍ୟନ୍ତ ଜରୁରୀ । ଆବେଦନକାରୀଙ୍କ ନ୍ୟୁନତମ ଶିକ୍ଷାଗତ ଯୋଗ୍ୟତା ଦଶମ, ଯୁକ୍ତ ୨, ଆଇଟିଆଇ(ITI), ପଲିଟେକ୍‌ନିକ୍ ଡିପ୍ଲୋମାର ସମକକ୍ଷ ହୋଇଥିବା ଆବଶ୍ୟକ । ଆବେଦନକାରୀଙ୍କ ବୟସସୀମା ୧୮ରୁ ୬୦ ବର୍ଷ ଭିତରେ ହୋଇଥିବା ଦରକାର । ଏହି ଯୋଜନାରେ ସବୁ ଧର୍ମର ଏମିତି ଟ୍ରାନ୍ସଜେଣ୍ଡର ମଧ୍ୟ ସାମିଲ ହୋଇପାରିବେ । ଆବେଦନକାରୀଙ୍କ ପରିବାରରେ କୌଣସି ବି ସଦସ୍ୟ ସରକାରୀ ଚାକିରିରେ ନ ରହିଥିବା ଦରକାର । କୌଣସି ଆୟକର ଦାତା ମଧ୍ୟ ହୋଇନଥିବା ଦରକାର ।

ଆହୁରି ପଢନ୍ତୁ : PM Narendra Modi: ବିକଶିତ ଭାରତ ରୋଜଗାର ଯୋଜନା, ୩ କୋଟି ୫୦ ଲକ୍ଷ ଯୁବକ-ଯୁବତୀଙ୍କୁ ମିଳିବ ଲାଭ

ଏପର୍ଯ୍ୟନ୍ତ ଗ୍ରାମୀଣ ବିକାଶ ବିଭାଗ ମହିଳାଙ୍କଠାରୁ 1.11 କୋଟିରୁ ଅଧିକ ଆବେଦନ ଗ୍ରହଣ କରିଛି ।

Argus News | argus news | Odisha Latest News, Breaking News, Trending News, Live TV