ବିଶ୍ୱ ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୫ତମ ଜନ୍ମଦିବସ । ଅହମ୍ମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ଆୟୋଜିତ ହେବ ବିଶ୍ବର ସର୍ବ ବୃହତ ରକ୍ତଦାନ ଶିବିର । ନିଲାମ ହେବ ମୋଦିଙ୍କୁ ମିଳିଥିବା ୧୩୦୧ ପୁରସ୍କାର । ରାଜ୍ୟରେ ଆବାସ ଦିବସ ପାଳନ କରିବେ ସରକାର । ଗୋଟିଏ ଦିନରେ ଲାଗିବ ୭୫ ଲକ୍ଷ ଗଛ ।

ସେପ୍ଟେମ୍ବର ୧୭ ତାରିଖ । ବିଶ୍ବ ନାୟକଙ୍କ ଜନ୍ମଦିନ । ନୂଆ ଭାରତର ବିନ୍ଧାଣୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୭୫ବର୍ଷରେ ପଦାର୍ପଣ କରିବେ । ବିଶ୍ବ ବନ୍ଧୁ ମୋଦିଙ୍କ ଜନ୍ମଦିନ ପାଳିବାକୁ ସାରା ଦେଶରେ, ଦେଶ ବାହାରେ ବିଭିନ୍ନ କାର୍ଯ୍ୟକ୍ରମ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନରେ ଦିଲ୍ଲୀ ବିଜେପି ପକ୍ଷରୁ ୧୭ଟି କାର୍ଯ୍ୟକ୍ରମର ଆୟୋଜନ କରାଯାଉଛି । ଏହା ଭିତରେ ରହିଛି ସ୍ବଚ୍ଛତା ଅଭିଯାନ, ରକ୍ତଦାନ ଶିବିର, ଖେଳକୂଦ ପ୍ରତିଯୋଗିତା ଏବଂ ଅନ୍ୟାନ୍ୟ ସାମାଜିକ କାର୍ଯ୍ୟକ୍ରମ ।

ବୃକ୍ଷରୋପଣ, ସ୍ବାସ୍ଥ୍ୟ ଯାଞ୍ଚ ଶିବିର, ପ୍ରଧାନମନ୍ତ୍ରୀଙ୍କ ଜୀବନ ଉପରେ ଡକ୍ୟୁମେଣ୍ଟାରୀ, ଦିବ୍ୟାଙ୍ଗ ଜନ ସମ୍ମାନ, ଭୋକାଲ ଫର ଲୋକାଲ ପ୍ରଚାର, ସାଂସଦ ଖେଳକୂଦ ପ୍ରତିଯୋଗିତା, ବିକଶିତ ଭାରତ ଚିତ୍ରକଳା ପ୍ରତିଯୋଗିତା, ମୋଦି ବିକାଶ ମାରାଥନ, ଜୀବନ ଉପରେ ଆଧାରିତ ପ୍ରଦର୍ଶନୀ, ପଣ୍ଡିତ ଦୀନଦୟାଲ ଜୟନ୍ତୀ, ମହାତ୍ମା ଗାନ୍ଧୀ ଏବଂ ଶାସ୍ତ୍ରୀ ଜୟନ୍ତୀ ସମାରୋହ, ନମୋ ଆପ ଏବଂ ସୋସିଆଲ ମିଡିଆ ଚର୍ଚ୍ଚା, ଜିଏସଟି ରିଫର୍ମ ନେଇ ଜନ ଚର୍ଚ୍ଚା ଆୟୋଜିତ ହେବ । ସମାଜର ପ୍ରତି ବର୍ଗର ଲୋକ ଯେପରି ଏହି କାର୍ଯ୍ୟକ୍ରମଗୁଡିକରେ ସାମିଲ ହୋଇପାରିବେ ସେନେଇ ଉଦ୍ୟମ କରାଯାଇଛି ।

ମୋଦିଙ୍କ ଜନ୍ମଦିନ ପାଳନ ଅବସରରେ ଅନୁଷ୍ଠିତ ହେବ ବିଶ୍ବର ସର୍ବବୃହତ ରକ୍ତଦାନ ଶିବିର । ନରେନ୍ଦ୍ର ମୋଦି ଷ୍ଟାଡିୟମରେ 5ଲକ୍ଷ ୟୁନିଟ ରକ୍ତ ସଂଗ୍ରହ କରାଯିବ । ଖାଲି ଭାରତ ନୁହେଁ ୭୫ରୁ ଅଧିକ ଦେଶରେ ହେବ ରକ୍ତଦାନ ଶିବିର । ୭୫୦୦ ଗ୍ଲୋବାଲ କ୍ୟାମ୍ପ ଏହି ରକ୍ତଦାନ ଶିବିରରେ ଭାଗ ନେବେ । ଅଖିଳ ଭାରତୀୟ ତେରାପନ୍ଥ ଯୁବକ ପରିଷଦ ବା ABTYP ଏହି ରକ୍ତଦାନ ଶିବିରର ଆୟୋଜନ କରୁଛି । 50ଟି ଅନ୍ୟାନ୍ୟ ସଂସ୍ଥା ମଧ୍ୟ ଏହି ରକ୍ତଦାନ ଶିବିରରେ ସାମିଲ ହେବେ ।

'Blood Donation Amrit Mahotsav 2.0' ଅଧିନରେ ଏହି ବିଶାଳ ରକ୍ତଦାନ ଶିବିରର ଆୟୋଜନ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଆୟୋଜନ କରାଯାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭର୍ଚ୍ଚୁଆଲ ମୋଡରେ ଏହି ରକ୍ତଦାନ ଶିବିରର ଉଦଘାଟନ କରିବେ । ସକାଳ ୭ଟାରୁ ଆରମ୍ଭ ହୋଇ ସନ୍ଧ୍ୟା ୭ଟା, ୧୨ ଘଣ୍ଟା ଧରି ଚାଲିବ ରକ୍ତଦାନ ଶିବିର ।

ସଂଗୃହିତ ରକ୍ତ ଗୁଜରାଟର ସମସ୍ତ ବ୍ଲଡ ବ୍ୟାଙ୍କକୁ ଯିବ । ୭୫ହଜାର ଯୁବକ ଯୁବତୀ, ୪ହଜାର ବ୍ଲଡ ବ୍ୟାଙ୍କ, ୫ହଜାର ଡାକ୍ତର, ୨୫ହଜାର ଟେକନିସିଆନ ଏବଂ ପାଖାପାଖି 1ଲକ୍ଷ ଭଲ୍ୟୁଣ୍ଟର ଭାଗ ନେବେ । ଏପରି ଶିବିର ଆଯୋଜନ କରିବା ପଛର ଉଦ୍ଦେଶ୍ୟ ହେଲା, ଦରକାର ସମୟରେ ସମସ୍ତେ ଯେପରି ରକ୍ତ ପାଇପାରିବେ ।

ଆସନ୍ତାକାଲିଠୁ ନିଲାମ ହେବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମିଳିଥିବା ପୁରସ୍କାର । PMMomentos ଇ-ନିଲାମ 2025 ର ଶୁଭାରମ୍ଭ କରିଛନ୍ତି କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଗଜେନ୍ଦ୍ର ସିଂ ଶେଖାୱତ । ପ୍ରଧାନମନ୍ତ୍ରୀ ଙ୍କୁ ମିଳିଥିବା ପ୍ରାୟ 1301 ଉପହାର ର ହେବ ନିଲାମ । ନୂଆଦିଲ୍ଲୀ ନ୍ୟାସନାଲ ଗ୍ୟାଲେରୀ ଅଫ ମଡର୍ନ ଆର୍ଟ ରେ ଉପହାର କିଣି ପାରିବେ ସାଧାରଣ ଲୋକେ । ପ୍ରଧାନମନ୍ତ୍ରୀଙ୍କୁ ମିଳିଥିବା ଉପହାର ର ନିଲାମୀ ଅର୍ଥ ପ୍ରତିବର୍ଷ ନମାମି ଗଙ୍ଗେ ପ୍ରକଳ୍ପରେ ଲାଗିଥାଏ । ଚଳିତଥର ନିଲାମୀ ହେବାକୁ ଥିବା ଉପହାର ମଧ୍ୟରେ ସମ୍ବଲପୁରର ମା ସମଲେଇ ଙ୍କ ପେଣ୍ଟିଂ, ପ୍ରଧାନମନ୍ତ୍ରୀ ଙ୍କୁ ଉପହାର ମିଳିଥିବା ଓଡ଼ିଶାର ପଟଚିତ୍ର ମଧ୍ୟ ସାମିଲ ରହିଛି । ଏହା ଶହ ରାମ ଦରବାର, ଦୁର୍ଗା ମାତାଙ୍କ ପ୍ରତିମୂର୍ତ୍ତି, ମେକ ଇନ ଇଣ୍ଡିଆ ପ୍ରମୁଖ ଉପହାର ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି ।

ଆସନ୍ତାକାଲି ପ୍ରଧାନମନ୍ତ୍ରୀଙ୍କ ଜନ୍ମଦିବସ ଅବସରରେ ରାଜ୍ୟରେ ଆବାସ ଦିବସ ପାଳନ କରିବେ ସରକାର । ପ୍ରତି ଜିଲ୍ଲା ଏବଂ ପୌର ସଂସ୍ଥା ରେ ଆୟୋଜନ ହେବ ସହରାଞ୍ଚଳ ପ୍ରଧାନମନ୍ତ୍ରୀ ଆବାସ ମେଳା । ପ୍ରଧାନମନ୍ତ୍ରୀଙ୍କ ଜନ୍ମ ଦିନ ରୁ ଆରମ୍ବ ହୋଇ ଦୁଇଟି ପର୍ଯାୟ ରେ ୩୧ ଅକ୍ଟୋବର ପର୍ଯ୍ୟନ୍ତ ଚାଲିବ

ମୋଦୀ ଙ୍କ ଜନ୍ମ ଦିନ ରେ ରାଜ୍ୟରେ ଗୋଟିଏ ଦିନ ରେ ଲାଗିବ ୭୫ ଲକ୍ଷ ଗଛ । ୪୫ ହଜାର ସ୍ଥାନ ରେ ଗଛ ଲଗାଇବ ଜଙ୍ଗଲ ବିଭାଗ । ୩୦ ଜିଲ୍ଲା ରେ ଏହି କାର୍ଯ୍ୟକ୍ରମ ରେ ଭାଗ ନେବେ ମନ୍ତ୍ରୀ ଓ ଜିଲ୍ଲାପାଳ । ପ୍ରଧାନମନ୍ତ୍ରୀ ମୋଦିଙ୍କ ଜନ୍ମ ତିଥି, ସୁଭଦ୍ରାର ମଧ୍ୟ ଜନ୍ମ ତିଥି। ସୁଭଦ୍ରା ଶୁଭାରମ୍ଭ ହୋଇଥିବା ସମୟକୁ, ସୁଭଦ୍ରା ଜନ୍ମ ତିଥି ଭାବେ ପାଳନ କରିବେ ରାଜ୍ୟ ସରକାର। ସମସ୍ତ ସୁଭଦ୍ରା ହିତାଧିକାରୀ ଗୋଟିଏ ଲେଖାଏଁ ଗଛ ଲଗାଇବାକୁ ନିବେଦନ କରାଯାଇଛି ।