ଅପରେସନ ସିନ୍ଦୂରରେ ପାକିସ୍ତାନର ବଡ କ୍ଷତି ହୋଇଥିଲା । ପାକିସ୍ତାନ ବାୟୁସେନାର ୬ଟି ଫାଇଟର ଜେଟ୍‍, ଦୁଇଟି ଉଚ୍ଚ କ୍ଷମତାସମ୍ପନ୍ନ ସର୍ଭେଲାନ୍ସ ଏୟାରକ୍ରାଫ୍ଟ, ୧୦ଟି ସଶସ୍ତ୍ର ଡ୍ରୋନ୍ ଓ C-130 ହର୍କ୍ୟୁଲସ୍ ପରିବହନ ବିମାନ ନଷ୍ଟ କରି ଦିଆଯାଇଛି । ପହଲଗାମ୍ ଆତଙ୍କୀ ଆକ୍ରମଣ ପରେ ଭାରତ ଅପରେସନ୍ ସିନ୍ଦୂର ଜରିଆରେ ଏହାର କଡା ଜବାବ ଦେଇଥିଲା । ପାକିସ୍ତାନର ୯ଟି ଆତଙ୍କୀ ଆଡ୍ଡାକୁ ଟାର୍ଗେଟ କରାଯାଇଥିଲା ।ଅପରେସନ ସିନ୍ଦୂରର ପାକିସ୍ତାନର ସ୍ଥଳ ଓ ବାୟୁସେନାର ସାମରିକ ଘାଟି କ୍ଷତିଗ୍ରସ୍ତ ହୋଇଥିଲା ।

ନଷ୍ଟ ହୋଇଥିବା ପାକିସ୍ତାନର ୬ଟି ଫାଇଟର ଜେଟ୍ ଭାରତର ଆକ୍ରମଣର ଜବାବ ଦେବାକୁ ରଖାଯାଇଥିଲା । କିନ୍ତୁ ବାୟୁସେନାର ଅପରେସନରେ ପାକିସ୍ତାନର ୬ଟି ଫାଇଟର ଜେଟ୍ ଧ୍ବଂସ ହୋଇଯାଇଛି । ଅସ୍ତ୍ରଶସ୍ତ୍ର ଯୋଗାଇବା ପାଇଁ ପ୍ରସ୍ତୁତ ଥିବା ପାକିସ୍ତାନର C-130 ପରିବହନ ବିମାନକୁ ଧ୍ବଂସ କରିଥିଲା ଭାରତୀୟ ବାୟୁସେନା । ମେ ୬ରେ ଅପରେସନ ସିନ୍ଦୂର ଜରିଆରେ ପାକିସ୍ତାନ ଓ ପାକିସ୍ତାନ ଅଧିକୃତ କାଶ୍ମୀରରେ ଥିବା ଆତଙ୍କୀ ଆଡ୍ଡାକୁ ଧ୍ବଂସ କରାଯାଇଥିଲା । ବାହାବଳପୁର ସ୍ଥିତ ଜୈସ ଇ ମହମ୍ମଦର ମୁଖ୍ୟାଳୟ, ମୁରିଦକେରେ ଥିବା ଲସ୍କର ଇ ତୋଇବାର କ୍ୟାମ୍ପ ନଷ୍ଟ କରାଯାଇଥିଲା ।