ଇତିହାସ ରଚିଛନ୍ତି ରାଜସ୍ଥାନ ରୟାଲସର କ୍ରିକେଟର ବୈଭବ ସୂର୍ଯ୍ୟବଂଶୀ। ମାତ୍ର ୧୪ବର୍ଷ ୨୩ ଦିନରେ ଆଇପିଏଲ୍ ମ୍ୟାଚ ଖେଳିଛନ୍ତି ବୈଭବ । ଆଇପିଏଲ ଇତିହାସରେ ସର୍ବ କନିଷ୍ଠ ଖେଳାଳି ଶନିବାର ରାଜସ୍ଥାନ ପାଇଁ ଇନିଂସ ଓପନିଂ କରିବାକୁ ଆସି ଖେଳିଛନ୍ତି ଚମତ୍କାର ଇନିଂସ । ପ୍ରଥମ ବଲରେ ଛକା ମାରି ସେ ତାଙ୍କର ଉପସ୍ଥିତି ଜାହିର କରିଥିଲେ । ଏକ୍ସ୍ ଟ୍ରା କଭର ସୀମାରେଖା ଉପରକୁ ଛକା ମାରି ତାଙ୍କର ପ୍ରତିଭାର ପ୍ରମାଣ ଦେଇଥିଲେ । ଅସାଧାରଣର ପ୍ରତିଭାର ଅଧିକାରୀ ବୈଭବ ସୂର୍ଯ୍ୟବଂଶୀ ବ୍ୟାଟିଂ କରିବାବେଳେ ଗ୍ୟାଲେରୀରେ ଦର୍ଶକ କରତାଳି ମାରି ଉତ୍ସାହିତ କରିଥିଲେ । ବୈଭବ ୨ଟି ଚୌକା ଓ ତିନିଟି ଛକା ସହ ୧୭୦ ଷ୍ଟ୍ରାଇକ୍ ରେଟରେ ୩୪ରନ କରିଥିଲେ । ବିହାରର ତେଜପୁରରେ ଜନ୍ମିତ ବୈଭବ ସୂର୍ଯ୍ୟବଂଶୀ ମାତ୍ର ୧୨ବର୍ଷ ବୟସରେ ବିହାର ପାଇଁ ପ୍ରଥମ ଶ୍ରେଣୀ କ୍ରିକେଟ୍ ଖେଳିଥିଲେ ।

ଯେତେବେଳେ ବୈଭବ ସୂର୍ଯ୍ୟବଂଶୀ ଆଉଟ୍ ହୋଇଥିଲେ, ସେ ନିଜ ଭାବନାକୁ ନିୟନ୍ତ୍ରଣ କରିପାରିନଥିଲେ । ପଡ଼ିଆ ମଝିରେ କାନ୍ଦିବାକୁ ଲାଗିଥିଲେ ବୈଭବ ସୂର୍ଯ୍ୟବଂଶୀ । ତାଙ୍କର ଏହି ଭାବପ୍ରବଣ ମୁହୂର୍ତ୍ତ କ୍ୟାମେରାରେ କଏଦ ହୋଇଥିଲା । ବିହାରରେ ୨୦୧୧ ମସିହା ୨୭ ମାର୍ଚ୍ଚରେ ଜନ୍ମ ଗ୍ରହଣ କରିଥିଲେ ବୈଭବ । ବୈଭବ ସୂର୍ଯ୍ୟବଂଶୀ ଜଣେ ବାମହାତୀ ବ୍ୟାଟ୍ସମ୍ୟାନ୍ । ସେ ବାମହାତୀ ସ୍ପିନ୍ ମଧ୍ୟ ବୋଲିଂ କରନ୍ତି ।

ମାତ୍ର 13 ବର୍ଷ ବୟସରେ ଆଇପିଏଲ ୨୦୨୫ ମେଗା ନିଲାମରେ ରାଜସ୍ଥାନ ରୟାଲ୍ସ ବୈଭବ ସୂର୍ଯ୍ୟବଂଶୀଙ୍କୁ ୧.୧୦ କୋଟି ଟଙ୍କାରେ କିଣିଥିଲା । ବୈଭବ ସୂର୍ଯ୍ୟବଂଶୀ ୧୨ ବର୍ଷ ବୟସରେ ୨୦୨୪ ମସିହାରେ ରଣଜୀ ଟ୍ରଫିରେ ବିହାର ପାଇଁ ପ୍ରଥମ ଶ୍ରେଣୀ ଡେବ୍ୟୁ କରିଥିଲେ । ଏହା ପରେ ସେ ଇଣ୍ଡିଆନ ପ୍ରିମିୟର ଲିଗ୍ ଚୁକ୍ତି ପାଇଥିବା ସର୍ବକନିଷ୍ଠ ଖେଳାଳି ହୋଇଥିଲେ । ଇତିହାସ ରଚିଲେ ବୈଭବ