ପୁଣି ବିବାଦରେ ଫସିଲେ ୟୁଟ୍ୟୁବର ଧ୍ରୁବ ରାଠି । ପୂର୍ବରୁ ଦେଶ ବିରୋଧରେ ଅନେକ ପ୍ରକାରର ଭିଡିଓ କରି ଅଧିକାଂଶ ସମୟରେ ବିବାଦରେ ରହିଥିଲେ ଧ୍ରୁବ ରାଠି । ଏବେ ପୁଣି ଧର୍ମଗୁରୁଙ୍କୁ ଅପମାନ କରି ବିବାଦ ଘେରରେ ରହିଛନ୍ତି । ଭିଡିଓ ଡିଲିଟ କରିଥିଲେ ମଧ୍ୟ ତାଙ୍କ ବିରୋଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ଦାବି କରାଯାଉଛି ।

ଜର୍ମାନୀରେ ରହୁଥିବା ଧ୍ରୁବ ରାଠି ଫେମସ ୟୁଟ୍ୟୁବର ଭାବେ ଜଣାଶୁଣା । ଅଧିକାଂଶ ସମୟରେ ସେ ଦେଶ ବିରୋଧୀ ବିଷୟ ଗୁଡିକ ତିଆରି କରି ବିରୋଧର ଶିକାର ହୁଅନ୍ତି । ଗତ କିଛିଦିନ ତଳେ ସେ ' ଦ ଶିଖ୍ ୱାରଅର ହୁ ଟେରିଫାଏଡ୍ ଦ ମୁଘ୍‌ଲ୍ସ' ନାମକ ଏକ ଭିଡିଓ କରିଥିଲେ । ଯେଉଁଥିରେ ସେ ଶିଖର ଧର୍ମଗୁରୁଙ୍କୁ ଏଆଇ ଫଟୋ ଦ୍ଵାରା କଦର୍ଯ୍ୟ କରି ଦର୍ଶାଇଛନ୍ତି । ଏହା ଶିଖ୍ ଧର୍ମର ଗୁରୁ ତଥା ଲୋକମାନଙ୍କ ପ୍ରତି ଅପମାନ ବୋଲି ଦାବି କରିଛନ୍ତି ।

ଶିରୋମଣୀ ଅକାଳି ଦଳର ଅଧ୍ୟକ୍ଷ ସୁଖବୀର ସିଂ ଏହି ଭିଡିଓକୁ ନେଇ ଧ୍ରୁବ ରାଠେକୁ କଡା ନିନ୍ଦା କରିଛନ୍ତି । ତାଙ୍କର କଡା ବିରୋଧ ପରେ ଧ୍ରୁବ ରାଠି ଚ୍ୟାନେଲ ପକ୍ଷରୁ ଭିଡିଓକୁ ଡିଲିଟ କରାଯାଇଅଛି । କିନ୍ତୁ ତଥାପି ଧ୍ରୁବଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ସେ କହିଛନ୍ତି ।

ସେହିପରି ଶିରୋମଣି ଦଳର ସେକ୍ରେଟେରୀ କହିଛନ୍ତି ଯେ ଗୁରୁ ତେଗ ବାହାଦୁରଙ୍କ ସହିଦତା ଏବଂ ବାବା ବନ୍ଦା ସିଂହ ବାହାଦୁରଙ୍କ ଐତିହ୍ୟକୁ ଦର୍ଶାଇବା ପାଇଁ ଇତିହାସକୁ ବିକୃତ କରିଛନ୍ତି ଧ୍ରୁବ ରାଠି । ଏଥିସହ ଯେଉଁ ଭାଷା ମଧ୍ୟ ଗୁରୁଙ୍କ ପ୍ରତି ସେହି ଭିଡିଓରେ କୁହାଯାଇଛି , ତାହା ଆଦୌ ଗ୍ରହଣୀୟ ନୁହେଁ ବୋଲି ସେ କହିଛନ୍ତି । ଅନ୍ୟ କଣ୍ଟେଣ୍ଟ କ୍ରିଏଟର ମାନଙ୍କୁ ମଧ୍ୟ ଶିଖ୍ ଗୁରୁଙ୍କୁ ନେଇ ଏପରି ଭିଡିଓ ନକରେଇବାକୁ ସତର୍କ କରାଇଛନ୍ତି ।

View this post on Instagram

A post shared by Dhruv Rathee (@dhruvrathee)

Argus News | argus news | Odisha Latest News, Breaking News, Trending News, Live TV