ହତ୍ୟାକାଣ୍ଡ ବଲିଉଡ୍‌ର ମାଫିଆ ଫିଲ୍ମଠାରୁ କମ ନୁହେଁ । ଦିନକୁ ଦିନ ଦେଶରେ ହତ୍ୟା ପରି ମାମଲା ସାମ୍ନାକୁ ଆସୁଛି। ଯାହାକୁ ନେଇ ଲୋକେ ଭୟଭୀତ ଜଣାପଡିଛି। ଦିଲ୍ଲୀ ସୀଲମପୁର ହତ୍ୟାକାଣ୍ଡ ମାମଲାରେ ଗିରଫ ଲେଡି ଡନ୍ ଜିକରାକୁ ପୋଲିସ ରିମାଣ୍ଡରେ ପଠାଯାଇଛି । ୧୭ ବର୍ଷୀୟ କୁନାଲର ହତ୍ୟା ମାମଲାରେ ସେ ମୁଖ୍ୟ ଅଭିଯୁକ୍ତ । ଜିକରାକୁ ଶୁକ୍ରବାର ପୋଲିସ ଗିରଫ କରିଥିଲା । ଏହାସହ ଅନ୍ୟ ତିନି ଜଣଙ୍କୁ ମଧ୍ୟ ହେପାଜତକୁ ନେଇଥିଲା । ଗିରଫ ପରେ ପୋଲିସ ଆଜି ଜିକରାକୁ କୋର୍ଟରେ ହାଜର କରାଯାଇଥିଲା । ଅନ୍ୟ ଅଭିଯୁକ୍ତଙ୍କୁ ଧରିବା ପାଇଁ ଜିକରାର ରିମାଣ୍ଡ ଜରୁରି ବୋଲି ପୋଲିସ କୋର୍ଟରେ କହିଥିଲା ।

ପୋଲିସ ସୂତ୍ର ଅନୁସାରେ ଅଭିଯୁକ୍ତମାନେ କୁନାଲକୁ ହତ୍ୟା କରିବା ପୂର୍ବକୁ ସକାଳେ ଚେତାବନୀ ଦେଇଥିଲେ । ସେହି ଦିନ ସନ୍ଧ୍ୟାରେ ଅଭିଯୁକ୍ତମାନେ ଶିବ-ପାର୍ବତୀ ମନ୍ଦିର ସାମନାରେ କୁନାଲକୁ ଧରିଥିଲେ । ଦୁଇ ଜଣ ତାକୁ ଛୁରୀ ଭୁସିଥିଲେ, ଅନ୍ୟମାନେ ଜଗି ରହିଥିଲେ । କୁନାଲ କୌଣସି ପ୍ରକାରେ ଘଟଣାସ୍ଥଳକୁ କିଛି ମିଟର ଦୂର ସ୍ଥିତ ଏକ କ୍ଲିନିକ୍ ପହଞ୍ଚିଥିଲା । ସେଠାରେ ଡାକ୍ତର ପ୍ରାଥମିକ ଚିକିତ୍ସା କରି ଜୀବନ ବଞ୍ଚାଇବାକୁ ଉଦ୍ୟମ କରିଥିଲେ । ଏହାପରେ ଡାକ୍ତର ଇ-ରିକ୍ସାରେ ନିକଟସ୍ଥ ହସ୍ପିଟାଲରେ ପହଞ୍ଚାଇଥିଲେ, କିନ୍ତୁ ଅଧା ରାସ୍ତାରେ ହିଁ କୁନାଲର ମୃତ୍ୟୁ ହୋଇଥିଲା ।

ଦିଲ୍ଲୀ ପୋଲିସର କହିବା ଅନୁସାରେ ଯେ ଜି୨କରା ହିଁ ନିଜ ଭାଇର ଆକ୍ରମଣର ପ୍ରତିଶୋଧ ନେବା ପାଇଁ ନାବାଳକର ହତ୍ୟା ଷଡ଼ଯନ୍ତ୍ର ରଚିଥିଲା । ପୋଲିସ କହିଛି ଯେ କୁନାଲକୁ ଜିକରାର ଦାଦା ପୁଅ ଭାଇ ସାହିଲ ଓ ଦିଲଶାହ ଛୁରୀ ଭୁସି ଥିଲା । ଜେରା ବେଳେ ଜିକରା କହିଛି ଯେ ଗତ ନଭେମ୍ୱରରେ ତାର ଭାଇ ସଲିମ୍ ଉପରେ ଲାଲା ଓ ଶମ୍ଭୁ ନାମକ ଦୁଇ ଜଣ ଆକ୍ରମଣ କରିଥିଲେ । ଦୁହେଁ କୁନାଲ୍‌ର ସାଙ୍ଗ ଥିଲେ । ଆକ୍ରମଣ ପରେ କୁନାଲ୍ ମଧ୍ୟ ଉପସ୍ଥିତ ଥିଲା କିନ୍ତୁ ସେତେବେଳେ ସେ ନାବାଳକ ଥିବା ଯୋଗୁଁ ଏଫଆଇଆର୍ ହୋଇନଥିଲା । କୁନାଲ ପାଇଁ ହିଁ ଏହି ଆକ୍ରମଣ କରାଯାଇଥିବା ଜକିରା ଓ ସାହିଲ ଅନୁମାନ କରିଥିଲେ । ଏବଂ ଏଥିପାଇଁ ସେ ପ୍ରତିଶୋଧ ନେବାକୁ ଷଡ଼ଯନ୍ତ୍ର କରିଥିଲେ ।

ଅଧିକାରୀମାନେ କହିଛନ୍ତି ଯେ ଜେଲରେ ବନ୍ଦୀ ଥିବା ଗ୍ୟାଙ୍ଗଷ୍ଟର ହାଶିମ ବାବାର ସ୍ତ୍ରୀ ଜୋୟା ପାଇଁ ବାଉନ୍ସର ଭାବେ ଜିକରା କାମ କରୁଥିଲା । ତିନି ମାସ ପୂର୍ବେ ଜିକରା ଜେଲରୁ ଫେରିଥିଲା । ଆର୍ମ୍ସ ଆକ୍ଟରେ ପୋଲିସ ତାକୁ ଗିରଫ କରିଥିଲା । ସେ ସବୁବେଳେ ନିଜ ପାଖରେ ଏକ ବନ୍ଧୁକ ରଖୁଥିଲା । ସୋସିଆଲ୍ ମିଡିଆର ତାର ଅନେକ ରିଲ୍ସ ରହିଛି, ଯେଉଁଥିରେ ସେ ଗ୍ୟାଙ୍ଗଷ୍ଟର ଲାଇନ୍ କହୁଥିବା ନଜର ଆସୁଛି ।

ଅଧିକ ପଢ଼ନ୍ତୁ ଦେଶ ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more