ଅର୍ଗସ ବ୍ୟୁରୋ : ଏବେ ଜୋମାଟୋରୁ ମଗେଇ ପାରିବେନି ଖାଦ୍ୟ । କାରଣ ଜୋମାଟେ ନିଜର ନାଁ ବଦଳାଇ ଦେଇଛି । ଫୁଡ ଡେଲିଭର କମ୍ପାନୀ ଜୋମାଟୋର ନାଁ ବଦଳାଯାଇ 'ଏଟରନାଲ ଏଲଟିଡି' ରଖାଯାଇଛି । ବୋର୍ଡ ଏହି ପ୍ରସ୍ତାବକୁ ମଧ୍ୟ ମଞ୍ଜୁରୀ ଦେଇଛି । କିନ୍ତୁ ଗ୍ରାହକଙ୍କ ପାଇଁ ଜୋମାଟୋ ଆପ, ବ୍ରାଣ୍ଡ, ଏବଂ ସର୍ଭିସରେ କୌଣସି ପରିବର୍ତ୍ତନ ହେବନାହିଁ । କମ୍ପାନୀର ସିଇଓ ଦୀପିନ୍ଦର ଗୋୟଲ ଏନେଇ ସ୍ପଷ୍ଟ ସୂଚନା ଦେଇଛନ୍ତି । ଏହାର ଅଫିସିଆଲ ପୋଷ୍ଟରେ କୁହାଯାଇଛି , "ଏଟରନାଲ ଆମର ମୂଳ କମ୍ପାନୀ ଅଟେ ।

କିନ୍ତୁ ଆପର ନାଁ ଜୋମାଟୋ ହିଁ ରହିବ ।" ତେବେ ଜୋମାଟୋର ନାଁ ବଦଳିବା ନେଇ ସୋସିଆଲ ମିଡିଆରେ ଅନେକ ମଜାଦାର ମିମ୍ସ ଭାଇରାଲ ହେବାରେ ଲାଗିଛି । ତେବେ ଜୋମାଟୋ ଏକ କମେଣ୍ଟ ନିଜ ଅଫିସିଆଲ ଆକାଉଣ୍ଟରେ ଶେୟାର କରିଛନ୍ତି, ଯେଉଁଥିରେ ଜଣେ ୟୁଜର୍ସ ଲେଖିଛନ୍ତି, ସତରେ କଣ ଜୋମାଟୋ ବନ୍ଦ ହେଇଯାଉଛି ? ମୋର ଟଙ୍କା ରିଫଣ୍ଡ ଏବେ ଯାଏଁ କରିନି ଜୋମାଟୋ ...ତେବେ ଯାହାକୁ ନେଇ ଜୋମାଟେ ଆପ ବନ୍ଦ ହୋଇନଥିବା ସ୍ପଷ୍ଟ କରିଛି । ଦୀପେନ୍ଦର ଗୋୟଲ କହିଛନ୍ତି, ଏହି ଆପ କେବଳ ଫୁଡ ଡେଲିଭର ଭିତରେ ସୀମିତ ରହିବନି । ଏହି କମ୍ପାନୀକୁ ନେଇ ବଡ ସ୍ବପ୍ନ ଅଛି । ଯାହା କେବଳ ଫୁଡ ଡେଲିଭରୀ ନୁହେଁ, ଅନ୍ୟ ବିଜନେସ ମଧ୍ୟ ଆରମ୍ଭ କରିବ ।