ଫେବୃୟାରୀ 5 ତାରିଖ । ସମୟ 1ବାଜି 15 ମିନିଟ୍ । ସ୍ଥାନ ଶଙ୍ଖ ଭବନ । ପ୍ରେସମିଟ କଲେ ନୟାଗଡ଼ ବିଧାୟକ ଅରୁଣ ସାହୁ । ଅଧଘଣ୍ଟା ଅନ୍ତର । ସମୟ 1.45 । ସାମ୍ବାଦିକଙ୍କୁ ଡାକିଲେ ରାଜା । ସ୍ଥାନ- ରାଜଭବନ ପାଖ ସରକାରୀ ଆବାସ । ଗୋଟିଏ ଘର, ଅନ୍ୟଟି ଅଫିସ । ପ୍ରସଙ୍ଗ ଗୋଟିଏ । ନେତା କିନ୍ତୁ ଦୁଇଟି । ଏଇଥିରୁ ଗନ୍ଧ ହେଲା ବିଜେଡିରେ ବିସ୍ଫୋରଣ ହୋଇଗଲା । 25 ବର୍ଷର ଦଳରେ ଏମିତି ବୋଧେ ହୁଏ ପ୍ରଥମଥର ହେଲା । ଯେଉଁଠି ଗୋଟିଏ ପ୍ରସଙ୍ଗରେ ଦୁଇ ନେତା ସାମ୍ବାଦିକ ସମ୍ମିଳନୀ କଲେ । ଗୋଟିଏ ଜାଗାରେ ବସୁଥିବା ରାଜା ଅରୁଣ । ଭିନ୍ନ ଭିନ୍ନ ଜାଗାରେ ସାମ୍ବାଦିକଙ୍କୁ ଡାକି ସମ୍ମିଳନୀ କରୁଥିଲେ ।

ରାଜ୍ୟ ସରକାରଙ୍କ ବିକଶିତ ଗାଁ ବିକଶିତ ଓଡ଼ିଶା ଯୋଜନା ଆଜି ଲଞ୍ଚ ହେଲାବେଳେ ମୋହନ ସରକାରକୁ ଟାର୍ଗେଟ କରିଥିଲା ବିଜେଡି । କିନ୍ତୁ ଦୁଇ ନେତା ଗୋଟିଏ ଘଟଣାରେ ସୂଚନା ଦେବା, ଲାଗୁଥିଲା କିଛି ଘଟିଛି ଟ୍ରାଜେଡି । ନିକଟରେ ଦଳର କିଛି ବରିଷ୍ଠ ନେତା ରାଜ୍ୟ ବାହାରେ ଗୋଟିଏ ନୈଶ୍ୟ ଭୋଜିରେ ଏକାଠି ହୋଇଥିବାର ସ୍ଥିର ଚିତ୍ର ସାମ୍ନାକୁ ଆସିଥିଲା । ଦଳର ପରାଜୟ ପରେ କିଛି ନେତା ପାଣ୍ଡିଆନଙ୍କୁ ଦୋଷାରୋପ କରୁଥିବାବେଳେ କିଛି ସମର୍ଥନ କରୁଛନ୍ତି । ଆଉ ଏବେ ପୁଣି ଭୈରବ ବାବୁ ସବୁ ବୁଝୁଥିବା ଖୋଦ ବିଜେଡି ନେତା ହିଁ ପ୍ରତିକ୍ରିୟା ଦେଇଛନ୍ତି ।

ଯାହାକୁ ନେଇ ଅନେକ ନାଖୁସ । ସୁପ୍ରିମୋଙ୍କ ପ୍ରେମ ଆଗରେ ଅନେକ ବି ମୁହଁ ଖୋଲି ପାରୁ ନାହାଁନ୍ତି । ତେବେ ଦୁଇଟି ଗୋଷ୍ଠୀ ଦଳ ଭିତରେ ଚାଲିଥିଲାବେଳେ କିଏ କେଉଁ ଗୋଷ୍ଠୀର ନେତୃତ୍ୱ ନେଉଛି ତାହା ସବୁଠୁ ବଡ଼ ପ୍ରଶ୍ନ ଛିଡ଼ା କରିଛି । ଅରୁଣ କାହା ଗୋଷ୍ଠୀର ଆଉ ରାଜା କାହାର ? କେଉଁ ନେତା କାହା ପଟେ ? କିଏ କାହା ଇଙ୍ଗିତରେ କରିଛନ୍ତି ପ୍ରେସମିଟ ? ଏମିତି ଅସମୋହିତ ପ୍ରଶ୍ନ ଏବେ ରାଜନୈତିକ ମାର୍କେଟରେ ଘୁରି ବୁଲୁଛି ? ତେବେ ଏଯାଏଁ ଦଳ ବି ଏନେଇ କୌଣସି ସ୍ପଷ୍ଟ ପ୍ରତିକ୍ରିୟା ହସ୍ତଗତ କରିନାହିଁ ।

25 ବର୍ଷର ଦଳ । ଗୋଟିଏ ଟାଇମରେ ଅନେକ ନେତାଙ୍କୁ ନେଇ ପିସି କରୁଥିବାବେଳେ । ପରାଜୟ ପରେ ଏମିତି କଣ ଘଟିଲା । ଯେଉଁଥିପାଇଁ ଜଣେ ଶଙ୍ଖ ଭବନରେ ଆଉ ସରକାରୀ କ୍ୱାର୍ଟରରେ ସାମ୍ବାଦିକ ସମ୍ମିଳନୀ ଡାକିଲେ । ସେଇଥିପାଇଁ ସନ୍ଦେହ ହେଉଛି ଫାଟିଗଲା ବିଜେଡି, ଜଣାଇଦେଲେ ରାଜା ଓ ଅରୁଣ...

Argus News | argus news | Odisha Latest News, Breaking News, Trending News, Live TV