ଛି ଛି ପଛରେ କିଏ ?

ଅର୍ଗସ ବ୍ୟୁରୋ: ଗୋଟିଏ ସିଟକୁ ଦୁଇ ଜଣଙ୍କୁ ବିକି ନିନ୍ଦା ମୁଣ୍ଡାଇ ଥିଲା ଓସିଏ । ଖେଳାଳିଙ୍କ ଉପରକୁ ପାଣି ବୋତଲ ଫିଙ୍ଗା ଘଟଣାରେ କଳଙ୍କ ବୋଳି ହୋଇଥିଲା ଓସିଏ । ଏବେ ଫ୍ରଡ ଲାଇଟ ଅଫରେ ସନ୍ଦେହ ଘେରରେ ଓସିଏ । ସମୟ ସଂଧ୍ୟା ୬ ଟା ୧୨ । ତାରିଖ-ଫେବୃୟାରୀ, 9 । ରବିବାର । ଷ୍ଟ୍ରାଇକରେ ରୋହିତ୍ । ୭ ନମ୍ବର ଓଭରର ପ୍ରଥମ ବଲ ପଡିବା ବେଳେ ଲିଭିଗଲା ଓସିଏ କାର୍ଯ୍ୟାଳୟ ପାଖ ଲିଜେଣ୍ଡର ବକ୍ସ ଉପରେ ଲାଗିଥିବା ଫ୍ଲଡ ଲାଇଟ୍ । ଦୁଇ ମିନିଟ ପରେ ଲାଇଟ ଜଳିଲା ।

ପୁଣି ଖେଳ ଆରମ୍ଭ ହେଲା । ହେଲେ ଦୁଇଟି ବଲ ପଡିବା ପରେ ଆଉ ଥରେ ଲାଇଟ ବନ୍ଦ ହେଲା ଯେ ଆଉ ଜଳିଲା ନାହିଁ । ଯେତେବେଳେ ପୁରା ବିଶ୍ୱ କ୍ରିକେଟ ମ୍ୟାଚକୁ ତୀକ୍ଷ୍ଣ ଦୃଷ୍ଟିରେ ଦେଖୁଥିଲା । ଆଉ ହଠାତ୍ ବାଜିଥିଲା ଛି ଛି ଛିରେ ଗୀତ । ଏହି ସମୟରେ ଷ୍ଟାଡିୟମରେ ଉପସ୍ଥିତ ଦର୍ଶକ ନାଚିଥିଲେ, ହସିଥିଲେ, ତାତ୍ସଲ୍ୟ କରିଥିଲେ । ପିଚ୍ ଛାଡି ଠିଆ ହୋଇଥିଲେ ଇଣ୍ଡିଆ ଓ ଇଂଲଣ୍ଡ ଖେଳାଳି । ଯାହା ଉପସ୍ଥିତ ଦର୍ଶକକୁ ଦେଇଥିଲା ଶକ୍ତ ଆଘାତ ।

୬ ଟା ୪୨ ରେ ପୁନର୍ବାର ଜଳିଥିଲା ଲାଇଟ୍ । ବ୍ୟାକଅଫ୍ ନରଖିବା କାରଣ ହେଉ କିମ୍ବା ଡିଜି ଗାଡିର ଅପରେଟର ଅନୁପସ୍ଥିତ । ଅନ୍ତ୍ରର୍ଜାତୀୟ ମ୍ୟାଚରେ ଏପରି ଅକ୍ଷମଣୀୟ ତ୍ରୁଟି କାହିଁକି ? ଓସିଏ କରୁଥିଲା କଣ ? ଦୀର୍ଘ ଦୀନ ଧରି କଣ ପ୍ରସ୍ତୁତି କରୁଥିଲା ଓଡ଼ିଶା କ୍ରିକେଟ୍ ଆସୋସିଏସନ ? ଅନ୍ୟପଟେ ତ୍ରୁଟି ଧରିବାକୁ ତାଟସ୍ଥ ପରି ଚାହିଁ ରହିଥିବା ପାକିସ୍ତାନ ବି ସାମାଜିକ ଗଣମାଧ୍ୟମରେ ଭାରତକୁ ଅପହାସ କରିଛି । ଲିଭିଥିବା ଉକ୍ତ ଫ୍ରଡ ଲାଇଟର ଫଟୋ ସେୟାର କରି ତାତ୍ସଲ୍ୟ କରିଛନ୍ତି କିଛି ପାକିସ୍ତାନୀ ୟୁଜର ।

ଅନ୍ୟପଟେ କ୍ରୀଡ଼ାମନ୍ତ୍ରୀ ସୂର୍ଯ୍ୟବଶୀ ସୂରଜ 10 ଦିନ ଭିତରେ ରିପୋର୍ଟ ଦେବାକୁ ଓସିଏକୁ କହିଥିବା ପ୍ରତିକ୍ରିୟା ପ୍ରକାଶ କରିଛନ୍ତି ।
ଷଡ଼ଯନ୍ତ୍ର ନା ବଦନାମର ଷ୍ଟ୍ରାଡେଜି ? ଓଡ଼ିଶାକୁ ନିନ୍ଦିତ କରିବା ପଛରେ କାହାର ହାତ ? ପ୍ରକୃତ ଦୋଷ କାହାର, ତାହା ଜାଣିବାକୁ ଅପେକ୍ଷା...