ଅର୍ଗସ ବ୍ୟୁରୋ: କେମିତି, କେଉଁ ଉପାୟରେ, କାହାକୁ ରଖିଲେ କାମ ହୋଇପାରିବ । ସେ ଫନ୍ଦି- ଫିକର ଅତି ଭଲଭାବେ ଜଣା । ଆଇଏଏସ ଓ ଆଇପିଏସ ଅଫିସରଙ୍କ ପତ୍ନୀଙ୍କୁ ନିଯୁକ୍ତି ଦେଇ ମୋଟା ଅଙ୍କର ଟଙ୍କା ଦେଉଥିଲେ । ଫାଇଲ ଆଗକୁ କେମିତି ଯାଇପାରିବ ସେ କଳା ପ୍ରତିଷ୍ଠାତା ସାମନ୍ତ ବାବୁଙ୍କୁ ବେଶ ଭଲଭାବେ ଜଣା। ଆଉ ସେଇଥିପାଇଁ ପୂର୍ବତନ ବିଧାୟକଙ୍କ ଠାରୁ ସାଂସଦଙ୍କ ପର୍ଯ୍ୟନ୍ତ । ବୈଦେଶିକ ବ୍ୟାପାର ଅଧିକାରୀଙ୍କ ଠାରୁ ପୋଲିସ ଅଫିସରଙ୍କ ପର୍ଯ୍ୟନ୍ତ । ସମସ୍ତଙ୍କୁ ଦରମା ଦେଇ ପାଳିଛନ୍ତି ଅଚ୍ୟୁତ ସାମନ୍ତ ।

ଏ ହେଉଛନ୍ତି ନିରଞ୍ଜନ ବିଶି । ବିଜେଡିର ଆଦିବାସୀ ନେତା ବିଶି ଅଛନ୍ତି ରାଜ୍ୟସଭା ସାଂସଦ । ଅଚ୍ୟୁତ ସାମନ୍ତଙ୍କ କିସର ମଧ୍ୟ ସଭ୍ୟ ଅଛନ୍ତି ବିଶି । ସେହିପରି ଶକ୍ତି ଓ ଆଇଟି ସଚିବ ବିଶାଳ ଦେବଙ୍କ ପତ୍ନୀ ଡା. ଶ୍ରୁତି ବିଶାଲ ଦେବ ଏବେ କିଡସରେ ଜଣେ ଦାନ୍ତ ଡାକ୍ତର ଭାବେ କାମ କରୁଛନ୍ତି। ଅ‍‍ବକାରୀ କମିଶନର ତଥା ଆଇପିଏସ୍ ଅଫିସର ନରସିଂହ ଭୋଳଙ୍କ ଧର୍ମପତ୍ନୀ ଡ. ସୀମା ଗୁପ୍ତା ଭୋଳ ଏବେ କିଟ୍‌ର କଂପ୍ୟୁଟର ସାଇନ୍ସ ବିଭାଗରେ ଆସୋସିଏଟ୍ ପ୍ରଫେସର ଅଛନ୍ତି।

ଅନ୍ୟପଟେକେରଳ କ୍ୟାଡରର ଆଇପିଏସ ଅଫିସର ଥିବା କାହ୍ନୁଚରଣ ମହାଲି ଏବେ ରହିଛନ୍ତି କିସର ମହାନିର୍ଦ୍ଦେଶକ । ଇଣ୍ଟରନେସନାଲ୍ ରିଲେସନ୍ସ ଅଫିସର ବା IRO ଡିଜି ଅଛନ୍ତି ଆଇଏଫ୍ଏସ୍ ଅଫିସର ଦେବରାଜ ପ୍ରଧାନ। ଯେଉଁ ଆଇଆରଓରେ ମୃତ ନେପାଳୀ ଛାତ୍ରୀ ପୂର୍ବରୁ ଅଭିଯୋଗ କରିଆସୁଥିଲେ ସେଇଠି ମହାନିର୍ଦ୍ଦେଶକ ଭାବେ ଚାକିରି କରିଛନ୍ତି ନରୱେ ଆମ୍ବାସଡର ଥିବା ଓଡିଆ ଅଫିସର ଦେବରାଜ।ୟାଙ୍କ ନାମ ହେଉଛି ପ୍ରଦୀପ ପଟ୍ଟନାୟକ । ପୂର୍ବରୁ ଭୁବନେଶ୍ୱର କମିଶନରରେଟ ପୁଲିସରେ ଆଡିସନାଲ ଡିସିପି ରହିଥିଲେ।

ବର୍ତ୍ତମାନ କିଟ ବିଶ୍ୱବିଦ୍ୟାଳୟର ଚିଫ୍ ପ୍ରୋକଟର ବା ମୁଖ୍ୟ ଶୃଙ୍ଖଳାରକ୍ଷାକାରୀ ଅଫିସର ଭାବେ ନିଯୁକ୍ତି ପାଇଛନ୍ତି । ସେହିପରି ବାଙ୍କୀର ପୂର୍ବତନ ବିଧାୟକ ଦେବାଶିଷ ପଟ୍ଟନାୟକଙ୍କ ପତ୍ନୀ ଇପସିତା ଶତପଥୀ କିଟରେ ମ୍ୟାନେଜମେଣ୍ଟ ପ୍ରଫେସର ଥିବାବେଳେ ବିଜେଡିର ପୂର୍ବତନବିଧାୟକ ଅନୁଭବ ପଟ୍ଟନାୟକ ସିଏସ୍‌ଆର ଡାଇରେକ୍ଟର ଭାବେ କାମ କରୁଛନ୍ତି। କେବଳ ଏତିକି ନୁହେଁ ନିକଟରେ ସିବିଆଇ ରେଡ ଯୋଗୁ ପ୍ରଶାସନିକ ସେବାରୁ ଇସ୍ତଫା ଦେଇଥିବା ବିଷ୍ଣୁପଦ ସେଠୀଙ୍କ ସମ୍ପର୍କୀୟ ଏବଂ ବିଜେଡି ସରକାରରେ ପାୱାର ଫୁଲ ମିନିଷ୍ଟର ଥିବା ପ୍ରତାପ ଜେନାଙ୍କ ସମ୍ପର୍କୀୟ ମଧ୍ୟ ଅଚ୍ୟୁତଙ୍କ ସଂସ୍ଥାରେ ଚାକିରି କରିଥିବା ଚର୍ଚ୍ଚା ହେଉଛି ।

ତେଣୁ ଏମାନଙ୍କୁ ଚାକିରି ଦେଇ ଅଚ୍ୟୁତ କେଉଁ ଫାଇଦା ସବୁ ହାତଉଥିଲେ, ତାହା ଆପଣ ବିଚାର କରିବେ..

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV