ଅର୍ଗସ ବ୍ୟୁରୋ:  ନୂଆପଡ଼ା ଜିଲ୍ଲା ସିନାପାଲି ବ୍ଲକ ଘଣ୍ଟିଗୁଡ଼ା ପଞ୍ଚାୟତର ଉପାନ୍ତ କର୍ଲାପାଣି । ଫାଇଭ-ଜି ଯୁଗରେ ଏମାନଙ୍କ ପ୍ରମୁଖ ସମସ୍ୟା ହେଉଛି ନେଟୱାର୍କ l ଗାଁରେ କି ଆଖ ପାଖରେ କୌଣସି ନେଟୱାର୍କ ଆସେନି । କିଏ ଗଛ ଉପରେ ଚଢ଼ି ନେଟୱାର୍କ ଖୋଜେ ତ କିଏ ଛାତ ଉପରୁକୁ ଯାଇ ନେଟୱାର୍କ ଖୋଜେ । ଏପରି ନେଟୱାର୍କ ଖୋଜା ନିତିଦିନିଆ ଅଟେ । ଜରୁରୀ କାଳୀନ ସମୟରେ ହେଉକି ପାଠ ପଢା ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଏଠାକାର ବାସିନ୍ଦା ।

ଗାଁ ଲୋକଙ୍କ ପାଖରେ ମୋବାଇଲ ଅଛି ହେଲେ ନେଟୱାର୍କ ନାହିଁ l ଦୀର୍ଘ ବର୍ଷ ହେଲା କର୍ଲାପାଣିରେ ଟାୱାର ସ୍ଥାପନ କରି ନେଟୱାର୍କ ସୁବିଧା କରିବାକୁ ଦାବୀ ହେଲେ ବି ଫଳ ଶୂନ l ପ୍ରଶାସନ କି ନେତାଙ୍କ ନଜର ପଡୁନି l ଗାଁରେ ନେଟୱାର୍କ ସମସ୍ୟା ଯୋଗୁଁ ଗାଁରେ ଜନସେବା କେନ୍ଦ୍ର କି ଅନଲାଇନ ସେଣ୍ଟର ହୋଇ ପାରୁନି l ଫଳରେ ଅନଲାଇନ ଭଲି ବିଭିନ୍ନ କାମ ପାଇଁ ନିକଟସ୍ଥ ଗାଁ କିମ୍ବା ସିନାପାଳି ସହରକୁ ଯାଉଛନ୍ତି ଏଠାକାର ଲୋକେ l