ଅର୍ଗସ ବ୍ୟୁରୋ:  ରାଜ୍ୟ ରାଜନୀତିରେ ଏବେ ବିଜେଡି ଡ୍ରାମା ଦେଖିଲା ଭଳି । ଟିଭି ସିରିଏଲରେ ଯେମିତି ଏପିସୋଡ ସହ ଚରିତ୍ର ବଦଳିଯାଏ, ଠିକ୍‌ ସେମିତି ଏଠି ମଧ୍ୟ ନେତା ବଦଳିଯାଉଛନ୍ତି । ଶଙ୍ଖ ଭବନରେ ନାରୀ ନେତ୍ରୀଙ୍କ ଚାପୁଡ଼ା ମରା ଭିଡିଓ ଖୁବ୍‌ ଭାଇରାଲ ହେଲା । ତାପରେ ଚାପୁଡ଼ା ମାରିଥିବା ନାରୀ ନେତ୍ରୀ, ଇସ୍ପିତାଙ୍କ ନାଁରେ ଆଣିଲେ ସଙ୍ଗିନ ଅଭିଯୋଗ । କହିଲେ ସେ ମୋ ବ୍ଲାଉଜ ଝିଙ୍କିଥିଲା... ସାଢ଼ି ଚିରି ଥିଲା । ହେଲେ ଏବେ କହୁଛନ୍ତି ନା ସେମିତି କିଛି ହୋଇନି । ଥରେ ଦେଖନ୍ତୁ... ପ୍ରଥମେ କ'ଣ କହିଥିଲେ .. ଆଉ ତାପରେ କ'ଣ କହିଲେ...।

ଦେଖିଲେ ତ ? ଏବେ ପ୍ରଶ୍ନ ଉଠୁଛି ହଠାତ୍ କାହିଁକି ପରିବର୍ତ୍ତନ ? କାହିଁକି ନିଜ ମତ ବଦଳାଇଲେ ଜଣେ ନେତ୍ରୀ ? କାହା ଭୟରେ ଏମିତି କଲେ ? ଇପ୍ସିତା ମଧ୍ୟ ସବୁ ଭୁଲି କହିଲେ ଏହା ଆମ ପରିବାରର କଥା । ଆଉ ଏହାକୁ ଏକ ଦୁର୍ଘଟଣା ବୋଲି ମଧ୍ୟ କହିଲେ ।

ବିଶେଷ ସୂତ୍ରରୁ ଜଣାପଡ଼ିଛି , ପଦବୀ ଯିବା ଭୟରେ ମତ ବଦଳାଇଛନ୍ତି ଉଭୟ ନେତ୍ରୀ । ପ୍ରଥମେ ଇପ୍ସିତାଙ୍କ ଦ୍ବାରା ପୁଷ୍ପାଞ୍ଜଳି ଅପମାନିତ ହେଲେ କିନ୍ତୁ ସେନେଇ କୌଣସି ଭିଡିଓ ସାମ୍ନାକୁ ଆସିଲା ନାହିଁ । ହେଲେ ପୁଷ୍ପାଞ୍ଜଳି ଇପ୍ସିତାଙ୍କୁ ଚାପୁଡ଼ା ମରୁଥିବା ଭିଡିଓ ଖୁବ ଭାଇରାଲ ହେଲା । ତାପରେ ପୁଷ୍ପାଞ୍ଜଳି ଗଣମାଧ୍ୟମରେ ଇପ୍ସିତାଙ୍କ ଉପରେ ଖୁବ୍ ବର୍ଷିଲେ । କିନ୍ତୁ ପରେ ଉଭୟ ନେତ୍ରୀ ମନରେ ଅସନ୍ତୋଷକୁ ଚାପି କ୍ୟାମେରା ଆଗରେ କହିଲେ କିଛି ହୋଇନି । କାରଣ ଯଦି ପୁଷ୍ପାଞ୍ଜଳି ନିଜ ଜିଦ୍‌ରେ ଅଟଳ ରହିଥାନ୍ତେ ତେବେ ଇପ୍ସିତାଙ୍କ ଦଳୀୟ ମୁଖପାତ୍ର ପଦବୀ ବିପଦରେ ପଡ଼ିଥାନ୍ତା । ଯେଉଁଥିପାଇଁ ଇପ୍ସିତା ନିଜ ଆଡ଼ୁ ପୁଷ୍ପାଞ୍ଜଳିଙ୍କ ସହ କରିଥିଲେ କମ୍ପରମାଇଜ୍‌ ।

ଅଧିକ ପଢ଼ନ୍ତୁ ରାଜନୀତି ଖବର: