ଅର୍ଗସ ବ୍ୟୁରୋ:  ଆସନ୍ତାକାଲିଠାରୁ ରାଜ୍ୟରେ ପୁଣି ବର୍ଷା ନେଇ ସତର୍କ କରାଇଲେ ଆଇଏମଡି ଡିଜି । ବଙ୍ଗୋପସାଗରରେ ଲଘୁଚାପ ଯୋଗୁଁ ୨୪ ଓ ୨୫ ଦୁଇ ଦିନ ବର୍ଷା ସମ୍ଭାବନା ରହିଛି । ଆସନ୍ତା ୨୪ ଘଣ୍ଟା ମଧ୍ୟରେ ହାଲୁକା ମଧ୍ୟମ ଧରଣର ବର୍ଷା ସମ୍ଭାବନା ରହିଛି। ଗଞ୍ଜାମ, ଗଜପତି, ରାୟଗଡ଼ା, ପୁରୀ, ମାଲକାନାଗିରି, କୋରାପୁଟ, ଖୋର୍ଦ୍ଧା, ନୟାଗଡ଼, କଟକରେ ହାଲୁକା ବର୍ଷା ସମ୍ଭାବନା ରହିଛି । ଉପକୂଳ ଓଡ଼ିଶାର ଗଞ୍ଜାମ, ଜଗତସିଂହପୁର, ଗଜପତି, ରାୟଗଡ଼ା, ପୁରୀ, କଟକ, ମାଲକାନାଗିରି, କୋରାପୁଟ ଜିଲ୍ଲାରେ ହାଲୁକା ବର୍ଷା ସମ୍ଭାବନା ରହିଛି । ୨୫ ତାରିଖରେ କମିବ ବର୍ଷାର ପରିମାଣ । କେବଳ ଉପକୂଳ ଓଡ଼ିଶା ଅର୍ଥାତ୍ ଗଞ୍ଜାମ, ଗଜପତିରେ ହାଲୁକା ବର୍ଷା ହେବା ସମ୍ଭାବନା । ବର୍ତ୍ତମାନ ରାଜ୍ୟରେ ଶୀତ ଜାରି ରହିଛି । ଆଗାମୀ ୩ ଦିନ ମଧ୍ୟରେ ତାପମାତ୍ରା ୨ରୁ ୩ ଡିଗ୍ରୀ ସେଲସିୟସ କମିବ । ଏହି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର ।

ଅଦିନିଆ ବର୍ଷା ଚାଷୀଙ୍କ ମେରୁଦଣ୍ଡ ଭାଙ୍ଗିଦେଇଛି । ଚାଷୀ ଟିକେ ଅଣ୍ଟାସଳଖି ଛିଡା ହେବା ବେଳକୁ ପୁଣି ଆସୁଛି ବର୍ଷା । ନଜର ପକାନ୍ତୁ ଅଦିନିଆ ବର୍ଷାରେ ହୋଇଥିବା କ୍ଷୟକ୍ଷତି ଉପରେ । ଏ ଦୃଶ୍ୟ ଯାଜପୁରର । ପାଣିରେ ଭାସୁଛି ଏକର ଏକର ଜମିରେ ହୋଇଥିବା ପାଚିଲା ଧାନ l ବର୍ଷକର ଆହାର ଛଡେଇନେଲା ଅଦିନିଆ ବର୍ଷା l କେମିତି ଋଣ ସୁଝିବ ଓ ବର୍ଷକ ପାଇଁ ଆହାର ଯୋଗାଡ଼ କରିବ ସେଇ ଚିନ୍ତାରେ ଚାଷୀ l ରାଜ୍ୟର ଗଞ୍ଜାମ, ବୌଦ୍ଧ, ଢେଙ୍କାନାଳ
କେନ୍ଦ୍ରାପଡ଼ା, ଭଦ୍ରକ, କଟକରୁ ଆସିଛି ଏପରି ଚିତ୍ର ।

ଆଜି ଗଞ୍ଜାମ ଜିଲ୍ଲା ପୋଲସରା ନିର୍ବାଚନ ମଣ୍ଡଳୀ ବୁଗୁଡ଼ା ବ୍ଲକର, ପାଙ୍ଗିଡି, ପଙ୍କଳବାଡ଼ି ଓ ପୋଚାଲୁଣ୍ଡି ଠାରେ ଅଦିନିଆ ବର୍ଷାରେ ନଷ୍ଟ ହୋଇଥିବା ଧାନ ଫସଲ ବୁଲି ଦେଖିଛନ୍ତି ମତ୍ସ୍ୟ ଓ ପ୍ରାଣୀସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ। ଅଦିନିଆ ବର୍ଷାରେ କ୍ଷୟକ୍ଷତି ହୋଇଥିବା ପରିବାର ବର୍ଗଙ୍କୁ ଭେଟି ସମସ୍ତ ପ୍ରକାର ସହାୟତା ପ୍ରଦାନ ପାଇଁ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି।

ସେପଟେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ କହିଛନ୍ତି, ତିନି ଦିନରେ ଆସିବ ଅଦିନିଆ ବର୍ଷାରେ ଚାଷର କ୍ଷୟକ୍ଷତି ରିପୋର୍ଟ । ଏହାପରେ ୫ଦିନରେ ଚାଷୀମାନଙ୍କୁ କ୍ଷତିପୂରଣ ମିଳିବ । ଗଞ୍ଜାମ ଜିଲ୍ଲାରେ ଅଧିକ କ୍ଷତି ହେଇଚି। ଯେଉଁ ଜିଲ୍ଲାରେ ଅଧିକ କ୍ଷତି ହେଇଚି ସେହି ଜିଲ୍ଲାର ଜିଲ୍ଲାପାଳ ମାନଙ୍କୁ ନିର୍ଦ୍ଦେଶ ଦିଆଯାଇଛି ଆକଳନ ପାଇଁ।

ଅଧିକ ପଢ଼ନ୍ତୁ ଓଡିଶା ଖବର: