ଅର୍ଗସ ବ୍ୟୁରୋ: ସରକାରୀ ଯୋଜନା ଠୁ ବହୁ ଦୂରରେ ପାହାଡି ଗାଁ ଗୋଲାବେଡ଼ା l ମୌଳିକ ସୁବିଧା ରୁ ବଞ୍ଚିତ ହୋଇ ଅଭିଶାପ୍ତ ଜୀବନ କାଟୁଛନ୍ତି ଦୁର୍ଗମବାସୀ l ବାରମ୍ବାର ଅଭିଯୋଗ ସତ୍ତ୍ଵେ ପଡୁନି ପ୍ରଶାସନ କି ନେତାଙ୍କ ନଜର l ଏ ହେଉଛି ନୂଆପଡ଼ା ଜିଲ୍ଲା ସିନାପାଲି ବ୍ଲକ ନଙ୍ଗଳବୋର୍ଡ଼ ପଞ୍ଚାୟତ ଦୁର୍ଗମ ସୀମାନ୍ତ ଗୋଲାବେଡ଼ା ଗାଁ l ବିଭିନ୍ନ ମୌଳିକ ସୁବିଧା ରୁ ବଞ୍ଚିତ ହୋଇ ଅଭିଶପ୍ତ ଜୀବନ କାଟୁଛନ୍ତି ପହରିଆ ସମ୍ପ୍ରଦାୟ l ଆଜି ପର୍ଯ୍ୟନ୍ତ ଗାଁକୁ ପହଁଞ୍ଚି ପାରିନି ବିଦ୍ୟୁତ। ସୋଲାର ଭରସାରେ ରାତି କଟାଉଛନ୍ତି ଅଞ୍ଚଳବାସୀ l

ଦୁର୍ଗମ ଗୋଲାବେଡ଼ାକୁ ଯିବାକୁ ହେଲେ କାମ ଚଳା ମାଟି ରାସ୍ତା ଭରସା l ଜଙ୍ଗଲ ପାହଡ ମଧ୍ୟ ଦେଇ ଏଇ ମାଟି ରାସ୍ତାରେ ଯିବାକୁ ପଡେ। ରାସ୍ତା ର ଏନେକ ସ୍ଥାନରେ ଛୋଟ ଛୋଟ ନାଳ ରହିଛି l କିନ୍ତୁ ପୋଲ ନଥିବାରୁ ନାଳ ପାଣି ଭିତରେ ପସି ଲୋକେ ଆତଯାତ କରନ୍ତି। ପାନୀୟ ଜଳ ବ୍ୟବସ୍ଥା ନକହିଲେ ଭଲ । ଏଯାଏଁ ଗାଁକୁ ବସୁଧା ଅପହଞ୍ଚ। ସୋଲାର ଟ୍ୟାପ ଥିବା ବେଳେ ସେ ବି ଅଚଳ ଫଳରେ ପାଣି ପାଇଁ ଲୋକେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି।

ଗାଁରେ ଶିକ୍ଷାଭିତ୍ତିଭୂମି ନାହିଁ କହିଲେ ଚଳେ। ସ୍କୁଲ କି ଅଙ୍ଗନୱାଡି ନଥିବାରୁ ଶିକ୍ଷାରୁ ବଞ୍ଚିତ ସ୍ଥାନୀୟ ପିଲା l ଗାଁର ଅଧିକାଂଶ ଲୋକଙ୍କୁ ମିଳିନି ଆବାସ । ମାଟି କୁଡ଼ିଆ ଘରେ ଖରା ବର୍ଷା ଶୀତ ରେ ବହୁ କଷ୍ଟ ରେ ରହୁଛନ୍ତି ଗୋଲାବେଡ଼ା ବାସୀ l ବର୍ଷ ବର୍ଷ ଧରି ମୌଳିକ ସୁବିଧା ରୁ ବଞ୍ଚିତ ଥିବା ସୀମାନ୍ତ ଗୋଲାବେଡ଼ା ବାସୀଙ୍କ ବିଭିନ୍ନ ସମସ୍ୟା ପ୍ରତି ଜିଲ୍ଲାପ୍ରଶାସନ ଦୃଷ୍ଟି ଦେବା ଜରୁରୀ ହୋଇ ପଡିଛି l