କଟକ: ପିଏମ ଉସା ଯୋଜନାରେ ରାଜ୍ୟର ୪ଟି ବିଶ୍ଵବିଦ୍ୟାଳୟ ମଧ୍ୟରେ କଟକର ଐତିହାସିକ ରେଭେନ୍ସା ବିଶ୍ଵବିଦ୍ୟାଳୟକୁ କେନ୍ଦ୍ର ସରକାର ଦେଲେ ୧୦୦ କୋଟି ଟଙ୍କାର ଅନୁଦାନ । କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅନୁମତି କ୍ରମେ ଏହି ୧୦୦ କୋଟି ଟଙ୍କାର ଅନୁଦାନ ରେଭେନ୍ସା ବିଶ୍ୱବିଦ୍ୟାଳୟକୁ ଦିଆଯାଇଛି । ଯାହାକୁ ନେଇ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କୃତଜ୍ଞତା ଜଣେଇଛନ୍ତି ରେଭେନ୍ସାର ପୁରାତନ ଛାତ୍ର ।

ପିଏମ ଉସା ଯୋଜନାରେ ରେଭେନ୍ସା ବିଶ୍ଵବିଦ୍ୟାଳୟକୁ ୧୦୦ କୋଟି ଟଙ୍କାର ଅନୁଦାନ ମିଳିଛି । ଏହା ଦ୍ବାରା ରେଭେନ୍ସା ଭିତ୍ତିଭୂମିର ବିକାଶ ହେବ । ଅନେକ ପ୍ରକଳ୍ପ କାର୍ଯ୍ୟ କରାଯିବ । କ୍ୟାମ୍ପସର ସମ୍ପୂର୍ଣ୍ଣ ନବୀକରଣ କରାଯିବ । ମଲ୍ଟି ଷ୍ଟୋରେଡ ବିଲଡିଂ ନିର୍ମାଣ କରାଯିବ । ବିଜ୍ଞାନ, ବାଣିଜ୍ୟ ଓ କଳା ବିଭାଗ ଗବେଷଣା ପାଇଁ ଉପକରଣ କିଣାଯିବ । ଛାତ୍ରଛାତ୍ରୀଙ୍କ ବିଭିନ୍ନ Orientation କାର୍ଯ୍ୟକ୍ରମ ପାଇଁ ୫୨ ଟି ପ୍ରସ୍ତାବ ମଧ୍ୟ ଦିଆଯାଇଛି ।

ରେଭେନସା ୟୁନିଭରସିଟି ସହ ବାରିପଦାର ମହାରାଜା ଶ୍ରୀରାମ ଚନ୍ଦ୍ର ଭଞ୍ଜ ଦେଓ ୟୁନିଭରସିଟି, ସମ୍ବଲପୁର ୟୁନିଭରସିଟି ଓ ବ୍ରହ୍ମପୁର ୟୁନିଭରସିଟିକୁ ପିଏମ ଉଷାରେ ଆସିଛି 100 କୋଟି ଲେଖାଁଏ ଅର୍ଥ । ପିଏମ ଉଷାରେ ଏହି ଅର୍ଥ ଆସିବା ପରେ ଏ ହେଉଛି କ୍ୟାମ୍ପସର ଚିତ୍ର... ଉଭୟ ଛାତ୍ର ଛାତ୍ରୀ ଓ ପ୍ରଫେସରଙ୍କ ଭିତରେ ଉତ୍ସାହ ଭରିଯାଇଛି।