ମାଟି ତଳୁ ମିଳିବ ସତ, ପୋତି ହୋଇ ରହିଛି ୧୦ ହଜାର ବର୍ଷ ତଳର ସହର। ସମ୍ବଲପୁର ଜିଲ୍ଲା ରେଢ଼ାଖୋଲ ମାଟିତଳେ ରହିଛି ଦଶ ହଜାର ବର୍ଷ ପୁରୁଣା ସଭ୍ୟତା l ଯାହାକୁ ନେଇ ଖୁବ ଶୀଘ୍ର ଆରମ୍ଭ ହେବ ଖନନ କାର୍ଯ୍ୟ l ଏହି ଖନନ ଦ୍ୱାରା ପୁରୁଣା ଜନଵସତି ର ପ୍ରମାଣ ସହ ଲୌହ ଯୁଗର ସଭ୍ୟତା ର ଅନେକ ପ୍ରମାଣ ମିଳିବ ଏହି ସ୍ଥାନରେ l ଏହି ଖନନ କୁ ନେଇ କେନ୍ଦ୍ର ସରକାର ଅନୁମତି ମଧ୍ୟ ପ୍ରଦାନ କରିଛନ୍ତି l

ରେଢ଼ାଖୋଲ ସହର ଠାରୁ ମାତ୍ର 3 କିଲୋମିଟର ଦୂରରେ ଥିବା ପୁରୁଣାଗଡ଼ ଗାଁ। ଗାଁର ମାଟିତଳେ ମିଳିଛି ଅନେକ ପୁରୁଣା ସାମଗ୍ରୀl ଯାହା ଦୁଇ ହଜାର ବର୍ଷ ପୁରୁଣା ବୋଲି ଜଣା ପଡିଛି l ସେ ସମୟରେ ବ୍ୟବହାର କରୁଥିବା ପୁରୁଣା ମାଟି ପାତ୍ର, ଲୌହର ମଳ ଭଳି ଅନେକ ସାମଗ୍ରୀ ମିଳିଛି l ଯାହା ଫଳରେ ଭାତରର ପ୍ରତ୍ନତତ୍ୱ ସର୍ବେକ୍ଷଣ ବିଭାଗ ପକ୍ଷରୁ ଖନନ ପାଇଁ ଅନୁମତି ସାରିଛି l ଯାହାକୁ ଖୁବ ଶୀଘ୍ର ସମ୍ବଲପୁର ଗଙ୍ଗାଧର ମେହେର ବିଶ୍ୱ ବିଦ୍ୟାଳୟର ଇତିହାସ ବିଭାଗ ର ତତ୍ୱାବଧାନରେ ହେବ ଖନନ କାର୍ଯ୍ୟ। ଏହି ଉତଖନନରେ ଓଡିଶା ଓ ଭାରତର ବିଭିନ୍ନ ବିଶ୍ୱ ବିଦ୍ୟାଳୟ ର ଛାତ୍ର ଛାତ୍ରୀ ମାନେ ଆସି ସହଯୋଗ କରିବେ l ଏହା ଦ୍ୱାରା ଦଶ ହଜାର ବର୍ଷ ର ପ୍ରାଚୀନ ଜନବସତିର ପ୍ରମାଣ ସହ କିପରି ପରମ୍ପରା ଗତ ଜ୍ଞାନ କୌଶଳ ରେ ଲୁହା ବ୍ୟବହାର କରୁଥିଲେ ତାହାର ପ୍ରମାଣ ମିଳିବ ବୋଲି କହିଛନ୍ତି ଗଙ୍ଗାଧର ମେହେର ବିଶ୍ୱ ବିଦ୍ୟାଳୟର ଉତଖନନ ନିର୍ଦେଶକ ଡ଼. ଅତୁଲ କୁମାର ପ୍ରଧାନ ।

ରେଢ଼ାଖୋଲ ଉପଖଣ୍ଡର ଭୀମମଣ୍ଡଳୀ ସ୍ଥିତ ପାହାଡ଼ ଗୁମ୍ଫା। ଏହି ଗୁମ୍ଫାରେ ପ୍ରସ୍ତର ଯୁଗର ସଭ୍ୟତା ଛାପ ଥିବା ବେଳେ ଏହି ଅଂଚଳ ର ପୁରୁଣାଗଡ଼ ପୁଣି ଥରେ ଏକ ନୂତନ ସଭ୍ୟତା ସହ ତାଙ୍କ ର ଜ୍ଞାନ କୌଶଳ ଉପରେ ଏକ ନୂତନ ଇତିହାସ ସୃଷ୍ଟି କରିବ l ଏଥିପାଇଁ ଏଥି ପାଇଁ ସ୍ଥାନୀୟ ବାସିନ୍ଦା ଖୁସି ପ୍ରକଟ କରିଥିବା ବେଳେ ସହଯୋଗ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି l

ଏହି ଆବିଷ୍କାର ଓଡ଼ିଶାର ପ୍ରତ୍ନତତ୍ତ୍ୱ ମାନଚିତ୍ରରେ ଏକ ନୂଆ ଅଧ୍ୟାୟ ଯୋଡ଼ିବା ସହ ଏହି ଅଞ୍ଚଳର ପ୍ରାଚୀନ ଇତିହାସକୁ ବିଶ୍ୱ ଦରବାରରେ ପହଞ୍ଚାଇବାରେ ସାହାଯ୍ୟ କରିବ।