ଆକାଂକ୍ଷୀ ବ୍ଲକ ଭାବେ ସାମିଲ ହେଲେ ଆଉ 11 ବ୍ଲକ । ଏପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଧନ୍ୟବାଦ ଦେଲେ ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକ । ଓଡ଼ିଶାର ବିକାଶ କ୍ଷେତ୍ରରେ ବିଗତ ସରକାର ସମୟରେ ଆଞ୍ଚଳିକ ବୈଷମ୍ୟ କଥା ଆଲୋଚନା ହେଉଥିଲା । କିନ୍ତୁ ଏବେ ଡବଲ ଇଞ୍ଜିନ ସରକାରଙ୍କ ନିଷ୍ପତିକୁ ଓଡ଼ିଶାବାସୀ ସ୍ଵୀକାର କରିବେ ।

11ଟି ବ୍ଲକ ବିଭିନ୍ନ କ୍ଷେତ୍ରରେ ଉନ୍ନତି କରିବ । ପୂର୍ବ ସରକାର ସମୟରେ ନୀତି ଆୟୋଗକୁ ଅଣଦେଖା କରାଯାଉଥିଲା । ନୀତି ଆୟୋଗ ସହ ବିଗତ ସରକାରଙ୍କ ସମ୍ପର୍କ ନଥିଲା । ତେଣୁ ଏବେ ନୀତି ଆୟୋଗଙ୍କ ବ୍ୟବସ୍ଥା ଭିତରେ ଅଧିକ ଆକାଂକ୍ଷୀ ବ୍ଲକ ହେବା ଦ୍ବାରା ବିକାଶ କ୍ଷେତ୍ରରେ ମିଳିବ ଅଧିକ ସୁବିଧା । ଆମ ରାଜ୍ୟ କେମିତି ଆଗକୁ ଯିବ, କେମିତି ବିକାଶ ହେବ ସେନେଇ ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କ ବଡ଼ ପ୍ରୟାସ।