ମୁଣ୍ଡଳୀରେ ଛିଣ୍ଡି ପଡିଛି 11kv ତାର, ଛାନିଆ ଲୋକେ

ମୁଣ୍ଡୁଳୀରେ ଛିଣ୍ଡିଲା 11kv ତାର । ବାଙ୍କୀ ମୁଣ୍ଡଳୀ ବ୍ୟାରେଜ ଠାରେ ମହାନଦୀ ଉପର ଦେଇ ଆଠଗଡ଼ ପଟୁ ଭୁବନେଶ୍ୱରକୁ ଆସିଥିବା 11kv ତାର ଗୁଡିକ ମଧ୍ୟରୁ କିଛି ତାର ଛିଡି ପାଣି ମଧ୍ୟରେ ପଡ଼ିଛି । ଫଳରେ ଭୟଭିତରେ ଅଛନ୍ତି ସ୍ଥାନୀୟ ଲୋକେ । ଖବର ପାଇ ଘଟଣାସ୍ଥଳରେ ପହଞ୍ଚିଛି ବିଦ୍ୟୁତ ବିଭାଗ, ଓଡ୍ରାଫ, ସ୍ଥାନୀୟ ପ୍ରଶାସନିକ ଅଧିକାରୀ।

ଧିବରମାନଙ୍କୁ ନଦୀ ଭିତରକୁ ମାଛ ମାରିବାକୁ କେହି ନଯିବାକୁ ପ୍ରଶାସନ ପକ୍ଷରୁ ବାରଣ କରାଯାଇଛି । ବିଦ୍ୟୁତ ସଂଯୋଗ କଟା ଯାଇ ବିଦ୍ୟୁତ ବିଭାଗ କର୍ମଚାରୀ ଓଡ୍ରାଫ ଟିମ୍ ସହ ବୋଟରେ ମହାନଦୀ ମଝିକୁ ଯାଇ ଛିଡି ଯାଇଥିବା ଇଲେକ୍ଟ୍ରିକ ତାର ଗୁଡିକୁ ସଂଯୋଗ କରିବା ପାଇଁ ଲାଗିପଡିଛନ୍ତି । ଏପର୍ଯ୍ୟନ୍ତ କୌଣସି କ୍ଷୟକ୍ଷତିର ସୂଚନା ନାହିଁ ।