କାକଟପୁର: ନିଆଁ ଆଁରେ ଜଳିଗଲା ୧୩ରୁ ଅଧିକ ଦୋକାନ । କୋଣାର୍କ ସୂର୍ଯ୍ୟ ମନ୍ଦିର ସାମ୍ନାରେ ଥିବା ଏକାଧିକ ଦୋକାନ ଜଳି ଯାଇଛି । ବିଳମ୍ବିତ ରାତିରେ ବାଉଁଶ ଜରିପାଲରେ ବନ୍ଧା ଅସ୍ଥାୟୀ ଦୋକାନ ଗୁଡ଼ିକରେ ନିଆଁ ଲାଗି ଯାଇଥିଲା ।

ଦୋକାନ ଗୁଡ଼ିକ ଲାଗି ଲାଗି ରହିଥିବାରୁ ଗୋଟିଏ ପରେ ଗୋଟିଏ ହସ୍ତଶିଳ୍ପ ଦୋକାନକୁ ନିଆଁ ବ୍ୟାପି ଯାଇଥିଲା । ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ପୋଡ଼ି ନଷ୍ଟ ହୋଇ ଯାଇଛି । ଅଗ୍ନିଶମ ବାହିନୀ ପହଞ୍ଚି ରାତି ୧ରୁ ସକାଳ ଯାଏଁ ନିଆଁ ଲିଭାଇଥିଲା ।

ତେବେ ନିଆଁ କେମିତି ଲାଗିଲା ତାର କାରଣ ଏ ଯାଏଁ ଜଣାପଡ଼ିନି । ହସ୍ତଶିଳ୍ପ ଦୋକାନ ସହ କିଛି ଜଳଖିଆ ଦୋକାନ ମଧ୍ୟ ଜଳି ଯାଇଛି ।