ପର୍ଯ୍ୟଟନ ନଗରୀକୁ ଟ୍ରାଫିକ ଚିନ୍ତା । ଭିଡରେ ଅଣ ନିଶ୍ୱାସୀ ପୁରୀବାସୀ, ପର୍ଯ୍ୟଟକ ଓ ଭକ୍ତ । ବଡଦାଣ୍ଡରେ ଦୁର୍ଘଟଣା ପରେ ପୋଲିସର ଚିନ୍ତା ବଢ଼ିଛି । ଅତିରିକ୍ତ ଏସପିଙ୍କ ନେତୃତ୍ୱରେ ସହରରେ ଟ୍ରାଫିକ ସମୀକ୍ଷା ହୋଇଛି । ନିଷ୍ପତ୍ତି ଅନୁସାରେ ଲାଗିବ ରମ୍ବଲର, ବଢ଼ିବ ଟ୍ରାଫିକ ପୋଷ୍ଟ । ରିପୋର୍ଟ ଅନୁସାରେ ପୁରା ଜିଲ୍ଲାରେ ଗତ ଦୁଇ ବର୍ଷରେ ସଡ଼କ ଦୁର୍ଘଟଣାରେ ଯାଇଛି ୩୪୦ ଜୀବନ ।

ପର୍ଯ୍ୟଟନ ନଗରୀକୁ ଟ୍ରାଫିକ ଚିନ୍ତା । ଟ୍ରାଫିକ ଭିଡରେ ଅଣ ନିଶ୍ବାସୀ ଭକ୍ତ ଓ ପର୍ଯ୍ୟଟକ । ଅତିରିକ୍ତ ଏସପି ରାଙ୍କର ଅଧିକାରୀ କରୁଛନ୍ତି ଟ୍ରାଫିକ ସମୀକ୍ଷା। ନୂଆ ନିଷ୍ପତ୍ତି ଅନୁସାରେ ବଢିବ ଟ୍ରାଫିକ ପୋଷ୍ଟ, ଲାଗିବ ରମ୍ବଲର । ଗତ ଦୁଇ ତାରିଖରେ ବଡ଼ଦାଣ୍ଡରେ ଘଟିଥିବା ଅଘଟଣା ପରେ ବଢ଼ିଛି ପୋଲିସର ଚିନ୍ତା ।

ଏକ ନାବାଳକକୁ ଦୁଇ ଚକିଆ ଗାଡ଼ିରେ ବସାଇ ନେବା ବେଳେ ଜେଜେ ଓ ନାତି ଉଭୟଙ୍କୁ ଘୋଷାରି ନେଇଥିଲା ବୋଲେରୋ ଗାଡ଼ି । ଦିନକୁ ଦିନ ସହରରେ ଭିଡ ବଢୁଥିବା ବେଳେ ଟ୍ରାଫିକ ସୁପରିଚାଳନା ପୋଲିସ ପାଇଁ ମୁଣ୍ଡ ବିନ୍ଧା ବଢାଇଛି । ଅତିରିକ୍ତ ଏସପିଙ୍କ ନେତୃତ୍ୱରେ ଚାଲିଛି ସହରରେ ଟ୍ରାଫିକ ସମୀକ୍ଷା । ସହରରେ ବିଭିନ୍ନ ସ୍ଥାନରେ ଟ୍ରାଫିକ ପୋଷ୍ଟ ନଥିବା ବେଳେ ସ୍ପିଡ୍ ବ୍ରେକର ବା ରମ୍ବଲର ମଧ୍ୟ ନାହିଁ । ଏଥିପାଇଁ ଅଣ୍ଟା ଭିଡିଛି ପୋଲିସ ।

ପୁରୀରେ ଯେତିକି ପର୍ଯ୍ୟଟକ ବଢିଛନ୍ତି, ଗାଡ଼ି ସଂଖ୍ୟା ମଧ୍ୟ ସେହି ଅନୁପାତରେ ବଢ଼ିଛି । ୨୦୨୩ ସୁଦ୍ଧା ପୁରୀରେ ଗଡୁଛି ୨ ଲକ୍ଷ ୧୭ ହଜାର ୫୬୦ ଗାଡ଼ି । କେବଳ ଅଟୋ ସଂଖ୍ୟା ୫୨୧୪ ରହିଛି । ୨ ଲକ୍ଷ ୩ ହଜାର ୩ ଶହ ୭୮ ମଟର ସାଇକେଲ ମଧ୍ୟ ଗଡୁଛି । ଦୁଇ ବର୍ଷରେ ଯାଇଛି ୩୪୦ ମୁଣ୍ଡ । ୨୦୨୩ ରେ ୧୬୯ ଓ ୨୦୨୪ ରେ ୧୭୧ ମୁଣ୍ଡ ଦୁର୍ଘଟଣାରେ ଯାଇଛି। ୨୦୨୪ ରେ ୫୫୮ ଦୁର୍ଘଟଣା କେସ ରହିଥିବା ବେଳେ ୨୦୨୩ ରେ ରହିଥିଲା ୫୧୬ । ୨୦୨୫ରେ ଦୁର୍ଘଟଣାରେ ଯାଇଛି ୧୫୭ ଜଣଙ୍କ ଜୀବନ । ପୁରୀର ଦିଗବାରେଣି, ବଡଶଙ୍ଖ, ବଳଗଣ୍ଡି, ଷ୍ଟେସନ୍ ଛକ ଭଳି ଗହଳି ସ୍ଥାନରେ ଟ୍ରାଫିକ ନିୟନ୍ତ୍ରଣ ପାଇଁ ନଜରରେ ରଖିଛି ପୋଲିସ୍ ।