ପଦ୍ମପୁର ଗନ୍ଧମାର୍ଦ୍ଦନ ପାହାଡ଼ରେ ରାତିସାରା ଫସିଥିବା ଛତିଶଗଡ଼ର ୧୭ ପର୍ଯ୍ୟଟକ ହେଲେ ଉଦ୍ଧାର । ପ୍ରବଳ ବର୍ଷା ଯୋଗୁଁ ଗତକାଲିଠୁ ପର୍ଯ୍ୟଟକ ମାନେ ଫସି ରହିଥିଲେ । ଆଜି ଭୋରୁ ପାହାଡ଼ର ହିଲଟପରୁ ପର୍ଯ୍ୟଟକମାନଙ୍କୁ ଉଦ୍ଧାର କରାଯାଇଛି । ଗତକାଲିଠୁ ଅନୁସନ୍ଧାନ ଜାରି ରଖିଥିଲେ ଡିଭିଏଫ୍, ଦମକଳ ବାହିନୀ, ପୋଲିସ ଓ ଫରେଷ୍ଟ ବିଭାଗ । ଗତକାଲି ସକାଳ ୧୦ଟାରୁ ନୃସିଂହନାଥରୁ ହରିଶଙ୍କର ଯାଉଥିଲାବେଳେ ପର୍ଯ୍ୟଟକମାନେ ରାସ୍ତା ଭଟକି ଯାଇଥିଲେ । ରାତିରେ ପ୍ରବଳ ବର୍ଷା ଯୋଗୁଁ ପାହାଡ଼ରେ ଫସି ରାତିସାରା ହିଲଟପରେ ବିତାଇଥିଲେ । ପର୍ଯ୍ୟଟକଙ୍କ ମଧ୍ୟରେ ଶିଶୁ, ମହିଳା ଓ ପୁରୁଷ ରହିଛନ୍ତି ।