ଉଦ୍ଧାର ହେଲେ ପଦ୍ମପୁର ଗନ୍ଧମାର୍ଦ୍ଦନ ପାହାଡ଼ରେ ରାତିସାରା ଫସିଥିବା ଛତିଶଗଡ଼ର ୧୭ ପର୍ଯ୍ୟଟକ । ପ୍ରବଳ ବର୍ଷା ଯୋଗୁଁ ଗତକାଲିଠୁ ପାହାଡ଼ ଉପରେ ଫସିଥିଲେ ୩ ଶିଶୁଙ୍କ ସମେତ ୧୭ ଛତିଶଗଡ଼ି ପର୍ଯ୍ୟଟକ । ଆଜି ଭୋରୁ ପାହାଡ଼ର ହିଲ୍ ଟପରୁ ପର୍ଯ୍ୟଟକମାନଙ୍କୁ କରାଯାଇଛି ଉଦ୍ଧାର । ଗତକାଲିଠୁ ଅନୁସନ୍ଧାନ ଜାରି ରଖିଥିଲେ ଡିଭିଏଫ୍, ଦମକଳ ବାହିନୀ, ପୋଲିସ ଓ ଫରେଷ୍ଟ ବିଭାଗ । ବୁଧବାର ସକାଳ ୧୦ଟା.... ପର୍ଯ୍ୟଟକମାନେ ହରିଶଙ୍କର ପଟୁ ପାହାଡ଼ ଚଢ଼ି ନୃସିଂହନାଥ ଆସୁଥିଲେ । ବାଟରେ ରାସ୍ତା ଭୁଲି ଯାଇ ନୃସିଂହନାଥ ଠାରୁ ୫ କିମି ଦୂର କପିଳଧାରା ଜଳପ୍ରପାତଠାରୁ ପ୍ରାୟ ଦେଢ଼ କିଲୋମିଟର ଦୂରରେ ଫସି ରହିଥିଲେ। ରାତିରେ ପ୍ରବଳ ବର୍ଷା ଯୋଗୁଁ ପାହାଡ଼ରେ ଫସି ହିଲଟପରେ ବିତାଇଥିଲେ ସାରାରାତି ।

ଫରେଷ୍ଟ ରେଞ୍ଜରଙ୍କ ନେତୃତ୍ୱରେ ଉଦ୍ଧାରକାରୀ ଦଳ ସେମାନଙ୍କୁ ଉଦ୍ଧାର କରି ତଳକୁ ଆଣିଛନ୍ତି । ଗତକାଲି ରାତିରେ ସୂଚନା ପାଇବା ପରେ ରେସ୍କ୍ୟୁ ଅପରେସନ୍ ଆରମ୍ଭ କରିଥିଲା ସ୍ବତନ୍ତ୍ର ଟିମ୍ । ପୋଲିସ, ଅଗ୍ନିଶମ ବାହିନୀ ସହ ମନ୍ଦିର କର୍ମଚାରୀଙ୍କର ଏକ ୪୦ ଜଣିଆ ଟିମ୍ ପର୍ଯ୍ୟଟକଙ୍କ ମୋବାଇଲ ଲୋକେସନ୍ ଟ୍ରାକ୍ କରି ସେମାନଙ୍କ ପାଖରେ ପହଞ୍ଚି ଉଦ୍ଧାର କରିବାରେ ସଫଳ ହୋଇଥିଲେ । ଘଟଣାସ୍ଥଳରେ କେନ୍ଦ୍ରାଞ୍ଚଳ ଆଇଜି ହିମାଂଶୁ ଲାଲ ଓ ଏସପି ପ୍ରହଲ୍ଲାଦ ସାଇ ମୀନା ପହଞ୍ଚି କରିଥିଲେ ସ୍ଥିତି ଅନୁଧ୍ୟାନ ।

ଉଦ୍ଧାର ପରେ ସମସ୍ତ ପର୍ଯ୍ୟଟକଙ୍କ କରାଯାଇଛି ସ୍ବାସ୍ଥ୍ୟ ପରୀକ୍ଷା । ପରେ ସମସ୍ତଙ୍କୁ ଘରକୁ ପଠାଯିବା ନେଇ ସୂଚନା ମିଳିଛି ।