ଅର୍ଗସ ବ୍ୟୁରୋ: ରାଜ୍ୟରେ ଡାକ୍ତର ମରୁଡି । ଖାଲି ପଡିଛି 1 ହଜାର 114 ସ୍ପେଶାଲିଷ୍ଟ ଡାକ୍ତର ଓ 5 ହଜାର 14 ଡାକ୍ତର ପଦବୀ। 30ଟି ଜିଲ୍ଲାର 375ଟି ସିଏଚସିରେ ଖାଲି ପଡିଛି ପଦବୀ । ଗଞ୍ଜାମରେ ସର୍ବାଧିକ 450 ଟି ଡାକ୍ତର ପଦବୀ ଖାଲି ପଡିଛି । ସେହିପରି ମୟୁରଭଞ୍ଜରେ 309, ଖୋର୍ଦ୍ଧାରେ 12 ଓ କଟକରେ 281ଟି ପଦବୀ ଖାଲି ରହିଛି । 

ସେହିପରି ସ୍ପେଶାଲ ଡାକ୍ତର ପଦବୀରେ ମୟୁରଭଞ୍ଜ ଓ ଗଞ୍ଜାମରେ ସଂଖ୍ୟା ସର୍ବାଧିକ ରହିଛି । ମୟୁରଭଞ୍ଜ ଓ ଗଞ୍ଜାମରେ 87, ଖୋର୍ଦ୍ଧାରେ 29, କଟକରେ 43ଟି ଡାକ୍ତର ପଦବୀ ଖାଲି ପଡିଛି । ଗୃହରେ ବିଜେଡି ବିଧାୟକ ପ୍ରଶାନ୍ତ ବେହେରାଙ୍କ ପ୍ରଶ୍ନରେ ଉତ୍ତର ରଖିଛନ୍ତି ସ୍ୱାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ ।

ସେପଟେ ଦୀର୍ଘ ଦିନ ଧରି ଛୁଟିରେ ଥିବା ଡାକ୍ତରଙ୍କ ଉପରେ ସରକାରଙ୍କ ଛାଟ । 196 ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବେ ସରକାର । ସରକାରୀ ନିୟମ ଅନୁସାରେ ବିହିତ କାର୍ଯ୍ୟାନୁଷ୍ଠାନ କରିବେ ସରକାର । ବିଭିନ୍ନ କ୍ୟାଡରର 196 ଡାକ୍ତର ବିଭିନ୍ନ କାରଣ ଦର୍ଶାଇ ଦୀର୍ଘଦିନ ଛୁଟିରେ ଅଛନ୍ତି ।