ଅଗର୍ସ ବ୍ୟରୋ :ଯୁକ୍ତ ଦୁଇ ପାଇଁ ପ୍ରଥମ କଟ୍ ଅଫ୍ ମାର୍କ ପ୍ରକାଶ ପାଇଛି। ଚଳିତ ବର୍ଷ କଳା, ବିଜ୍ଞାନ ଓ ବାଣିଜ୍ୟରେ ରେଭେନ୍ସା ଶୀର୍ଷରେ ରହିଥିବା ବେଳେ ବାଣିଜ୍ୟରେ ରେଭେନ୍ସା ଓ ରାଉରକେଲା ଏଚଏସଏସ ମିଳିତ ଭାବେ ରହିଛନ୍ତି ଶୀର୍ଷରେ । ରେଭେନ୍ସା ଜୁନିୟର କଲେଜରେ ବିଜ୍ଞାନରେ ୯୧.୫୦ପ୍ରତିଶତ କଟ୍ ଅଫ୍ ମାର୍କ ଥିବା ବେଳେ କଳାରେ ୭୫.୧୭ ଓ ବାଣିଜ୍ୟ ୭୭% ରହିଛି। ସେହିପରି ବିଜେବି କଲେଜରେ ବିଜ୍ଞାନରେ ୮୭% କଟ୍ ଅଫ୍ ମାର୍କ ଥିବା ବେଳେ କଳାରେ ୭୨% ଓ ବାଣିଜ୍ୟ ୭୦ ପ୍ରତିଶତ ରହିଛି।

ଅଗଷ୍ଟ ପହିଲାରୁ ପାଠପଢ଼ା ଆରମ୍ଭ ହେବ। ୨୦୨୪-୨୫ ଶିକ୍ଷା ବର୍ଷ ପାଇଁ ମୋଟ ୪ ଲକ୍ଷ ୭୬ ହଜାର ୯୩ ଜଣ ଆବେଦନ କରିଥିଲେ। ସେମାନଙ୍କ ମଧ୍ୟରୁ ୪ ଲକ୍ଷ ୨୬ ହଜାର ୪୭୨ ଜଣଙ୍କ ନାଁ ମେଧା ତାଲିକାରେ ପ୍ରକାଶ ପାଇଛି। ତେବେ ୪୯ ହଜାର ୬୧୧ ଜଣ ମେଧା ତାଲିକାରୁ ବାଦ ପଡ଼ିଛନ୍ତି। କଳାରେ ୨ ଲକ୍ଷ ୭୧ ହଜାର ୪୯୨, ବିଜ୍ଞାନରେ ୧ ଲକ୍ଷ ୧୭ ହଜାର ୨୭୩ ଜଣ ଓ ବାଣିଜ୍ୟରେ ୨୪ ହଜାର ୩୫୪ ଜଣ ମନୋନୀତ ହୋଇଛନ୍ତି। ଅଗଷ୍ଟ ପହିଲାରୁ  ଆରମ୍ଭ ହେବ ପାଠପଢ଼ା।