ଦେବଗଡ କୁଣ୍ଢେଇଗୋଳା ଥାନା ତଲେଇସର ନିକଟ ରେଙ୍ଗାଳି ଜଳଭଣ୍ଡାରରେ ଅଘଟଣ । ଡଙ୍ଗା ବୁଡ଼ି ଦୁଇ ପୁଅଙ୍କର ମୃତ୍ୟୁ ହୋଇଥିବାବେଳେ ମା' ନିଖୋଜ ଥିବା ଜଣାପଡିଛି । ସେପଟେ ଅଳ୍ପକେ ବର୍ତ୍ତିଯାଇଛନ୍ତି ବାପା । ଜଳଭଣ୍ଡାର ଭିତରକୁ ମାଛ ମାରି ଯାଇଥିବା ବେଳେ ଅଘଟଣ ଘଟିଛି । ଦୁଇ ନାବାଳକ ପୁଅ ସହ ବାପା ଓ ମା' ମାଛ ମାରିବାକୁ ଯାଇଥିବା ବେଳେ ବୁଡ଼ିଗଲା ଡଙ୍ଗା । ଦୁଇ ନାବାଳକ ପୁଅର ମୃତ ଦେହ ଉଦ୍ଧାର ହୋଇଥିବାବେଳେ ଏବେ ବି ନିଖୋଜ ମହିଳାଙ୍କ ଉଦ୍ଧାର କାର୍ଯ୍ୟ ଜାରି ରହିଛି ।

ମାଛ ମାରିବାକୁ ଯାଇ ଗୋଟିଏ ପରିବାର ଛାରଖାର ହୋଇଥିବା ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ଦେଖିବାକୁ ମିଳିଛି । ଜଳଭଣ୍ଡାର ନିକଟରେ ଅନେକ ଲୋକ ରୁଣ୍ଢ ହୋଇଥିବା ଦେଖିବାକୁ ମିଳିଛି ।