ଗାଧୋଇବା ବେଳେ ଅଘଟଣ , ପାଣିରେ ବୁଡି ୨ ଛାତ୍ର ମୃତ
ଚମ୍ପୁଆ ଥାନା ସରେଇ ଗାଁ ନିକଟ କେଶରୀକୁଣ୍ଡ ବୈତରଣୀ ନଦୀରେ ଅଘଟଣ । ଆଠ ଜଣ ଛାତ୍ର ଆଜି ସାଙ୍ଗହୋଇ ନଦୀକୁ ଗାଧୋଇ ବାକୁ ଯାଇଥିବା ବେଳେ ଦୁଇ ଛାତ୍ର ପାଣିରେ ବୁଡ଼ି ମୃତ୍ୟୁ ବରଣ କରିଛନ୍ତି । ମୃତକ ମଧ୍ୟରୁ ଜଣେ ଚମ୍ପୁଆ କେରଲା ଇଂଲିଶ ମିଡିୟମ ସ୍କୁଲର ୧୦ମ ଶ୍ରେଣୀ ଛାତ୍ର ନୀତିଶ ପୋଦାର । ଅନ୍ୟଜଣେ ବଡବିଲର ପ୍ରିତମ ମହାନ୍ତ । ସୂଚନା ଅନୁସାରେ ଏମାନେ ଚମ୍ପୁଆ ରାମଲା ସ୍ଥିତ ଏକ ମେସରେ ରହି ପାଠ ପଢୁଥିଲେ । ଆଜି ଗୁଡ୍ ଫ୍ରାଇଡେ ପାଇଁ ସ୍କୁଲ ଛୁଟି ରହିଥିବାବେଳେ, ଏମାନେ ସାଙ୍ଗହୋଇ କେଶାରୀକୁଣ୍ଡ ଯାଇଥିଲେ ।
ତେବେ ସେଠାରେ ବୈତରଣୀରେ ଗାଧୋଇବାବେଳେ, ଏହି ଦୁଃଖଦ ଘଟଣା ଘଟିଥିଲା । ୩ ଜଣ ସାଙ୍ଗ ପାଣିରେ ବୁଡ଼ି ଯାଉଥିଲା ବେଳେ, ଜଣେ ମୃତ୍ୟୁ ମୁଖରୁ ବଞ୍ଚିଯାଇଥିଲେ । ତାଙ୍କୁ ଅନ୍ୟ ସାଙ୍ଗମାନେ ଉଦ୍ଧାର କରିଥିଲେ । ପରେ ଅନ୍ୟ ଦୁଇଜଣଙ୍କୁ ଉଦ୍ଧାର କରି ଚମ୍ପୁଆ ମେଡିକାଲ କୁ ନିଆଯାଇଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ଏମାନକୁଂ ଚମ୍ପୁଆ ଡାକ୍ତର ଖାନା ଅଣାଯାଇଥିଲା l ଖବର ପାଇ ପରିବାର ଲେlକ ଚମ୍ପୁଆ ଡାକ୍ତର ଖାନାରେ ପହଞ୍ଚି ଥବା ବେଳେ ଡାକ୍ତର ଖାନା ପରିସରରେ ଶେlକାକୁଳ ପରିବେଶ ସୣଷ୍ଟି ହେଇଛି ।
