ପୁଣି ଜଗନ୍ନାଥଙ୍କୁ ଅସମ୍ମାନ। କଇଁଛ ପିଠିରେ ଜଗନ୍ନାଥଙ୍କ ଚିତ୍ର ଆଙ୍କି ପୋଖରୀରେ ଛାଡ଼ିବା ଘଟଣାରେ ୨ଜଣ ଯୁବକ ଗିରଫ ହୋଇଛନ୍ତି। ଏନେଇ କୋର୍ଟ ଚାଲାଣ କଲା ବନଖଣ୍ଡ ବିଭାଗ । ବରଗଡ଼ ଜିଲ୍ଲା ବିଜେପୁର ର ଆଶିଷ ମେହେରଙ୍କ ଫେସବୁକ୍ ଆକାଉଣ୍ଟରେ ଫେସବୁକ୍ ରିଲ୍ ଭିଡ଼ିଓରେ ବନ୍ୟ ପ୍ରାଣୀ ଆଇନ୍ ଉଲ୍ଲଂଘନର ଅଭିଯୋଗ ହୋଇଥିଲା। ରାଜ୍ୟର Cheif Wildlife Wardenଙ୍କୁ ଅଭିଯୋଗ କଲେ ସ୍ନେକ୍ ହେଲା ଲାଇନର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକ । ଭିଡ଼ିଓରେ ଏକ Indian Flap Shell Turtleକୁ ଧରି, ତା ପିଠିରେ ରଙ୍ଗ ତୂଳୀରେ ଶ୍ରୀ ଜଗନ୍ନାଥଙ୍କ ଚିତ୍ର ଆଙ୍କି, ସେଇ ରଙ୍ଗ ଥାଇ ପାଣିରେ ଛାଡ଼ିବା ଦୃଶ୍ୟ ଦେଖା ଯାଉଛି ।

ଏଇ କଇଁଛ ବନ୍ୟ ପ୍ରାଣୀ ଆଇନରେ Schedule 1 ତାଲିକାରେ ସଂରକ୍ଷିତ। ଦୋଷୀଙ୍କୁ ଚିହ୍ନଟ କରି ତୁରନ୍ତ ଗିରଫ କରିବା ପାଇଁ ଶୁଭେନ୍ଦୁ ମଲ୍ଲିକ ଚିଫ୍ ୱାଇଲ୍ଡ ଲାଇଫ ୱାର୍ଡେନଙ୍କୁ ଅନୁରୋଧ କରିଥିଲେ । ଏହି ଚିଠିର ଏକ ନକଲ ୱାଇଲ୍ଡ ଲାଇଫ କ୍ରାଇମ୍ କଣ୍ଟ୍ରୋଲ ବ୍ୟୁରୋର ଅତିରିକ୍ତ ମହାନିର୍ଦ୍ଦେଶକଙ୍କୁ ମଧ୍ୟ ଦେଇଛନ୍ତି । ଏହି ଘଟଣାରେ ବରଗଡ଼ ଜିଲ୍ଲା ବିଜେପୁର ଅଞ୍ଚଳର ଆଶିଷ ମେହେର ଏବଂ ଅବିନାଶ ବଗର୍ତ୍ତୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ସୂଚନା ଦେଇଛନ୍ତି ବରଗଡ଼ ଡିଏଫଓ ବିକ୍ରମ ଦେବ ପଟ୍ଟନାୟକ ।