ବଜ୍ରପାତରେ ଗୋଟିଏ ପରିବାରର 3 ଜଣଙ୍କର ମୃତ୍ୟୁ ହୋଇଛି । କୋରାପୁଟ ଜିଲ୍ଲାର ପଟ୍ଟାଙ୍ଗି ବ୍ଲକ ଅଧିନସ୍ଥ ଆମ୍ପାବାଲି ପଞ୍ଚାୟତର କନ୍ଧ ପୁଟା ବନ୍ଧ ଗ୍ରାମର ଗୋଟିଏ ପରିବାରର ଜଣେ ମହିଳା, ଜଣେ ନାବାଳିକା ଓ ଜଣେ ଯୁବକ ବଜ୍ରପାତରେ ପ୍ରାଣ ହରାଇଛନ୍ତି । ସରକାରଙ୍କ ତରଫରୁ ମୃତକଙ୍କ ପରିବାରକୁ 4 ଲକ୍ଷ ଟଙ୍ଗା ଘୋଷଣା କରାଯାଇଛି । ସେପଟେ ଗୋଟିଏ ପରିବାରର 3 ଜଣଙ୍କୁ ହରାଇ ଗାଁରେ ଶୋକର ଛାୟା ଖେଳିଯାଇଛି । କାନ୍ଦ ବୋବାଳିରେ ଫାଟି ପଡୁଛି ଗାଁ ଦାଣ୍ଡ । ମୃତ୍ୟୁ ଏମିତି ବି ଆସେ ବୋଲି କେହି ବିଶ୍ୱାସ କରିପାରୁନାହାନ୍ତି ।