ବାରଣାସୀରୁ ଚାଷୀଙ୍କ ଆକାଉଣ୍ଟକୁ ୨୦ତମ କିସ୍ତି ପଠାଇଲେ ପ୍ରଧାନମନ୍ତ୍ରୀ ମୋଦି । ଡିବିଟି ଜରିଆରେ ଚାଷୀ ପାଇଲେ ୨ ହଜାର ଲେଖାଏଁ ଟଙ୍କା । ଦେଶର ୯ କୋଟି ୭୦ ଲକ୍ଷରୁ ଅଧିକ ଚାଷୀ ହେଲେ ଉପକୃତ । ଚାଷୀଙ୍କୁ ୨୦ ହଜାର ୫୦୦ କୋଟି ଟଙ୍କା ପଠାଇଲେ କେନ୍ଦ୍ର ସରକାର । ଏହି ଅବସରରେ ଭୁବନେଶ୍ବରରେ ଆୟୋଜିତ ହୋଇଥିଲା ରାଜ୍ୟ ସ୍ତରୀୟ ପିଏମ କିଷାନ କାର୍ଯ୍ୟକ୍ରମ । ପିଏମ କିଷାନର ୨୦ତମ କିସ୍ତିରେ ରାଜ୍ୟର ୩୪ ଲକ୍ଷ ୮୫ ହଜାର ୮୮୧ ଚାଷୀଙ୍କୁ ମିଳିଲା ୬୮୭ କୋଟି ଟଙ୍କା । ଏହି କାର୍ଯ୍ୟକ୍ରମରେ ବିଜେଡି ସରକାର କେମିତି ଚାଷୀଙ୍କୁ ପ୍ରତାରଣା କରଥିଲେ ତାର ଉଦାହରଣ ରଖି ଟାର୍ଗେଟ କରିଛନ୍ତି ମୁଖ୍ୟମନ୍ତ୍ରୀ ।

ଗତ ସରକାର ଚାଷୀଙ୍କୁ ଯେଉଁ ଭଳି ଭାବେ ସହାୟତା ଦେବା କଥା ଦେଉନଥିଲେ । ଚାଷୀଙ୍କ ମୁହଁକୁ ଚାହୁଁ ନଥିଲେ । କାଳିଆ ଯୋଜନା ନାଁରେ ମିଛ କଥା କହି ଚାଷୀଙ୍କୁ ଅଡ଼ୁଆରେ ପକାଉଥିଲେ । ପୂର୍ବ ସରକାର ସମୟରେ ୨୯ ଲକ୍ଷ ଚାଷୀ ପିଏମ କିଷାନରେ ଅନ୍ତର୍ଭୁକ୍ତ ହୋଇଥିଲେ । ବିଜେପି ସରକାରରେ ଓଡ଼ିଶାର ଅଧିକ ୬ ଲକ୍ଷ ଚାଷୀ ପିଏମ କିଷାନ ଯୋଜନାରେ ଯୋଡ଼ି ହୋଇଛନ୍ତି । ତେବେ ଦୀର୍ଘ ଦିନ ଧରି ଯୋଜନାରୁ ବଞ୍ଚିତ ଥିବା ଚାଷୀ ପିଏମ କିଷାନର ଟଙ୍କା ପାଇବା ପରେ କଣ କହୁଛନ୍ତି ଶୁଣନ୍ତୁ । ସିଏମ କିଷାନ ପିଏମ କିଷାନ, ସୁଭଦ୍ରା ଭଳି ବିଭିନ୍ନ ଯୋଜନାରୁ ପ୍ରତି ବର୍ଷ ଜଣେ ଚାଷୀ ୩୦ ହଜାର ଟଙ୍କାର ସରକାରୀ ସହାୟତା ପାଉଛନ୍ତି ।

ଅଧିକ ପଢ଼ନ୍ତୁ ଓଡ଼ିଶା ଖବର: