ଦୁର୍ଗମରେ ରାତିଟିଏ କାର୍ଯ୍ୟକ୍ରମ ପାଇଁ ମାଲକାନଗିରି ଫନ୍ଦିଗୁଡା ଗୁଡାକୁ ବାହାରିଥିଲା ଆମ ଟିମ୍ । ରାତି ପ୍ରାୟ 7 ଟା ହେବ । ତାଣ୍ଡିକୋଣ୍ଡା ଗାଁ ରୁ କିଛି ବାଟ ଆମ ଚାରି ଚକିଆ ଗାଡି ରେ ଗଲା ପରେ ରାସ୍ତା ଖରାପ ଯୋଗୁଁ ଆମ ଗା1ଡି ରାସ୍ତାରେ ଦବି ଯାଇଥିଲା । ଗ୍ରାମବାସୀ ଙ୍କ ସହାୟତା ରେ ଯେତେ ଚେଷ୍ଟା କଲେ ମଧ୍ୟ ଗାଡି ନ ବାହାରିବାରୁ ଆମେ ଗାଡିକୁ ସେଠାରେ ଛାଡି ଚାଲିଚାଲି ବାହାରିପଡିଲୁ ଫନ୍ଦିଗୁଡା ଅଭିମୁଖେ । ଗାଁ ଆରମ୍ଭରେ ଆମକୁ ଅପେକ୍ଷା କରି ରହିଥିଲେ ଗାଁର ମହିଳା । ଆମକୁ ଆଦିବାସୀ ପରମ୍ପରାରେ ସ୍ୱାଗତ ମଧ୍ୟ କଲେ ।

ରାତି ପ୍ରାୟ 8 ଟା । ଚାରିଆଡେ କିଟ କିଟ ଅନ୍ଧାର । ଲୋକଙ୍କ ଭରସା କିରସିନ ଡିବି ଆଉ ମୋବାଇଲ ଲାଇଟ । ଗାଁ କୁ ଯୋଗାଯୋଗର ରାସ୍ତା ନାହିଁ କିନ୍ତୁ ଗାଁ ଭିତରେ କଂକ୍ରିଟ ରୋଡ଼ । ପାନୀୟ ଜଳର ବ୍ୟବସ୍ଥା ପାଇଁ 2020 ମସିହାରେ କୋରୁକୋଣ୍ଡା ବ୍ଲକ ପକ୍ଷରୁ ସୌର ଚାଳିତ ଓଭର ହେଡ ଟାଙ୍କି ର ବ୍ୟବସ୍ତା କରାଯାଇଛି । କିନ୍ତୁ ଏହି ଲାଇଟ କେବେ ମଧ୍ୟ ବ୍ୟବହାର ହୋଇନାହିଁ । ଦୀର୍ଘ ବର୍ଷରୁ ବ୍ୟବହାର ନ ହେବା ଯୋଗୁଁ ନଷ୍ଟ ମଧ୍ୟ ହୋଇଗଲାଣି ।

ଗ୍ରାମବାସୀଙ୍କ ଆଲୋଚନା କରିବା ସହ ଆମେ ପହଂଚିଲୁ ଗାଁର ଜଣେ ମହିଳା ବାରେ ମାଡକାମୀ ଙ୍କ ଘରେ , ରୋଷେଇ ଚାଲିଥିଲା , ଦେଖିଲୁ କାଠ ଚୁଲିରେ ଚାଲିଛି ରୋଷେଇ । ବର୍ଷା ଦିନ କାଠ ସବୁ ଓଦା । ଫୁଙ୍କି ଫୁଙ୍କି ନୟାନ୍ତ ହେଇସାରିଲେଣି ବାରେ ମାଡକାମୀ । ତଥାପି ପେଟ ପୁରିବା ପାଇଁ ଚାଲିଛି ପରିଶ୍ରମ । ମୌଳିକ ସୁବିଧା ଏମାନଙ୍କ ପାଇଁ ସାତ ସପନ । ନିର୍ବାଚନ ଆସିଲେ ଏମାନଙ୍କ ଆବଶ୍ୟକ ପଡେ କିନ୍ତୁ ନିର୍ବାଚନ ସରିଲା ପରେ ଏମାନଙ୍କୁ ସମସ୍ତେ ଭୁଲିଯାଉଛନ୍ତି ।

ଅଧିକ ପଢ଼ନ୍ତୁ ଓଡ଼ିଶା ଖବର:

Argus News | argus news | Odisha Latest News, Breaking News, Trending News, Live TV