ରେଭେନ୍ସା ବିଶ୍ୱବିଦ୍ୟାଳୟର ବହୁ ସଂଖ୍ୟକ ଛାତ୍ର ଅସୁସ୍ଥ। 40ରୁ ଅଧିକ ଛାତ୍ର ଅସୁସ୍ଥ ହୋଇଛନ୍ତି। ଏକକାଳୀନ ଅସୁସ୍ଥ ହେବାପରେ ଏସସିବିର ନନ୍ ଟ୍ରମା କାଜୁଆଲଟିରେ ଭର୍ତ୍ତି କରାଯାଇଛି । ୨୦ରୁ ଉର୍ଦ୍ଧ୍ବ ଛାତ୍ରଙ୍କୁ ଡାଇରିଆ ୱାର୍ଡ଼ରେ ଭର୍ତ୍ତି କରାଯାଇଛି। ସମସ୍ତ ଛାତ୍ର ନିଉ ପିଜି ହଷ୍ଟେଲ ଓ ଧର୍ମପଦ ହଷ୍ଟେଲର ଅନ୍ତେବାସୀ ଅଟନ୍ତି ।

ମେଡିକାଲ ପକ୍ଷରୁ ଏକ ସ୍ୱତନ୍ତ୍ର ଡାକ୍ତରୀ ଦଳ ସମସ୍ତ ଛାତ୍ରଙ୍କ ଚିକିତ୍ସା ଜାରି ରଖିଛନ୍ତି। ତେବେ ମେଡିକାଲରେ ରେଭେନ୍ସା କୁଳ ସଚିବ ପହଞ୍ଚି ସମସ୍ତ ଛାତ୍ରମାନଙ୍କ ଚିକିତ୍ସା ସମ୍ପର୍କରେ ବୁଝିବା ସହ ଏସସିବି ଅଧିକ୍ଷକ ପହଁଚି ଅନୁଧ୍ୟାନ କରୁଛନ୍ତି । ତେବେ ପ୍ରକୃତ କାରଣ ଅସ୍ପଷ୍ଟ ରହିଛ ି।