କ୍ବାକ ଙ୍କ ଭୁଲ ଇଂଜେକସନ ପାଇଁ ଚାଲିଗଲା 5ବର୍ଷ ଶିଶୁକନ୍ୟାର ଜୀବନ । ଏଭଳି ଅଭିଯୋଗ ଆଣିଛନ୍ତି ପରିବାର ଲୋକ । ମୃତ ଶିଶୁ କନ୍ୟା ପଦ୍ମପୁର ବଡ଼ ଅଘାପୁର ଅଂଚଳର କଟ ମାଝୀଙ୍କ 5ବର୍ଷର ଶିଶୁକନ୍ୟା ସୁକନ୍ୟା ମାଝୀ ବୋଲି ଜଣାପଡିଛି। ସୁକନ୍ୟା ଗାଲୁଆ ରୋଗ ଭଲ ପାଇଁ ଏଡତାଳ ଠାରେ ରୋଗୀ ଦେଖୁଥିବା ଜଣେ କ୍ବାକ କୁ ଦେଖାଇଥିଲେ । ତେବେ କ୍ବାକ ଜଣକ ସୁକନ୍ୟାକୁ ଏକ ଇଂଜେକସନ ଦେଇଥିଲେ । ଫଳରେ କିଛି ସମୟ ପରେ ସୁକନ୍ୟାର ମୃତ୍ୟୁ ହେଇଥିଲା ।

ତେବେ ସଂଗେ ସଂଗେ ପରିବାର ଲୋକ ବାସୁଦେବପୁର ମେଡିକାଲ ରେ ଭର୍ତି କରିଥିଲେ। ହେଲେ ଡାକ୍ତର ତାକୁ ମୃତ ଘୋଷଣା କରିଥିଲେ। ତେବେ କ୍ବାକଙ୍କ ଭୁଲ ଇଂଜେକସନ ପାଇଁ ସୁକନ୍ୟାର ମୃତ୍ୟୁ ହେଇଥିବା ଅଭିଯୋଗ ଆଣିଛନ୍ତି ପରିବାର ଲୋକ । ଏ ନେଇ ଥାନାରେ କୌଣସି ଲିଖିତ ଅଭିଯୋଗ କରାଯାଇ ନଥିବା ଜଣାପଡିଛି ।